Da Grote Verdrukking Bigin Tekst: Openbaring 8-9 Di foe sebi stampoe nanga dem trompeti



Dovnload 20.16 Kb.
Datum25.08.2016
Grootte20.16 Kb.


1Da Grote Verdrukking Bigin

Tekst: Openbaring 8-9 Di foe sebi stampoe nanga dem trompeti 1. En di A ben opo di foe sebi stampoe, heri hemel ben tan pi foe wan hafoe joeroe so. 2. En mi ben si dem sebi engel disi ben tanapoe na fesi foe Gado, en dem ben gi dem sebi trompeti. 3. En wan tra engel disi ben abi wan gowtoe patoe ben kom tanapoe na da altari, en dem ben gi hem foeroe switi smeri sani, so dati a sa gi hem leki wan ofrandi na tapoe da gowtoe altari disi ben de na fesi foe da kownoe-stoeroe, moksi nanga dem begi foe ala dem santawan. 4. En da smoko foe da switi smeri sani disi ben komopo foe da anoe foe da engel ben moksi nanga dem begi foe dem santawan go na loktoe na fesi foe Gado. 5. En da engel ben teki da patoe, en a ben foeroe hem nanga faja foe da altari, en a ben fringi hem go na grontapoe, en dem stem ben de nanga dondroe nanga dondroe-faja nanga wan aardbeifi.

  1. Membre joesrefi dati dem ben tapoe 4 engel foe dem no sa doe noti na grontapoe efoe da zee efoe dem bon. Ma now di da stampoe opo, da tori dati kaba

  1. Foe da fosi tem, hemel no taki noti

    1. Jezus tan pi

    2. Ala tra soema tan pi

    3. Baka 30 minuut so, 7 engel ben tanapoe na fesi foe Gado srefi

      1. Dem kisi trompeti

    4. Ete wan tra engel kom

      1. A ben kom na fesi foe da gowtoe altari

      2. A kisi foeroe switi smeri sani

      3. Disi sa de wan ofrandi na fesi foe Gado

      4. Dem sa moksi nanga dem begi foe dem santawan. Membre dati dem santawan ben begi foe revensi

      5. Now da engel fringi hem go na grontapoe pe dondroe nanga dondroe-faja nanga ete wan aardbeifi pasa

  2. 6. En dem sebi engel disi ben abi dem sebi trompeti ben meki demsrefi klari foe blo. Da fosi trompeti 7. En da fosi engel ben blo, en hagel nanga faja moksi nanga broedoe ben fadon na tapoe grontapoe; en di foe drie pisi foe dem bon ben bron, en ala groen grasi ben bron.

  3. Da fosi trompeti

    1. Hagel nanga faja fadon tapoe grontapoe

      1. Wi ben si disi pasa na Egypti toe

    2. Ala grasi bron

    3. 1/3 foe ala dem bon bron

      1. Prakseri da smoko

      2. Prakseri dati da zuurstof sa kom moro weiniki

Di foe toe trompeti 8. En di foe toe engel ben blo, en dem ben fringi wan bigi bergi disi ben bron nanga faja trowe na ini da zee; en di foe drie pisi foe da zee ben tron broedoe; 9. En di foe drie pisi foe dem meti disi ben de na ini da zee, en disi ben libi, ben dede; en di foe drie pisi foe dem sipi ben broko pis'pisi.

  1. A gersi wan bigi bergi ben fadon na ini da zee. Efoe a de ala dem zee efoe wan nomo no de duidelijk

    1. 1/3 foe da zee tron broedoe

    2. 1/3 foe dem fisi dede - denki foe da tingi

    3. 1/3 foe dem sipi broko

Di foe drie trompeti 10. En di foe drie engel ben blo, en wan bigi stari ben fadon komopo foe hemel disi ben bron leki wan lampoe, en a ben fadon na tapoe di foe drie pisi foe dem liba nanga dem watrapeti; 11. En dem ben kari da nem foe da stari “Alsem”: en di foe drie pisi foe dem liba ben tron alsem, en foeroe soema ben dede foe dem watra ede, bikasi dem ben kom bita.

  1. Wan bigi stari ben fadon - wan meteor?

    1. A ben bron leki wan lampoe

    2. A ben bita

    3. A ben pori 1/3 foe ala switi watra foe grontapoe

    4. Foeroe soema ben dede

Di foe fo trompeti 12. En di foe fo engel ben blo, en a ben naki di foe drie pisi foe da zon, nanga di foe drie pisi foe da moen, nanga di foe drie pisi foe dem stari; so dati di foe drie pisi foe dem ben kom doengroe, en da dei no ben abi leti na di foe drie pisi foe hem, en so srefi na netitem.

