Archief Gemeente Grave Inv. Nr. 217 (9 fiches) Stadsrekeningen Band I: 1421 – 1449



Dovnload 1.29 Mb.
Pagina28/29
Datum22.07.2016
Grootte1.29 Mb.
1   ...   21   22   23   24   25   26   27   28   29

Dit sijn der stat maten, als VIII scepel, III vaet en J vaet.
Dit sijn die gewichten in der wagen: III stucken elc hondert lib(er) en

II stucken elc vijftich lib(er)

1 stuck XXIIII lib(er)

1 stuck XX lib(er)

1 stuck VIII lib(er)

1 stuc IIII lib(er)

1 stuc III lib(er)

1 stuc II lib(er)

1 stuc I lib(er)

1 stuc J lib(er)

1 stuc 1 vierdel lib(er)
Dit sijn der stat bussen: in de irsten XV loetbussen ende

V steenbussen en

IIII camerbussen, elc myt II cameren ende

1 camerbusse, die ons heren genade der stat gegeven heeft sonder camer ende

1 busse op rader yn die Hampoirt ende

1 busse op rader yn die Brugpoirt
Item soe eest te weten dat wy aengenomen hebben Jan Reyleyer die steenbecker VI jair lanck te backen ende van elken dusent steens te vormen te hebbeen XXV kr.
Item voirt soe hebben wy aen genomen meyster Gerit Sloetmeker dat vier jair lanck dat urwerck te stellen, dair alle jair af te hebben V rh. gulden.
Fol. 280 r.

Los blad met Anno XXXV (1435) met gedicht fragmenten!


Fol. 280 v. mankeert
Fol. 281 r.

Anno XLIX (1449

Jan Hols )

Coman Henricx ) burgermeysteren
Fol. 281 v. mankeert
Fol. 282 r.

(Hier begint een andere schrijver, ander handschrift!!!!!!!)

Opboeren Jan Hols ende Coman Henricx in der tijt Burgermeysteren te Grave aengaende in den jair van XLIX op ten Jairsdach, uitgaende in den jair van L op ten selve dach. Dat lib(er) gerekent voir VIIJ Gelresche4 meuwe ende die Gelresche meuwe voir XVII gr(oiten) ende den Rijnsgulden gerekent voir XLIX kromstert.
Item in den irsten van allen assisen van den helen jair in desen jair verpacht:

Item den Brode ass. den slach dair af XII lib.

Item die wijn ass. sullen wy mitten hoechsellen nae bewysen.

Item den Caren ass. XXXVI lib.

Item den Bier ass. II C XCV lib.

Item den Verwer ass. XXXV lib.

Item den Wever ass. LXXI lib.

Item den Krem(er) ass. XX lib.

Item den holten ass. XVI lib.

Item den Schomeker ass. XIIII lib.

Item den Visscher ass. XVIII lib.

Item den Vleyshouwer ass. XVII lib.

Item den Wage ass. XL lib.

Item den Steenpacht ass. VIII lib.

Item den kesen ende lijnen laken ass. III lib.

Item den Fermentoyt ass. XXXV lib.

Summa lateris VI C XX lib. payment.
Fol. 282 v.

Dit syn die hoechsellen die der stat geboiren van den voirgen. assisen.
Item in den irsten van den Brode ass. X hoechsel ad XII s. valet VI lib.

Item den Caren ass. V hoechsel ende 1 derdedeel as XXX s. valet VIII lib.

Item den Bier ass. VIII hoechsel ad III lib. valet XXIIII lib.

Item den Verwer ass. VI hoechsel ende die twedeel van enen hoechsel ad XXX s valet X lib.

Item den Wever ass. IIII hoechsel ad III lib. valet XII lib.

Item den Cremer ass. VI hoechsel ende die twedeel van enen hoechsel ad XXX s. valet X lib.

Item den holten ass. V hoechsel enden een derdendeeel ad IX s. valet II lib. VIII s.

Item den schoemeker ass. IIII hoechsel ad IX s. valet I lib. XVI s.

Item den Visscher ass. VIII hoechsel ad XVIII s. valet VII lib. IIII s.

Item den Vleyshouwer ass. II hoehcsel ende die twedeel van 1 h. ad XVIII s. valet II lib. VIII s.

