Eenheid na Wi Mindri I kor. 1: 10



Dovnload 27.93 Kb.
Datum03.10.2016
Grootte27.93 Kb.


1Eenheid na Wi Mindri

I Kor. 1:10. Now mi begi oen, brada, na da nem foe wi Masra Jezus Kristus, dati oen alamala sa taki da srefi sani, en dati prati no sa de na oen mindri; ma dati oen sa kom na wan makandra nanga da srefi prakseri nanga da srefi kroetoe. 11. Bikasi dem soema foe da oso foe Chloë ben taigi mi abra oen, mi brada, dati stree de na oen mindri. 12. Now mi taki disi: Ibriwan foe oen taki: Mi de foe Paulus! Efoe mi de foe Apollos! Efoe mi de foe Kefas! Efoe mi de foe Kristus! 13. Kristus de prati pisi-pisi? Dem ben kruisi Paulus foe oen ede? Efoe oen ben teki dopoe na ini da nem foe Paulus?
I Kor. 3:1. Brada, mi no ben kan taki gi oen leki jeje-soema, ma leki skin-fasi soema, leki dem njoen-gebore pikin na ini Kristus srefi. 2. Mi ben gi oen merki foe dringi, en mi no ben gi oen meti foe njan, bikasi fosi oen no ben man verdrage hem, en tokoe now oen no man verdrage hem ete. 3. Bikasi oen de na skin-fasi ete; bikasi djaroesoe nanga stree nanga prati de na oen mindri; oen no de skin-fasi, en waka leki soso libisoema? 4. Bikasi efoe da wan taki: Mi de foe Paulus, en da trawan taki: Mi de foe Apollos, oen no de na ini skin-fasi ete? 5. Soema na Paulus dan, en soema na Apollos, boiti dem dinari disi sori oen fa foe kom na bribi, so leki Gado gi na ibri soema? 6. Mi ben prani, en Apollos ben nati da gron, ma Gado ben meki hem gro. 7. We dan, da soema disi prani no de noti, en da soema disi nati da gron no de noti, ma Gado disi meki hem gro. 8. Now da soema disi prani nanga da soema disi nati da gron de wan; en ibri soema sa kisi hem egi paiman foe dem wroko disi a ben doe. 9. Bikasi wi de wrokoman makandra nanga Gado; oen de da gron foe Gado; oen de da oso foe Gado.

  1. Wi si dati prati de wan foe dem bigi problemen na ini da kerki foe Korinte

    1. Dem ben abi geweldig preikiman: Paulus, Apollos, Petrus

    2. Ma dem ben bigin foe waka baka verschillende preikiman na presi foe Kristus

    3. So Paulus taki dati disi de wan marki foe da vlees, en no foe da Jeje

    4. Disi de wan sari sani, bikasi dem ben abi ala dem Jeje-presenti: I Kor. 1:

  2. Jezus taki da srefi tori: Mt. 12:22. Dan dem ben tjari wan soema disi ben abi wan takroe jeje kom na Hem; a ben breni en a no ben man taki; en A meki hem kom boen baka, so dati da man disi ben breni en disi no ben man taki, hem ben si en a ben taki toe. 23. En da pipel ben verwondroe, en dem ben taki: Disi no de da manpikin foe David? 24. Ma di dem Fariseeman ben jere disi, dem ben taki: Da soema disi no jagi takroe jeje poeroe boiti doro Beëlzebul, da hedeman foe dem takroe jeje. 25. Ma Jezus ben sabi dem prakseri, en A ben taki gi dem taki: Ibri kownoekondre disi de prati nanga hemsrefi moesoe pori, en ibri foto efoe oso disi de prati nanga hemsrefi no man tan; 26. Efoe didibri poeroe didibri, dan a de prati nanga hemsrefi; fa hem kownoekondre sa tan dan? 27. En efoe Mi poeroe dem takroe jeje doro Beëlzebul, dan nanga soema oen pikin de poeroe dem? Foe dat'ede demsrefi sa kroetoe oenoe. 28. Ma efoe Mi jagi dem takroe jeje poeroe nanga da Jeje foe Gado, dan da kownoekondre foe Gado ben kom na oen kaba.