  1. Sani ben pasa na ini da loktoe

    1. Wi ben si wan bigi aardbeifi kaba, en da zon ben tron blaka, en da moen redi, en dem stari ben fadon

    2. Now 1/3 foe da zon tron blaka, nanga 1/3 foe da moen, nanga 1/3 foe dem stari

      1. Da dei ben kom moro sjatoe - na presi foe 12 joeroe, a ben tron 8 joeroe deitem nanga 16 joeroe netitem

      2. Minder energie, sani no gro so boen, en da presi tron kowroe

  2. So fara, wi ben si soso sani agensi grontapoe nanga loktoe, ma no wan sani agensi dem libisoema demsrefi. Now disi sa tapoe.

13. En mi ben loekoe, en mi ben jere wan engel frei na mindri foe hemel, disi ben taki nanga wan tranga stem taki: Heloe, heloe, heloe foe dem soema foe grontapoe bikasi foe dem tra stem foe dem trompeti foe dem drie engel disi moesoe blo ete. Di foe feifi trompeti Openbaring 9: 1. En di foe feifi engel ben blo, en mi ben si wan stari fadon komopo foe hemel kom na grontapoe, en a ben kisi da sroto foe da peti disi no abi gron. 2. En a ben opo da peti disi no abi gron; en smoko ben komopo foe da peti leki smoko foe wan bigi onfoe; en da zon nanga da loktoe ben kom doengroe bikasi foe da smoko foe da peti. 3. En sprinka ben komopo foe da smoko kom na grontapoe, en dem ben kisi krakti leki dem kroektoetere foe grontapoe abi krakti. 4. En dem ben kisi wan komanderi dati dem no moesoe gi da grasi foe grontapoe mankeri, efoe iniwan groen sani efoe iniwan bon; ma dem sa gi mankeri na dem libisoema nomo disi no abi da stampoe foe Gado na dem fesi-hede. 5. En dem no ben abi pasi foe kiri dem, ma dati dem sa pina dem feifi moen langa, en dem pina ben de leki da beti foe wan kroektoetere te a beti wan libisoema. 6. En na ini dem dei dati, libisoema sa soekoe foe dede, en dem no sa feni dati; dem sa wani dede, en dede sa lowe go kibri gi dem. 7. En dem sprinka ben gersi asi disi ben klari foe go feti; en na tapoe dem hede dem ben weri gowtoe kroon, en dem fesi ben gersi da fesi foe libisoema. 8. En dem ben abi wiwiri leki da wiwiri foe oema, en dem tifi ben gersi dem tifi foe dem leeuw. 9. En dem ben abi borsoe-pantser leki dem ben meki foe isri; en da bari foe dem frei ben de leki da bari foe foeroe asiwagi disi lon go na da feti. 10. En dem ben abi tere disi gersi dem foe kroektoetere, en dem ben abi maka na ini dem tere, en dem ben abi krakti foe gi libisoema mankeri feifi moen langa. 11. En wan kownoe ben de na dem tapoe, disi de da engel foe da peti disi no abi gron, en hem nem na ini Hebreewse tongo de Abaddon, en na ini Grieki tongo, a de Apollyon. 12. Wan pina ben pasa; en loekoe, toe pina moro sa kom na hem baka.