Item die Wage ass. IIII hoechsel ad XXX s. valet VI lib.

Item den Steenpacht ass. X hoechsel ad XII s. valet VI lib.

Item kesen ende lijnen laken ass. VI hoechsel ad XII s. valet III lib. XII s.

Item den fermentoit ass. XII hoechsel ad XII s. valet VII lib. IIII s.


Item geboirt van Rut Bollen van den welken (=wallen) bider watermoelen III lib.

Item geboirt van Jan Coberch uyt Jan Roeffs huys was II capuyn

Item van Jan van Lynden geboirt van Heyn Feessen huys was bi den potten(er) III capuyn
Summa lateris I C IX lib. XII s. V cap(uyn)
Fol. 283 r.

Op Sunte Petersdach ad Cathedram van den ramen geboirt en den Vlemsschen gerekent voir VI meuwen enden 1 groitken ende XIII Vlemsch voir enen gulden.
Item dit syn die Ramen aen der mueren

Item Deric van der Meer III ort guldens

Item Herman van Wamel III Vlemsch gulden ende III ort

Item Wolter van Wamel IIJ Vlemsch gulden

Item Godert van Aken II Vlemsch gulden

Item Jacop van der Holt IIJ Vlemsch gulden


Summa van den Ramen beloipt tsamen XIJ Vlemsch gulden valet similiter den Rijnsgulden V Rh. gulden XLIIJ kr..
Item den slach van den wynass. L voeder – elck voeder ad III rh. gulden, eens gehoicht ende ellic hoechsel een voeder, soe coemt der stat I C LII rh. gulden.

Item op Paesschen van den hoefde geboirt IIIIJ rh. gulden.

Item Goessen van der Hege VI vait roggh tsiars dat malder ad XXXIX kr. valet XXIX kr. I ortken

Item Heyn Canen uyter synen huyss IIII vait rogge, dat malder ad XXXIX kr. valet XX kr.

Item Jan Coberch enen blauwen gulden uyt den hoff beneven syn huys valet XXX kr.

Item Deric van der Meer uyter deh thorn ende mueren enen blauwen gulden valet XXX kr.

Item van acht vleysbenck, elck ad VI Gelresche meuwen valet 1 rh. gulden XV kr.

Item van derthyen becker, elc ad drie Gelresche meuwen valet 1 rh. gulden III kr.

Item geboirt van der schoelmeyster van der scholen van dess jair 1 rh. gulden.

Summa lateris I C LXVII rh. gulden XLVI kr. III ortken.


Fol. 284 r

Dit syn die in desen jair poirter worden syn ende van elke geboirt II Reynaldus gulden ad XXXVI kr.

Item in den irsten Rijck Maess van Venloe )

Item Meyster Peters broeder die Leydecker Jan ) elck gegeven II Reynaldus gulden valet

Item Jan Kuyst die Mesmeker ) similiter V rh. gulden XLIII kr.

Item noch 1 vremd man geheyten Jan Hymtyn )
Dit syn die broek (=breuken, boeten) der stat, aengaende van vechtliken sayken, elc dusent steens, gerekent voir XLV kromstert.

Item in den irsten Geeske Gel(er) II M

Item Willem die Haze II M

Item Gairt Goess(en) II M

Item Maes die Volre I M

Item Deric Triphouwer I M

Item Gysken Jans knaep van Aelst I M

Item Jan van Loen I M

Item Heynkema I M

Item van Aleyt Genen I M **

Item Geritke Coppen I M **

Item Herman van Batenborch I M **

** Item van dess drie egheen lib. geboirt.



Sunt XIIII M steen valet XII rh. gulden XVIII kr.
Item in desen jair gebacken II Oven steens, dair den irsten oven aff helt LIII dusent 1 (53.250) verdel steens, elck dusent steens gerekend voir XLV kr., dair aff die Steenbeckeren gehadt van elc dusent te vormen XXV kr., dat af geslagen, soe coemt der stat XXI rh. gulden XXXI kr.