    1. Jezus ben abi wan gesprek nanga dem Djoe baka da tem A poeroe wan takroe jeje

    2. Dem ben taki dati A ben wroko nanga da krakti foe didibri

    3. Jezus sori dem dati iniwan kownoekondre disi prati no man tan. so srefi da kownoekondre foe didibri

  3. Jezus begi foe eenheid net fosi A ben dede: Johannes 17:20. En Mi no begi gi dem soema disi wawan, ma gi dem soema toe disi sa bribi na Mi tapoe bikasi foe dem woortoe. 21. Foe dem alamala sa de wan; so leki Joe, Tata, de na Mi ini, en Mi de na Joe ini, so dati dem toe sa de wan na Wi ini; so dati grontapoe sa bribi dati Joe ben seni Mi kom. 22. En Mi ben gi dem da glori disi Joe ben gi Mi; so dati dem sa de wan, so leki Wi de wan. 23. Mi de na dem ini, en Joe de na Mi ini, so dati dem sa de wan krin-krin; en so dati grontapoe sa sabi dati Joe ben seni Mi kom, en dati Joe lobi dem so leki Joe lobi Mi. 24. Mi Tata, Mi wani dati dem toe, disi Joe ben gi Mi, sa de nanga Mi pe Mi de; dati dem sa si Mi glori, disi Joe ben gi Mi bikasi Joe ben lobi Mi fosi da fondamenti foe grontapoe ben seti. 25. O regtvaardiki Tata, grontapoe no ben sabi Joe; ma Mi ben sabi Joe, en dem soema disi ben sabi dati Joe ben seni Mi kom. 26. En Mi ben meki Joe nem kom bekenti na dem, en Mi sa meki hem bekenti, so dati da srefi lobi disi Joe ben lobi Mi sa de na dem ini, en Mi sa de na dem ini.

    1. Jezus begi dati wi sa de wan

    2. Gado jere Hem begi

    3. Da fasi disi A wroko de doro da Santa Jeje:

      1. I Kor. 1:26. Bikasi oen kan si fa Gado ben kari oen, brada; fa A no ben kari foeroe sabiman na libisoema fasi, no foeroe makti man, no foeroe fesiman; 27. Ma Gado ben verkisi dem soso sani foe grontapoe foe dangra dem sabiman; en Gado ben verkisi dem swaki sani foe grontapoe foe dangra dem sani disi de makti; 28. En Gado ben verkisi dem lagi sani foe grontapoe, nanga dem veragti sani, ja, nanga dem sani disi no de noti, foe meki dem sani disi de kaba moesoe tron noti; 29. So dati no wan libisoema sa prodo na Hem fesi. 30. Ma foe Hem, oen de na ini Kristus Jezus, disi Gado ben meki tron sabi nanga gerechtigheid nanga santa-fasi nanga verloesoe gi wi; 31. So dati, so leki a de skrifi kaba taki: Da soema disi prodo, meki hem prodo na ini Masra.

      2. I Kor. 12:4. Now foeroe sortoe presenti de, ma da srefi Jeje nomo. 5. En foeroe sortoe fasi foe dini de, ma wan Masra nomo. 6. En foeroe sortoe wroko de, ma a de da srefi Gado disi wroko alasani na ini alasani. 7. Ma ibri soema kan sori da Jeje-fasi foe gi jepi na ala soema. 11. Ma da srefi Jeje wroko doro ala dem presenti disi, en A de gi dem presenti na ibri soema leki fa Hem wani. 12. Bikasi so leki da skin de wan, ma tokoe a abi foeroe pisi, en ala dem pisi foe da skin dati, alwasi dem de foeroe, meki wan skin nomo; so srefi Kristus de toe. 13. Bikasi nanga da wan Jeje wi alamala dopoe na ini wan skin, alwasi wi de Djoe efoe heiden soema, slafoe efoe friman, en wi alamala ben dringi na ini da wan Jeje. 14. Foe di da skin no de wan pisi, ma foeroe pisi.

    4. Troe eenheid no komopo foe libisoema, ma da fasi disi Gado ben meki wi

      1. Troe eenheid de ingebouwd na ini da skin foe wan libisoema - leki wan datra, mi sabi da tori. Iniwan verdeelheit na ini da skin tjari foeroe problemen. Dem abi wantoe immune siki pe da skin feti nanga hemsrefi, leki systemic lupus - en dem tjari foeroe schade gi da skin te leki dede srefi

      2. Da Santa Jeje de da antwoord na da begi foe Jezus Kristus foe abi troe eenheid. A de da Santa Jeje disi dopoe wi jeje-fasi na ini da skin foe Jezus Kristus.