  1. Wan engel ben fadon komopo foe hemel - didibri

    1. Masra Jezus ben gi hem da sroto foe da afgrond, da peti di no abi gron

    2. A ben opo da peti disi ben go na ini grontapoe, en smoko ben komopo te leki da zon kom doengroe

    3. Wan sortoe sprinka ben komopo

      1. Ma dem no ben de sprinka bikasi dem no man njan groen sani

      2. Dem kan wroko soso tapoe libisoema

      3. Ma dem no man doe noti agensi dem troe bribiwan disi abi da stampoe foe Gado

    4. Da tere foe dem de leki wan kroektoetere - wan sani disi bijna no kiri joe, ma joe sa winsi foe dede

      1. Dem de drape 5 moen langa

      2. Soema proberi foe kiri demsrefi, ma dem no man doe so

    5. Dem sprinka ben gersi asi

      1. Dem hede ben abi gowtoe kroon - winiman

      2. Dem fesi de leki mansoema, ma dem ben abi oemasoema wiwiri

      3. Dem tifi ben de leki leeuw tifi

      4. Dem ben weri borswapoe disi gersi isri

      5. Dem ben abi freifrei disi ben bari

      6. Dem ben abi wan kroektoetere na dem bakasei

      7. Dem ben abi wan fesiman - Apollyon efoe Abaddon - da soema disi pori

    6. Mi bribi dati dem sani disi de takroe jeje

Di foe siksi trompeti 13. En di foe siksi engel ben blo, en mi ben jere wan stem komopo foe dem fo toetoe foe da gowtoe altari disi de na Gado fesi, 14. Disi ben taki gi di foe siksi engel, disi ben abi da trompeti taki: Loesoe dem fo engel disi de tai na da bigi liba Eufraat. 15. En dem fo engel ben kom loesoe, disi ben de klari foe wan joeroe nanga wan dei nanga wan moen nanga wan jari, foe kiri di foe drie pisi foe libisoema. 16. En da nomroe foe da legre foe dem asiman ben de toe hondro miljoen; en mi ben jere da nomroe foe dem. 17. En so mi ben si dem asi na ini da visioen, nanga dem soema disi ben sidon na dem tapoe, disi ben abi borsoe-panster foe faja nanga jaspis nanga swarfoe; en dem hede foe dem asi ben gersi dem hede foe leeuw; en faja nanga smoko nanga swarfoe ben komopo foe dem mofo. 18. Nanga dem drie sani disi, dem kiri di foe drie pisi foe libisoema, nanga da faja en nanga da smoko en nanga da swarfoe disi ben komopo foe dem mofo. 19. Bikasi dem makti ben de na ini dem mofo, en na ini dem tere; bikasi dem tere ben de leki sneki, en dem ben abi hede disi kan gi soema mankeri. 20. En tokoe dem libisoema disi ben tan na libi, en disi no ben dede foe dem pesti-siki, no ben kenki dem prakseri foe dem wroko foe dem anoe, dati dem no moesoe aanbegi dem takroe jeje nanga dem popki foe gowtoe nanga sorfoe nanga kopro nanga ston nanga oedoe; dem sani disi no kan si efoe jere efoe waka; 21. En dem no ben kenki dem prakseri foe dem kiri-wroko nanga dem tovroe-wroko nanga dem hoeroedoe nanga dem foefoeroe

  1. Gado srefi de tiri alasani - na Hem stem kom

    1. Da engel sa loesoe 4 engel disi ben tai na da Eufraat liba

      1. Disi de pe da fosi moord ben pasa

      2. Disi de pe Babylon ben de

      3. Disi de pe da grens foe Israel sa de

    2. Dem ben seti foe da juisti tem - Gado ben seti da tem te leki da joeroe srefi

    3. Di dem ben kom loesoe, dem ben de dem fesiman foe 200.000.000 takroe jeje

      1. Dem ben de asiman tapoe asi disi ben weri redi nanga geri borswapoe

      2. Dem ben abi leeuw hede

      3. Smoko ben komopo foe dem mofo nanga swarfoe

      4. Dem ben abi tere leki kroektoe-tere

    4. Dem ben kiri 1/3 foe ala soema na grontapoe

      1. Fosi 25% ben dede - 75% tan abra

      2. Now 1/3 foe 75% = 25% dede = 50% foe libisoema

      3. Disi no taki foe dem tra fasi dati soema ben dede

  2. Da reactie foe dem 50% disi ben tan na libi

    1. Dem ben go doro nanga dem afgodrei

    2. Dem no ben drai komopo foe moord, tovroe-wroko, hoeroedoe & foefoeroe

  3. San wi kan leri foe disi?

    1. Gado sa sori Hem troe hatibron tapoe da heelal, en na tapoe dem soema disi no wani drai dem libi

    2. Gado sa wroko tranga, ma stap foe stap foe gi soema wan kans foe drai dem libi

      1. Gado no prisiri na ini da dede foe dem ogriwan

      2. A wani ala soema foe drai dem libi

    3. Libisoema abi tranga jesi - en na presi foe fadon aanbegi Gado en begi foe Hem sari-hati, dem kosi Hem en go doro

    4. Ete wan leisi, lobiwan - wi de na ini da tem foe gnade ete. Meki wi wroko nanga dati





De database wordt beschermd door het auteursrecht ©opleid.info 2017
stuur bericht

    Hoofdpagina