Archief Gemeente Grave Inv. Nr. 217 (9 fiches) Stadsrekeningen Band I: 1421 – 1449



Dovnload 1.29 Mb.
Pagina29/29
Datum22.07.2016
Grootte1.29 Mb.
1   ...   21   22   23   24   25   26   27   28   29

Item doe hi geladen was ende voir tot Assel toe, dair van gegeven XXV kr.

Item noch van den selven steen gegeven uyt den scipo te doin op ter kerckhof XLVIII kr.

Item vermetst in die stat in den irsten die goit by Willems Haezen ende op ten hoegen thorn ende aen dat rairhuys ende buten aen die Hampoirt aen dat cleyn huyske ende hier voir aen die Hampoirt ende onder die lynd ende by Gerit Kelkens ende al om daert die stat te doen had tsamen IIIJ M. steens ad XLV kr., dair van te vueren gegeven van elke dusent XI kr., noch dair toe gebesingt IIII mud calx, dat mud ad XXII kr., noch dair toe X kerren diet vuerden, die kar ad I kr., noch v karren sands, die kar ad I kr. valet sunt VI rh. gulden IX kr.

Item Heyn vanKuyc VII dage de Schoudijck verwairt, gedyckt ende getuynt ad V kr., noch Jan van der Hege op ten selven dijck gedyckt ende getuynt VII dage ad V kr. noch Heyn VII dage getuynt by Claesken Kanens ad V kr., noch Jan van der hege VII dage ad V kr., noch Heyn van Kuyc al om daers te doin was VI dage ad V kr., noch Heyn VI dage aen den Hamdyck getuynt ende ryss gedragen ad V kr. als van den wall aen den dyck noch Jan van den Hege aen den selven dyck des gelickx VI dage ad V kr., noch Deric Koet 1 voerder ryss gevoirt by Claesken den gegeven IIII kr., noch Goessen van den Hege IIII voeder rys gevoert vanafter hoveby Claesken ad IIII kr., noch een man Heyn geholpen mit eenen karren op die Schoudyck enen dach gegeven X kr., noch enen anderen die hem halp gegeven V kr., noch enen knecht die hem halp dycken gegeven V kr. noch Henniken van der Heyden steen gedragen van der Masen op ter muere gegeven II kr., noch gegeven om rys weelen aff gemaict dair die haspelen aen hangen VI kr., noch gegeven Gelis Corpus dat hy mi op den over ginc ende die steen halp verwaeren ende setten, doe Heinken een weech was X kr. valet sunt VI rh. gulden XXIIII kr.

Item van den dairnen gegeven te vueren van den Hampoirten op die Mase ende te laden III kr. noch die selff dairnen gevoirt van der Masen aen dat staket gegeven dair van op te negelen VI kr., noch dair toe gebesingt I C dornagel valet V kr. valet sunt XIIII kr.

Item tot Jan Maess gehalt XI holter van dertigen ad VII kr. VI middelholter ad IIII kr. myn I ortken IIII keperholter ad II kr. ende dit holt gebesingt was eer der stat holt quam ende is getymmert op die kist aen de brugpoirten ende aen de oversteeck dair die brugge aen sleet ende theynden aen den Hamdijck, dair die strait mit gepeelt is, beloipt tsamen II rh. gulden X kr.
Fol. 289 r.

Item gegeven meyster Deric Tymmerman II rh. gulden, want hy syn selt ontboeren had een jair.

Item ons here genade ges..(?) der stat wildrait geschinckt den guede mannen ende hoir gelaich V qrt ad III kr. valet XV kr.

Item geschinckt den gesellen die die vlut in die haven vuerden VI kr.

Summa van beyden syden beloipt XXIII rh. gulden IIIJ kr.
Dit syn die gheen die mit leyen gedeckt hebben, in onsen jair.

Item in den irsten Jan Hol burgermeyster IIII roeden ende 1 verdel, die Willem Monnic tiaer vergat te rekenen, noch Jan Hol van dess jair gedeckt IIIJ roide.

Item Jacop Touwman VI roede 1 vierdel Item Wolter van Wamel 1 roid

Item Jan Seus III roede ende 1 sesten deel Item God(ert) van Aken 1 roid en 1 dorden deel

Item Henric Goessen IX roede ende 1 dorde deel Item Aelbert van Triest IIJ roid ende 1 dordel

Item Zweer XVJ roid Item Gerit die Cael

Item Jan die Best IIIJ roid was mit tyghelen. Ende Lambert tsamen XJ roid

Item Jacop Loyke III roide Item Jan van Dael IIIIJ roid

Item Jan van Beers I roed Item Hilleke huys van de Put V roide ende J verdel

Item Jacop Emonts VI roide Item Henric die Cael X roide

Item Arnt Tripmeker III roede myn 1 dordel Item Mercel die Vrieze VII roide

Item die begynen XII roide Item Deric van der Meer II roede

Item Heinken Dopper 1 roide

Dit leydaeck beloipt tsamen C XIII roid 1 verdel dat die stat sculdich blyfft den voirgen. burgermeyteren valet similiter LXXXIIII rh. gulden XLVJ kr.