  4. Di da kerki ben bigin, a ben bigin nanga eenheid:

  5. Voorbeelden

    1. #1 - Kain nanga Abel - vervolgoe op basis foe djaroesoe

    2. #2 - Ishmael & Isaak

    3. #3 - Jakob & Esau

    4. #4 - Rechabeam: I Kon. 11:43. En Salomo ben go sribi nanga hem avoo, en dem ben beri hem na ini da foto foe David hem tata, en hem manpikin Rechabeam ben tron kownoe na hem presi. 12:1. En Rechabeam ben go na Sichem, bikasi heri Israël ben kom na Sichem foe meki hem tron kownoe. 2. En a ben pasa so dati di Jerobeam, da manpikin foe Nebat ben jere dati (bikasi a ben lon go kibri foe da fesi foe kownoe Salomo, en Jerobeam ben go libi na ini Egypti); 3. Dan dem ben seni kari hem kom. En Jerobeam nanga da heri komakandra foe Israël ben kom, en dem ben taki gi Rechabeam taki: 4. Joe tata ben meki wi wrokosani hebi; now foe dat'ede wi begi joe, lekti da tranga wroko foe joe tata nanga da hebi wrokosani disi a ben poti na wi tapoe, en wi sa dini joe. 5. En a ben taki gi dem taki: Gowe drie dei langa, en dan kom baka na mi. En da pipel ben gowe. 6. En kownoe Rechabeam ben aksi rai foe dem owroe mansoema disi ben tanapoe na fesi foe hem tata Salomo di a ben de na libi ete, en a ben taki: Sortoe fasi oen gi rai dati mi moesoe piki da pipel disi? 7. En dem ben taki gi hem taki: Efoe joe sa de wan dinari gi da pipel disi tide, en joe sa dini dem, en piki dem, en taki nanga boen woortoe gi dem, dan dem sa de joe dinari foe teego. 8. Ma a ben trowe da rai disi dem owroe mansoema ben gi hem, en a ben go soekoe rai foe dem jongoe man disi ben gro makandra nanga hem, en disi ben tanapoe na hem fesi. 9. En a ben aksi dem taki: Sortoe rai oen de gi mi foe fa wi moesoe piki da pipel disi, disi ben taki gi mi taki: Meki da wrokosani disi joe tata ben poti na wi tapoe kom moro lekti? 10. En dem jongoe man disi ben gro makandra nanga hem ben piki hem taki: Na so joe moesoe taki gi da pipel disi, disi ben taki gi joe taki: Joe tata ben meki wi wrokosani hebi, ma wi begi joe foe meki hem kom moro lekti gi wi; na so joe moesoe piki dem taki: Mi pikin finga sa de moro deki leki mi tata bowtoe. 11. En now mi tata ben poti wan hebi wrokosani na joe tapoe, ma mi sa meki hem kom moro hebi; mi tata ben strafoe joe nanga wipi, ma mi sa strafoe joe nanga kroektoetere. 12. So Jerobeam nanga da heri pipel ben kom na Rechabeam na di foe drie dei, so leki da kownoe ben seti taki: Kom baka na mi na da di foe drie dei. 13. En da kownoe ben piki da pipel grofoe, en a ben trowe da rai disi dem owroe mansoema ben gi hem; 14. En a ben taki gi dem leki dem jongoe man ben gi hem rai foe taki: Mi tata ben meki joe wrokosani kom hebi, ma mi sa meki hem kom moro hebi; mi tata ben strafoe joe nanga wipi, ma mi sa strafoe joe nanga kroektoetere. 15. Da so da kownoe no ben arki da pipel, bikasi MASRA ben besroiti so kaba, foe Hem sa meki da woortoe kom troe disi MASRA ben meki Achia, da Siloniet soema, taki gi Jerobeam, da manpikin foe Nebat. 16. So di heri Israël ben si dati da kownoe no ben arki na dem, dan da pipel ben piki da kownoe taki: Sortoe porsi wi abi nanga David? Wi no abi wan erfenis nanga da pikin foe Isaï! Go na joe tenti, O Israël; now joesrefi kan sorgoe joe egi oso, O David. Da so Israël ben gowe na dem tenti. 17. Ma Rechabeam ben tron kownoe abra dem Israëliet soema disi ben libi na ini dem foto foe Juda. 18. Dan kownoe Rechabeam ben seni Adoram go, da basi foe hedemoni, en heri Israël ben naki hem nanga ston so dati a ben dede. Foe dat'ede kownoe Rechabeam ben lon kren na ini hem asiwagi, en a ben lon go kibri na Jerusalem. 19. So Israël ben poeroe demsrefi komopo foe da oso foe David te leki tide. 20. En a ben pasa so dati di heri Israël ben jere dati Jerobeam ben kom baka agen, dan dem ben seni kari hem kom na da komakandra, en dem ben meki hem tron kownoe abra heri Israël; no wan ben waka baka da oso foe David boiti da famiri foe Juda wawan.