Item den anderen Oven helt LXIIII (64.000) M steens, oick elc dusent ad XLV kr., dair van die pastoir gehadt VI C 1 verdel steens om Gaitswyll, noch Jan van Kranenvelt VI C steens, genomen van der statsteen, want hy seyd dats soe voel gehaelt was van synen steen, die st. af getogen, soe blyft der stat LXII M VII C III verdel (62.775) steens, elc dusent ad XLV kr., dair van die steenbeckeren gehadt van elke dusent te vormen XXV kr., dat aff getogen soe oevert der stat XXV rh. gulden myn i ortken kr(omstert). Soe syn van dese twe oven tsamen geweest XM bleeck steen dair van geboirt van de VI M. steens, van elken dusent XXXIII kr. ende IIII M. vercofft ad XXIIII kr., dair van gegeven den steenbecker van elke dusent XXV kr., den selven ged (?) stroe, dair sy den steen mit deckten beloipt II rh. gulden IIII kr., soe had Jan Coberch den slach van den anderen oven voir XXVII rh. gulden, dair van betailt VII rh. gulden ende alle dit uytgeven aff getogen tegen dat opboeren, soe oevert der stat van den anderen oven XVI rh. gulden XL kr. III ortken.


Summa lateris LVI rh. gulden XXXIIII kr. III ortken.
Fol. 282 (I) v.

Item soe ontbrickt Jan Coberch aen der stat van dess oven XX rh. gulden, dair die taildach aff iss nu te Mey neest toekomende.

Item Jan van Kranevelt ende Willem Monnic onss ondergescreven, als dat my Jan Coberch sculdich bleeff van der stadt wege XX rh. gulden V kr.
Summa summarum van allen opboeren in desen jair beloipt tsamen CCC LXXV rh. gulden II kr.
Fol. 282 (II) v.

1421, 1422,1423,(14)24,(14)25, (14)26, (14)27, 14………… 1449.


Fol. 283 r. t/m. 284 v. blanco, ontbreken hier
Fol. 285 r.

Uytgeven des Burgermeysteren voirgen., den rh. gulden gerekent voir XLIX kr.

Item in den irsten, soe waeren die Burgermeysteren Jan van Kranevelt ende Willem Monnic tafter aen der stat den selven betaelt II X XLIIII rh. gulden XXI kr. III ortken.

Item doe die Burgermeysteren verset waeren, verteert tot Jans huyss van den Broick LXXVII qrt wijns ad III kr. valet similiter (of ‘sunt’?) IIII rh. gulden XXXV kr.

Item doe die Burgermeysteren rekenden, verteert tot Jans huys van den Broick LVIII qrt. wijns ad III kr. valet silimiliter III rh. gulden XXVII kr.

Item doe men die rekeningen besach, doe gedroncken opt Raethuys 1 qrt rommien ad VI kr. ende II scuten/stuten (?) valet IIII gr. noch te selven mael tot Thyssenhuys verteert XX qrt ad III kr. valet similiter 1 rh. gulden XVII kr. IIII groitken.
Dit is den onrait van de gemeynte

Item gesproken mit onss heren genade ende mitten hoefluden in dat irst en sy gesacht hadden der stat te doen III C rh. gulden hoin geschinckt tot Jacop Doppers juys een guet gelaich by raide, scepenen ende geswoeren ende vryntscap mitte hoefluden te hebben doe verteert LXI qrten wijns ad III kr. sunt III rh. gulden XXXVI kr.

Item onss scoltet, burgermeysteren ende een deeld van den raide ende een guet hoefman om dat hy ons gunstich wes sold, hem geschunckt XV qrt. wijns ad III kr. facet XLV kr.

Item ons Amptman ende die abet (abt Mariënweerd?), Jan van Holt rentmeyster, Steenhuys Sweder scoltz geswaerenen van myns heren genade wegen den Graspeel ende ons dair nyemant ende gemuetl van slands ende der hoefluyde wege, doe geschmickt hem allen, doe wy weder quamen tot jacop Doppers huyss XV qrt wijns ad III kr. valet XLV kr..

Item doe wy tot Eesscharen geweest waeren om dat landt te besyen ende weder quamen, doe verteert tot Thyss h(er)b(erg). IX qrt. roids wyns ad II kr. III ortken ende 1 kr. te bier ende eer wy uyt ginge om dlant te besien verteert tot Derich(er)b(erg) van der Cluten III qrt maleasien ad VIII kr. valet sunt 1 rh. gulden III ortken kr.