Fol. 289 v

Dit is den onrait die die stat jairlicx gilt:

Item in den irsten op Paesschen den scoltz, den scepenen, den burgermeysteren ende den.klerck, elck gegeven 1 pair hansen ad IIII kr. ende in elck pair IIII qrt ad 1 ald braspenning ende den baide 1 pair hanzen ende II qrt. Ende den weker 1 qrt valet sunt IIII rh. gulden IIII kr. III ortken.

Item des gelicx oick gegeven op kerssmiss den scoltz, den scepen, den burgermeysteren ende den clerck elc 1 pair hanzen ad IIII kr. ende in elck pair IIII qrt ad 1 alde braspenning ende den bade 1 pair hanzen ende II qrt ende den weker 1 qrt, valet sunt IIII rh. gulden IIII kr. III ortken.

Item den scholtz voir synen tabbert op Paesschen III rh. gulden

Item den clerck op Paesschen voir synen tabbert II “

Item den bay voir synen yabbert op Paesschen II “

Item den Capittel IIJ lib. alds gelds ende Sunte Brabaren altair X s. alds gelds valet sunt 1 rh. gulden XXXVIIJ kr.

Item den heer voir synen banwijn XL liber payment valet VIII rh. gulden

Item Gysbert die Wreey I C lib. payment valet XX rh. gulden

Item den alden schutten doe sy schoten IIII rh. gulden

Item den selven geschinckt soe sy mit haernis gingen 1 vait Delfs biers XXIIII stuver valet I rh. gulden XIII kr.

Item Sunte Barbaren schutten, doe sy schoten III rh. gulden

Item den selven geschinckt, doe sy int haernis gingen een vait Delffs biers ad XXIIII stuver valet 1 rh. gulden XIII kr

Item verbernt op ter poirten in des jair XCI lib kerss ad IIJ kr. valet IIII rh. gulden XXIX kr.

Item betailt den gastmeyster 1 malder rogge valet XXXIX kr.

Item Jaepken Vennen betailt VI malder roggen 1 scepel uyter den tygeloven ad XXXIX kr. valet IIII rh. gulden XLVII kr. III ortken.

Item meyster Gerit den Sloetmeker gegeven van den urclocken te stellen V rh. gulden.

Item den poirt aen die Hampoirt gegeven II lib.payment valet XX kr

Item die poirter aen die Brugpoirt 1 lib payment valet X kr

Item den Coster 1 lib. payment X kr.

Item den bay van Antwerpen op Pinxten des gelicx op Bamys, die geleybrieve brengt gegeven J rh. gulden.

Item over die rekeningen mitten klerck verteert IJ rh. gulden

Item den klerc gegeven voir inckt ende pappier J rh. gulden.

Item soe had die stat Jaepken Goltsmit toe gesacht J malder rogge ad XXXIX kr. valet XX kr.

Summa lateris LXXIII rh. gulden XXVII kr. I ortken.
Fol. 290 r.

Item gegeven Louis die Volre van den scholen 1 malder rogge, dat hy dair jairlix in geldende heeft valet XXXIX kr.

Item Gelis Corpus gegeven dat hy dat holt uyter Maesen toech ende op ten wage loey ende in tgasthuys ontloey, den gegeven XVIII kr.

Item gegeven Jaepken Reuwe voir sijn loen van den selven holt III holt.

Item gegeven Goess Vrericx van den holt op te vueren, dat in der thorne leeget III kr.

Item diet in den thorne dede den gegeven III kr.

Item gegeven Henric Quaypapen voir syn scheep, dat hy ons geleent had ende wy dat over den dyck in die Spuel togen ende die stake dair mit geset, gegeven XII kr..

Item gegeven den canoniken van de kirke twe malder rogge ad XXXIX kr. valet similiter 1 rh. gulden XXIX kr. uyt der scholen.

Item noch den selven gegeven van de scholen IIJ liber payment valet XXV kr.

Item enen oeperknecht die Heyn Canen geoepert had aen dat cleyn huyske buten der Hampoirt ende onder die lynd twe dage ad V kr. valet X kr.

Summa lateris III rh. gulden XLI kr.
Summa summarum van allen uytgeven van desen jair loept tsamen CCCC lXXXV rijnsgulden V kr. XJ gr. noch LXXXIII rh. gulden XLVJ kr. van den leydaeck van desen jair noch XXVIII kr. noch Jacop Goltsmit VI rh. gulden.

Aldus blyven wy burgermeysteren voirscr. tafter aen der stat dat opboeren aff gheslagen CC rynsgulden XXVIII kr. IIII gr..

Item noch coemt der stat te baten vanWillem Monnic II rh. gulden van den hansen, noch van Hollen misrekent IJ M. steens ende Deric Triphouwersbroeder II M. steens dat in de rekeningen niet en stond VI s. datter stat coent V rh. gulden en XJ kr.