    5. Mt. 20:20. Dan da mama foe dem pikin foe Zebedeüs ben kom na Hem nanga dem manpikin foe hem, en a ben aanbegi Hem, en a ben begi wan sani na Hem. 21. En A ben aksi hem taki: San joe wani? Da oema ben piki Hem taki: Gi pasi foe dem toe manpikin foe mi disi sa sidon, wan na Joe letianoesei, en da trawan na Joe kroektoeanoesei, na ini Joe kownoekondre. 22. Ma Jezus ben piki taki: Oen no sabi san oen aksi. Oen sa man dringi da kan disi Mi moesoe dringi, en teki da dopoe disi Mi moesoe teki? Dem ben piki Hem baka taki: Wi man doe so. 23. En A ben taki gi dem taki: Foe troe, oen sa dringi foe Mi kan, en oen sa dopoe da srefi dopoe disi dem sa dopoe Mi; ma foe sidon na Mi letianoesei nanga Mi kroektoeanoesei, dati no de na Mi foe gi; ma dati de gi dem soema disi Mi Tata ben meki hem klari. 24. En di dem tien discipel ben jere dati, dem ben abi hatibron tapoe dem toe brada. 25. Ma Jezus ben kari dem kom na Hem, en A ben taki: Oen sabi dati dem bigi man foe dem heiden soema tan basi abra dem, en dem disi abi makti taigi trawan san dem moesoe doe. 26. Ma na oen mindri a no moesoe de so, ma da soema disi wani de bigi na oen mindri, hem moesoe de oen dinari; 27. En da soema disi wani de basi na oen mindri, hem moesoe de oen knegti. 28. So srefi Soemapikin no ben kom foe soema dini Hem, ma foe dini trawan, en foe gi Hem libi abra leki wan paiman gi foeroe soema.

  6. Wi eenheid de op basis foe wi relatie na ini Jezus Kristus

    1. Da Santa Jeje poti wi na ini Kristus

    2. Dan da Santa Jeje gi wi presenti disi wroko so wan fasi dati wi kan gro boen makandra:

      1. I Petrus 4:10. So leki ibri soema ben kisi da presenti, da wan moesoe dini trawan nanga da srefi presenti, leki boen wrokoman foe da bigi gnade foe Gado. 11. Efoe wan man sa taki, meki hem taki leki dem woortoe ben komopo foe Gado; efoe wan soema sa dini trawan, meki hem doe so leki Gado de gi hem da krakti, so dati na ini alasani, Gado sa kisi bigi nem na ini Jezus Kristus, disi moesoe abi bigi nem nanga krakti foe teego. Amen.

      2. Efesi 4:11. En A ben gi som leki apostel, en som leki profeti, en som leki dem soema disi preiki da boen njoensoe lontoe, en som leki preikiman nanga leriman, 12. Foe meki dem santawan kom volmaakt foe doe da wroko foe dini Gado, foe bouw da skin foe Kristus kom moro tranga; 13. Te leki wi alamala kom wan makandra na ini bribi nanga da sabi foe da Manpikin foe Gado, te leki wan volmaakt soema, te leki da marki foe da bigi foe da foeroe foe Kristus. 14. Dan wi no sa de pikinnengre moro disi degedege, en disi ibri winti foe leri tjari lontoe, nanga da kori-fasi foe libisoema, nanga dem koni korifasi disi dem loeroe wi foe kori wi; 15. Ma wi taki da waarheid na ini lobi, foe wi kan gro na Hem ini na ini alasani, na ini Hem disi de da hede, Kristus srefi. 16. Na ini Hem, da heri skin de kom makandra en de tai boen fasi nanga dem titei disi meki ala dem pisi wroko makandra. Dem meki da skin kom moro bigi en bouw hemsrefi kom moro tranga na ini lobi.