Item doe wij meynden te ryden ende niet en reden want verlengt uuter theten (=het eten) smanendagh ten selven mael tot Thyssh(er)b(erg) verteert VII qrt. wijns ad III kr. valet XXI kr.

Item smanendagh doe wy dair voeren gehuert twe vreemde wagens, elke wage gegeven enen alden braspenning want ons wage uyt der stat waeren ende wy ons dair toe verlaten hadden en doe gedroncken mitten rait, doe wy weder quamen VI qrt biers ad V gr. te selven mael geschinckt den gesellen, die die poirt hueden IIII qrt biers ad V gr. ende den wageluyden theten gegeven tsamen III krt. Valet sunt XIII kr. IIIIJ gr.

Item des Gasthuys wage ons gevoirt aen den Graspeel, den knaep gegevn II kr. I ortken.

Item noch op gheen huyss geweest burgermeysteren, scepenen ende rait ende doe myns heren genade gesproken van den gemeynten ten selven mael tot Dericx van der Cluten verdroncken 6 pinten rome ende ywee pinten malenazien valet XIJ kr.

Summa lateris II C LXI rh. gulden XXX kr. XIJ gr.


Fol. 285 v.

Item ons Amptman ende ons heren genedige rait mitten burgermeysteren, scepenen ende rait dlant besien hadden aen Lynerbroick ende wy doe weer quamen doe verteert tot Jacopsh(er)b(erg) van den Holt XXXII qrt wyns ad III kr. ende ten selven mael geschinckt den ghenen die die poert doe huedden IIII qrt. biers ad V gr. valet sunt 1 rh. gulden XLIX kr.

Item doe ons Amptman, burgermeysteren, scepenen ene rait weder quamen ende dlant gemeten ende gepeelt was, doe verteert tot Thyssherberg XXVIII qrt. roeds wyns ad III kr. myn 1 ortken en ten selven mael om vleysch gegeven, dat wy aten X kr. ende een vlessch biers mit gevoirt hielt * qrt. ad V gr. ende smorgens eer wy dair hynnen togen verteert 1 qrt. malenasien ad VIII kr.. Arnt Konen ons aldair gevoirt den gegeven IIII kr. pappart gegeven om den lantmeter, want Jan van Hollant niet doin en wolden, den gegeven VI kr., noch gegeven den lantmeter want hy dair om hier quam 1 rh. gulden den selven gescinckt VI bier in syn herberge valet sunt III rh. gulden XI kr. I ortken.

Item noch ons Amptman scoltz ende dat meeste deel van den Raide geteert tot Copken huys ende wy spraeck hadde gehalden mit ons heren genade verteert XX qrt wijns ad 1 alde braspenning valet sunt 1 rh. gulden XVI kr.

Item doe wij weder quamen ende dlant begraven was, doe verteert tot Thyssherberg XXXI qrt ad IIJ kr. ende smorgens VII pinten malenzien ad XIIII kr. valet 1 rh. gulden XLIIJ kr.

Item noch drie vait biers van henric Persoens, dat vait ad XXV kr., J wage keze valet IJ rh. gulden tot Neesken vanTriest gehailt VI kr., aen scoenbrot tot Gerits van der Voirt XII rogge broide ad VI meuwen ende tot Jans van Rysen XII rogge broide ad VI meuwen ende VI kr. aen scoenenbrot tot jans huys vanAken XXII liber botteren ad IJ kr., noch VI kannen verloen ad I kr. sunt IIII rh. gulden XLVII kr., XJ gr.

Item doen Coman Henric burgermeister weder verteert XII qrt ad 1 alde braspenning ende noch tot Copkesherberg van de Holt een deels van de scepenen ende geswoeren, doe men den rait versat sold hebben ende myns heren genade bade om een luttel te behalden, verteert mit myn here van Well boven ons gelaich XV qrt. wyns ad 1 alde braspenning, noch verdroncken tot Jacopsherberg van den Holt XXIII qrt. wijns ad 1 alde braspenning, noch II kr. noch doen myns heren genade spraick hielden mitte hoefluden ende by hem op gheen huys waeren tot Vespertyt toe, noch opt huys geweest by myns heren genade tot midnach toe, doe verteert tot Met Ansems scoltz, scepenen ende rait een deels X kr. valet sunt III rh. gulden XXVIIJ kr.