Item noch is die stat tafter aen den laitsten oven die Jan Hol bedingt had XX rh. gulden


Dit syn der stat maten als VIII scepel, III vait ende J vait.
Dit syn die gewichten in der wage: III stucken, elck hondert liber ende II stucken, elck vyfftich lib. , een stuck XXIIII lib., een stuck XX lib, een stuck VIII lib., een stuck IIII lib., een stuck III lib., een stuck II lib., een stuck 1 lib., een stuck J lib. ende 1 stuck 1 vierdel liber.
Dit syn der Stat bussen: in den irsten XV loitbussen ende V steenbussen ende IIII camerbussen, elc mit twee cameren ende 1 camerbusse, die ons heren genade der stat gegeven heeft sonder camer ende 1 busse op rader in die Hampoirt ende een busse in die Brugpoirt op rader.
Aldus blyven die burgermeysteren voirs. tafter aen de stat dat een tegen dat ander aff geslagen CC XV rh. gulden XVII kr. III ortken, noc van Willem Monnicx wege gegeven XXVII rh. gulden XXXVI kr. III ortken.
Fol. 290 v.

Item Jan Hol ende Coman Henric burgermeysteren in der tijt leveren over den burgermeysteren van den holt dat myns heren genade der stat gegeven had C LXVII holter liggende opt plaitsen in den gasthuys, dair by leegt XX holter, die Deric van Beers toe hoerende.

Item noch ligge in den thorne bider Brugpoirte XVII barkoen.
Item noch heet twyl van des voirs. holt X holter

Item noch heet Jan van Holt rentmeyster uter mert van den selven holt


Item Jacop van den Hove is sculdich der stat II M ende VI lib., die vervolgt syn voir tgericht ende egheen borgen en had ende die scoltz hem enen eedt gestaeft heet mit op gereckten vingeren die broke der stat wael te betalen ende noch niet gheschiet en is.
Item noch Gerit Deric triphouwers broeders II M steens VI lib., dair die amptman voir gebeden heeft, dit is gerekent in de rekeningen.
Item Gerit Janssen uter ons oven gelevert te arbeyden der stat voir II reynaldus gulden, die hy der stat noch sculdich is ende ons niet gearbeyt en heet de levende wij voirt oven.
Item dit is die wrakinge, die Jan van Cranevelt ende Willem Monnic gewract weten.

Item in den irsten dat sy verueck solde doen van III geslage avn den Wijtgeld als aen Claes Roloff ende Met monix.


Item die Jonge Geerlic Scheers een broyck van den gericht mit rechten vervolgt ende niet gerekent en syn.
Item noch van jacop Kyenoet versueck doin als van 1 lib. XIII s. dair ic Jan Hol om gesproken heb Jan van Beers die seyt dat hem kundich is dat af is.
Fol. 290 (II) v.

Anno 22 febr. 1472
Wy ghemeine scepen van Sanbeke tughen myt desen apenen brieff dat voer ons comen is Henric van Os ende heeft bekent en belijt, dat hy schult is van rechter wittigher schout Belen van Os sijnre wittiger suster twe hondert overlenscher gouder Rijnscher glden monten der vierkoernorsters op te zijn, die wilke gulde voerscr. Henric voers. Belen synre suster voergen.ontboert ende onthaeffen heeffy vanDerick van Os hoere beider broeder. Te betaelen totter manninghen Belen voergen. Off hoerre erven. Ende weert sake dat henric voers. Off syn erven Belen voergen. Off hoeren erven nijet en betaeld, ghelyc voers. Is, soemach Beel voers. off hoer erven dese voergen. Twe hondert rynsche gulden uut peinden myt recht aen al alsullic erve ende guet als Henric voergen. In den ghericht van Sanbeeck heeft. Ende voert myt recht vervolgen aen al anderen guede onder wat bencken of gherichten ende toe wat plaetsen die ghelegen weren, daer Henric voers. of syn erven aen gheerft gheguet of gerecht weren, ghelyc schout die voer richter ende scepen verlyt ende overghegeven weer ende myt allen rechten herkommen weer. Sonder al argelyst. In orkonde der waerheit beseghelt myt onsen ghemeinen segel ons scependoms voergen.. Gegeven int jair ons Heren dusent vierhondert ende twe ende tseventich op Sinte Peters dach des heiligen apostels ad cathedram.

1 handschoenen

2 wijn, die de stad met uitsluiting van anderen mag verkopen.

3 omheinen

4 Onraet, ook wel ongeld genoemd = onkosten

5 tichelhuis = steenbakkerij

6 voeder = voer, wagenvracht

7 Ook wel malemesey, malveseye genoemd, zijnde zoete wijn

8 oes is afgeleid van oesen = hozen, leegscheppen. Een oes vat = hoosvat

9 piper = muzikant op blaasinstrument

10 scutte = boogschutter

11 kosten





1   ...   21   22   23   24   25   26   27   28   29


De database wordt beschermd door het auteursrecht ©opleid.info 2017
stuur bericht

    Hoofdpagina