  7. Te da Santa Jeje basi wi libi, wi kan si dati eenheid sa go doro: Galaten 5:16. Disi mi taki dan, taki: Waka na ini da Jeje, en oen no sa doe san da skin de lostoe. 17. Bikasi da skin de lostoe agensi da Jeje, en da Jeje agensi da skin; alatem dem toe feti agensi demsrefi, so dati oen no kan doe dem sani disi oen ben sa wani doe. 18. Ma efoe da Jeje tiri oen, dan oen no de na ondro da wet. 19. Now dem wroko foe da skin sori demsrefi krin taki: soetadoe, hoeroedoe, fisti-fasi, takroe lostoe, 20. Afgodrei, tovroe-wroko, mandi, hori na hati, djaroesoe, faja-hati, stree, prati, falsi leri, 21. Bigi-ai, foe kiri soema, droengoe-fasi, foe njan en dringi pasa marki, en dem sortoe sani disi; mi taigi oen now so leki mi ben taigi oen na dem dei na wi baka dati da soema disi abi da gwenti foe doe dem sortoe sani disi no sa kisi wan erfenis foe da kownoekondre foe Gado. 22. Ma da froktoe foe da Jeje de lobi, prisiri, vrede, pasensi, safri-fasi, boen-hati, bribi, 23. Saka-fasi, foe dwingi joesrefi; no wan wet de agensi dem sortoe sani disi. 24. En dem soema disi de foe Kristus ben kruisi da skin nanga hem faja-hati en lostoe. 25. Efoe wi libi na ini da Jeje, dan meki wi waka na ini da Jeje toe. 26. Meki wi no soekoe foe kisi soso bigi nem, efoe meki trawan kom mandi, efoe djaroesoe nanga trawan.

  8. San pasa te eenheid sori?

    1. Tori 2:1. En di da dei foe Pinkster ben doro, dem alamala ben de nanga wan hati na ini wan presi. 2. En wantem wan bari ben komopo foe hemel leki wan tranga winti, en a ben foeroe da heri oso pe dem ben sidon. 3. En wan sani ben sori hemsrefi na dem disi ben gersi priti faja-tongo, en a ben sidon na ibriwan foe dem tapoe. 4. En dem alamala ben kom foeroe nanga da Santa Jeje, en dem ben bigin foe taki tra tongo, so leki da Jeje ben gi dem pasi foe taki.

    2. Tori 4:23. En di dem ben loesoe dem, dem ben go na dem egi groepoe, en dem ben taigi dem alasani disi dem bigi priester nanga dem fesiman ben taki gi dem. 24. En di dem ben jere dati, dem ben opo dem stem na Gado nanga wan hati, en dem ben taki: Masra, Joe de Gado, disi ben meki hemel nanga grontapoe nanga da zee nanga alasani disi de na ini;....29. En now, Masra, loekoe na dem dreigi taki, en gi Joe dinari dek'ati foe taki Joe woortoe krin, 30. En langa Joe anoe foe meki soema kom boen baka, en meki marki nanga wondroewroko pasa nanga da nem foe Joe santa Pikin Jezus. 31. En di dem ben begi, da presi ben bewegi pe dem ben kom makandra, en dem alamala ben foeroe nanga da Santa Jeje, en dem ben taki da woortoe foe Gado nanga bigi dek'ati.

    3. Petrus na ini doengroe-oso: Tori 12:5. Foe dat'ede dem ben hori Petrus na ini doengroe-oso; ma da kerki ben begi na Gado gi hem sondro foe tapoe....16. Ma Petrus ben naki go doro; en di dem ben opo da doro en dem ben si hem, dem ben verwondroe pasa marki. 17. Ma a ben sori dem nanga hem anoe foe tan tiri, en a ben taigi dem fa Masra ben tjari hem komopo na doengroe-oso. En a ben taki: Go taigi dem sani disi na Jakobus nanga dem brada. En a ben gowe, en a ben go na wan tra presi

    4. Satan ben proberi foe prati da kerki:

      1. Ananias & Saffira nanga bigi nem nanga djaroesoe: Tori 5:9. Dan Petrus ben taki gi hem taki: Fa a de dati oen ben miti mofo makandra foe tesi da Jeje foe Masra? Loekoe, dem foetoe foe dem soema disi ben beri joe masra de na da doromofo, en dem sa tjari joe go na dorosei. 10. En wantem a ben fadon na hem foetoe, en hem blo ben tapoe; en dem jongoe man ben kom na ini, en dem ben si dati a ben dede kaba, en dem ben tjari hem go na dorosei, en dem ben beri hem na sei foe hem masra. 11. En wan bigi frede ben fadon na tapoe da heri kerki, en na tapoe ala soema disi ben jere dem sani disi. 12. En foeroe marki nanga wondroewroko ben pasa nanga dem anoe foe dem apostel na mindri da pipel; (en dem ben de nanga wan hati na da gadri foe Salomo.