Summa lateris XVI rh. gulden XLVIJ kr.


Fol. 286 r.

Dit is den onrait van den hoefden.

Item in den irsten van Jan Coberch twe vymmen rijs ende VI borden, die vym ad II rh. gulden noch van Diericxske XLVII borden rys, die borde ad II kr., noch VIII keperholter ende staken dair af gemaict elc holt ad VI meuwen noch wy spraec hield tot Dericxherberg van der Cluten van de hoeffd om te maken scoltz, scepenen en geswoeren verteert II qrt malenazyen, die qrt ad VIII kr. valet sunt VII rh. gulden XXX kr. III ortken.

Item Arnt Konen X dage gevoirt mit karren aen dat hoeffdt, Arnt geschinckt der stat enen dach, soe blyfft der stat te betalen IX dage, elke dach ad X kr., noch Arnt IIII voeder rijs gevoirt uuyter den weert opt hoefft, die voir ad IIII kr.,

noch Arnt Konen der stat holt gevoirt van der Masen int gastherberg, dair van gegeven XX kr.,

noch Arnt Konen ons gevoirt tweewerff aen Lijnenterbroick, elke mael hem gegeven VI kr. valet XII kr. noch Gairt Konen der stat VI dage gekert, geschinckt der stat enen dach, soe blyft der stat te betalen 8 dage ad X kr..

Noch Goess Vrericx twe dage aent hoet gekart, geschinckt der stat enen dach, soe blyft der stat enen dach te betailen ad X kr..

Noch Heynken Wellens IJ dach gekart, geschinckt der stat J dach, soe blyft der stat te betalen enen dach ad X kr.

Noch Gairt Koenen 1 voeder rijs gevoirt uyter den weerdt aent hoeffdt valet IIII kr..

Noch Geler Corpus drie dage rys gehailt aen dat hoeffdt uyter der weerdt sdagh hem gegeven V kr.

Noch Willem van Boghen IIII dage aent hoet gearbeyt ad V kr. sdagh. Heyn van Kuyc aen thoefft gearbeyt XII dage ad V kr. sdagh. Jan van der Hege XIII dage ad V kr. valet sunt VII rh. gulden XXIX kr.


Dit syn die dachhueren van den staket op ter dijck.

Item in den irsten Jan van Hijnden XXII dage sdagh VIII kr.. Wolter van Hollant VIII dage sdagh V kr.. Jacop Kyenoet VI dage ad v kr.. Goessen Vrericx IIII dage ad V kr.. Geler Corpus II dage ad VI kr.. Heyn van Kuyc gegraven bynnen den staket IIII dage ende den weech gemaict by Jacop Kyenoets ad V kr.. Jan van der Hege IIII dage gegraven ende den wech gemaict ad V kr. valet sunt VI rh. gulden XXII kr.

Item van Jan Hoeffsmit IIII C scherpelinc, dair dat staket mit genegelt wairt, dat hondert ad LX kr., noch die selve III verdel doirnagel gebesingt aen den Hampoirten, dat hondert ad V kr.. Noch IIII kr. aen een veter dair die brugh mit op ende toe gaet,noch LXIII dobbel scerpelinc aen den bruggen, dat hondert ad XL kr.. Noch 1 C

Scerpelinc aen die Hampoirt ad XX kr..

Noch III verdel daeck nagel dat hondert III kr., noch III verdel lasnagel dat hondert X kr., noch IIII lasnagel ende twe scerpelinc valet sunt VI rh. gulden X kr.

Summa lateris XXVII rh. gulden XLII kr. 1 ortken.


Fol. 286 v.

Item aen die Brugpoirt aen die lynd twe ancker wege tsamen III lib(er) ad 1 butken ende noch aen die Brugpoirt boven J C lasnagel ad X kr.. Noch XXXVIII scerpelinc dat hondert XX kr.. Noch VJ Cdaicknagel III kr.. Noch 1 C doirnagel dat hondert V kr. ende 1 C lasnagel ad X kr., noch I C scerpelinc ende XXV dat hondert ad XX kr., noch I C XIII dobbel scerpelinc, dat hondert XL kr., noch een gehenge aen die klep weecht IIIIJ lib(er) ad 1 butken, noch IIII haeck aen die Brugpoirt, tsamen III kr. noch enen haeck weecht 1 liber ad I butken noch twe band aen den oversteeck valet IIII kr.. Noch aen den bussen schragen, daer die bussen in liggen VI kr., noch 1 verdel doirnagel op ter Veerpoirten dat hondert V kr. valet sunt II rh. gulden XLI kr. III ortken.

Item Gerit Sloitmeker twe sloit vermact op die Veerpoirt tsamen VII kr.

Item die selff enen slotel by Kranevels in die muer 1 kr.

Item aen die Hampoirt II slotel enden II knuyster vermaict tsamen XII kr.

Item van Jan Maess XIIII voit plancken vertymmert op die Veerpoirt, die voit ad 1 meuwe ende Henric vanWeert, dat getymmert ende die lanen gemaict tsamen IIII kr. valet sunt VIII kr. IIII gr.

Item Jan Seus XIX C daicknagel, soe aen die Hampoirt enden aen die Brugpoirt dat hondert ad III kr., noch een bussch vermaict gegeven J rh. gulden, noch twe emer gebonden, hangen op gheen marckt aen die put, beloipt XXXVI kr. valet sunt II rh. gulden XVIII kr.

Item Jan van Hynden der stat getymmert IIIJ dach aen die brug gemaict aen die Brugpoirt ad VIII kr., noch twe dage aen die Hampoirt, dat cleyn bruxke gemaict enen dach, noch aen dat huyske gemaict buten die Hampoirt III dage, noch die selff haspel bet gehange ende der weelen een deels gemaict, hem gegeven tsamen X kr. noch die selff XII dage getymmert die goyt voir Arnt Proyten ende voir Willems Haezen ende dat leydaeck boven die Brugpoirt op geslagen ende getymmert ende voir sloitmekers ende voir Copken van den Hout sdagh ad VIII kr.. Noch gegeven van dien holt te snyden dair die goeten af gemaict syn ende die plancken, die dair op liggen tsamen XIIIJ kr. valet sunt III rh. gulden XLIX kr.

Item om een schael daer die luyde op sitten int cleyn huysken buten die Hampoirt VI kr. ende aldair 1 verdel doirnagel, dat hondert V kr., noch een schael geleet opt cleyn brugxken II kr., noch gegeven Lemken van enen blaesbalch vermaict opt Raithuys III kr., noch gegeven om een leer op gheen huyss gehalt J kr. valet sunt XII kr. III ortken.

Summa lateris X rh. gulden II kr. IIII gr.


Fol. 287 r.

Dit is dat van der stat wege ge(reisd?) ende gelopen is.

Item in den irsten Sweer en Jan van den Broick tharnen (te Arnhem?) gedaen op die dach veerd om myns heren genaden uy geweest mit twe perden VI dage valet XII dage elc pert X kr. sdagh valet II rh. gulden XXII kr. die self verteert te selven mael IIJ rh. gulden valet sunt IIII rh. gulden XLVIJ kr.

Item noch Sweer ende Henric van Steenhuys tArnhem gereisd om beden wyll myns heren genaden mit twe perd V dage uyt geweest valet X dage, elc pert sdage X kr. valet sunt II rh. gulden II kr., die selff te selev mael verteert II rh. gulden III ort valet sunt IIII rh. gulden XXXVIII kr. III ortken.

Item Scelken die Kremer tot Nymegen ges(end) om een antwort te brengen want mijn heer tot Assel geweest was, den selven gegeven want hy na d’antwert wachten VI kr.

Item Bay die Scomeker tot Gelre gesend aen myns heren genaden, die self enen dach gewacht na op antwert ende een myll om gegaen tsamen gegeven XXIIII kr.

Item Sceelken die Kremer tot Nymegen gesend mit enen brieff om den hoefluyden wyll om een antwert te brengen den selven gegeven, want hy over nacht gingen VIII kr.

Item noch den selven gesendt aen die drie stede tot Nymegen om een antwert te brengen, die selff dair gewacht twe dage lanc, den selven gegeven XII kr.

Item Laureyns tot Ludic gesend mit twe brieven, den enen van myns heren wege en den anderen van der stat om Heynkens wyll van Thoenen die self na dr antwert gewacht twe dage lanc tsamen gegeven XXXII kr.

Item geschinckt Harnt van Gent by rai des raids VIII qrt wijns ad III kr. ende twe Gentsche koiken ad V kr. valet sunt XXXIIII kr.

Item Peter die Leydecker heet der stat gedeckt opt cleyn huysken buten der Hampoirt twe roeden daeckx um VII voet, noch die selff gedeckt aen die Brugpoirt boven die brugge aen den thorn een ider daeckx ende XI voet ende twee royke biers den gesellen gheschinckt valet sunt XVII rh. gulden IJ kr.

Item gegeven van den leyen te voeren tsamen die opt huysken gedeckt sin VI kr.

Item aent huyske boven buten der Hampoirt gebesingt IIII liber loits ende 1 verdel liber dat liber J braspenning valet sunt VI kr. XIJ gr.

Item Henric Canen XX dage gestrait sdags IX kr. ende Jan syn broider gestrait XIX dage, sdags VIII kr. valet sunt VI rh. gul XXXVIII kr.

Item Femske Poirter hem beyden geoepert V dage lanc sdagh V kr., noch Rolof syn knaep geoepert XX dage sdagh III kr. valet sunt 1 rh. gulden XXXVI kr.

Item noch Heyn Canen gemetselt aen die Hampoirt aen dat cleyn huysken ende aen die lynd tsamen twe dage ad IX kr. valet XVIII kr.

Summa lateris XXXVIII rh. gulden XIII kr. VIII gr.


Fol. 287 v.

Item die cuper twe emer gemaict aen den put op ter marckt enden wenich cleyn gebynds tsamen X kr.

Item aen Henric Kanen verdingt die Hampoirt op te slippen ende die doeren te hangen ende dat gewulp weder te maken ende hem steygeringe te doen den selven geloift van de stat wege IIII rh. gulden hem verlacht aen den weerck te corten XII kr.

Item gheschinct den van Velp, doe sy dyckten after hove XV meuwen aen broit ende aen bier XXVI qrt ad IIII gr. valet synt XII kr. VIII gr.

Item Holtken van Rurmunde der stat gelevert I C XXXI tonnen keyen, dair van heeft Gerit Bottelier enden Aelken Brieffs IX tonne, soe blyft der stat I C XXII tonnen, die tonne ad IIII kr. myn 1 ortken, die keyen gecost uyt den scip te doin XL kr., noch om een mand dair sy mit gedragen syn, gegeven III kr. valet sunt IX rh. gulden XVIJ kr.

Item gegeven van den gruys in den torne te doen, dat voir Jacop Emonts enden voir Dericx van der Cluyten lach XVI kr.

Item noch Goess van den selven eerden in den thorne, gevoirt LXXVI karren, die karre ad J kr. valet sunt XXXVIII kr.

Item noch Goess Diericx gevoirt uyter stat IX karren eerden, die die Stemetseler uyt der straten hacken,, die kar ad III meuwen valet sunt VIII kr. IIII gr.

Item noch Goess gevoirt al om die stat soe voir Henric Brieffs ende voir Jan Kocken ende voir Rutken van Dairnen ende in die Hamstrait enden voir in die Hampoirt bider bruggen ende aen den Hamdijck tsamen hondert ende XL karren sands, die kar ad III meuwen valet sunt II rh. gulden XXXI kr. I orth.

Item Heynken Wellens gevoirt voir Willems Hazen aen die goit XXIIII karren sands, die kar ad III ortken valet sunt XVIII kr.

Item Goess gevoirt XXX karren keyen al om in die straten, die kar ad III meuwen valet sunt XXVII kr. IX kr.

Item noch Goess gevoirt die backoen van der Masen op ten Blienberch gegeveb VI kr.

Item noch Goess gevoirt die leyen van den haven aen den groith thorn twe karren ad 1 kr. valet II kr.

Item van henric die Cael gecofft II C LXX voit plancke die sess uyt den voet, dat hondert ad L kr. en VJ butken gegolden te lycop water guet coep was valet sunt II rh. gulden XLIIII kr. IIII gr.

Summa lateris XVII rh. gulden XLVI kr. IX gr.
Fol. 288 r.

Item Herman Beynom die goit gemaict voir Willems Haezen ende die doir aen den hoge thorn ende boven op ten thorne ende aent Raethuys tsamen 8 dage, elke dagh ad III braspenning valet sunt XLVIII kr. III ortken.

Item gegeven Claes die Decker van den raithuys te decken VJ dach, elke dach ad VIIJ kr. valet sunt XLI kr. I ortken.

Item Goessen Vrericx aldair gevoirt IIII karren leems, die kar IJ kr. valet VI kr.

Item noch gegeven voir teen ende bantgeerden III kr. ende dair gebesingt VJ vym schoeff, die IIII vymmen ad VJ kr. ende die IJ vym ad VIJ kr. valet sunt XXXIIII kr. III ortken.

Item gegeven Claes oeperknecht van VJ dach sdags VJ kr. noch opt rairhuys verbornt III vymmen ryss, die twe wymmen ad XXV kr. ende die ander vym ad XXVIIII kr. valet similiter II rh. gulden X kr. I ortken.

Item Claes die Decker opten hoege thorne ende opt waeckh(er)b(erg) by Kranevelt II C III verdel swart leyen, dat dusent IIJ rh. gulden valet XXXIIIJ kr., dair toe syn XIIII C stopnagel,dat hindert ad IJ kr., noch XII C leynagel, dat hondert 1 kr., noch Clais dair op gedeckt ende gesteygert tsamen VII dage VII kr. valet sunt II rh. gulden XVIIJ kr.

Item dat Spoelpoirtken van de Hampoirten doen vermaken, dair van gegeven VI kr. noch om een schaell gelacht op ter bruggen gegeven IIII kr., noch des wekers hoern vermaict gegeven VIII butken, noch van den teengieter ghehadt dair men die gewichte mit gesweert heeft en gemaict een gewicht van III ponden tsamen XXII lib. loits elc liber ad J braspenning, noch die selff dair twe dage over gemaict, sdagh ad twe alde braspenning, noch Peter van Gelre een gewicht tot Nymegen ghehadt om die gewichte tot Grave dair nae te yken, die self verteert VI kr. ende doe wy se in syn huys woegen ende yekten, doe verdroncken III kr., noch Johan die Raymeker een trap gemact by den hogen thorne, hem gegeven II kr., noch die bussen gepruefft ende die cloet over die Mase wederom gehalt, dair van gegeven II kr. valet sunt I rh. gulden XXXIII kr. IIIIJ gr.

Item Leuke Bussen tot Grave ges. (?) mit synen brueder die wege mitten cameren III C ende XXV lib. dair aff gegeven te wegen II kr., noch uyt den scip te doin, gegeven I kr. ende voirt in die wage te dragen, gegeven I kr. valet sunt IIII kr.

Item betailt voir Heynken den Thygeler III vymmen rijs, die twe gebarnt in sijn huys by Willem Monnix enden I vym van mijre tijt, die vym ad J rh. gulden valet IJ rh. gulden

Item Jan van Hynden tot Venloe gesendt aen myns heren genade om dt holt te copen, dat men aen die stat besinge sold, uytgeweest V dage sdags ad VIII kr., noch gegeven van Jan aldair te vaeren twe braspenning, noch doe wy voeren in der Masen mit myns heren vrynden om te besyen woe voel dats wess sold, verteert tot Jacop Doppers herberg VIII qrten wijns ad III kr. valet sunt 1 rh. gulden XXIJ kr.

Summa lateris XI rh. gulden XLV kr XI gr.


Fol. 288 v.

Item gedaen der kirken van Nederassel IIII M steens ende I C die hoir Willem Monnic ende Jan van Kranevelt aff geleent had dat I M tseens ad XLV kr. valet sunt III rh. gulden XXXVIII kr.

Item gegeven van den selven steens van den oven op de Maess te voeren XII kr.



1   ...   21   22   23   24   25   26   27   28   29


De database wordt beschermd door het auteursrecht ©opleid.info 2017
stuur bericht

    Hoofdpagina