      2. Dem Grieki nanga dem Djoe weduwe: Tori 6: 3. Foe dat'ede, brada, soekoe sebi mansoema na oen mindri disi abi wan boen nem, disi foeroe nanga da Santa Jeje nanga sabi, disi wi kan poti abra da wroko disi. 4. Ma wi sa gi wisrefi dorodoro na begi, en foe wroko nanga da woortoe. 5. En da heri hipi ben prisiri nanga san dem ben taki, en dem ben verkisi Stefanus, wan man disi ben foeroe nanga bribi nanga da Santa Jeje, nanga Filippus, Prochorus, Nikanor, Timon, Parmenas, nanga Nikolaüs, wan man disi ben leri foe tron Djoe disi ben komopo foe Antiochië. 6. Dem ben seti dem na fesi foe dem apostel, en di dem ben begi, dem ben poti anoe na dem tapoe. 7. En da woortoe foe Gado ben gro, en da nomroe foe dem discipel ben kom foeroe na ini Jerusalem, en wan bigi groepoe foe dem priester ben kom na bribi.

  9. San hori wi baka foe eenheid

    1. Te wi poti wi egi wani na fesi. Ma Jezus libi na wi ini:

      1. Filippi 2:1. Foe dat'ede, efoe iniwan troostoe de na ini Kristus, efoe iniwan troostoe foe lobi, efoe iniwan gemeenschap foe da Jeje, efoe iniwan safri-hati fasi, 2. Dan meki mi prisiri kom foeroe, en abi da srefi prakseri nanga da srefi lobi; oen moe de wan makandra, en abi wan denki. 3. No doe wan sani nanga stree efoe foe kisi bigi nem, ma nanga saka-fasi meki ibriwan prakseri da trawan de moro boen leki hemsrefi. 4. Meki ibriwan soema no prakseri hem egi wroko nomo, ma meki ibriwan prakseri foe dem wroko foe trawan toe. 5. Meki da prakseri disi de na oen ini, disi ben de na ini Kristus Jezus toe: 6. Disi ben abi Gado-fasi, ma A no ben denki dati a de wan goedoe foe hori foe de da srefi leki Gado; 7. Ma A ben sori Hemsrefi leki wan lagi soema, en A ben teki da fasi foe wan dinari, en A ben teki da fasi foe libisoema; 8. En di A ben kom gersi wan libisoema, A ben saka Hemsrefi en A ben gi jesi te leki A ben dede, te leki da dede foe da kruisi srefi. 9. Foe dat'ede Gado ben opo Hem na hei toe, en A ben gi Hem wan nem disi de moro hei leki iniwan tra nem, 10. Dati na ini da nem foe Jezus, ibri kindi sa boigi foe dem sani na ini hemel nanga dem sani na grontapoe nanga dem sani disi de na ondro da gron; 11. En dati ibri tongo moesoe bekenti dati Jezus Kristus de Masra; foe gi Gado da Tata bigi nem.

      2. Johannes 4:34. Jezus ben taki gi dem taki: Mi njanjan de foe doe da wani foe Hem disi ben seni Mi kom, en foe meki Hem wroko klari.

      3. Hebreeen 10:9. Dan A ben taki: Loekoe, Mi kom foe doe Joe wani, O Gado. A poeroe da fosi sani, so dati A kan meki di foe toe kom faste. 10. Doro da wani disi, wi kom santa kaba doro da wan ofrandi foe da skin foe Jezus Kristus wan leisi nomo.

      4. Markus 10:42. Ma Masra Jezus ben kari dem kom na Hem, en A ben taki gi dem taki: Oen sabi dati dem soema disi de dem masra foe dem heiden soema tan leki basi na dem tapoe, en dem gransoema abi makti na dem tapoe. 43. Ma na oen mindri a no moe de so, ma da soema disi wani de da moro bigiwan, hem moesoe dini dem trawan; 44. En da soema foe oen disi wani foe de da fosiwan, hem moesoe de knegti gi ala soema. 45. Bikasi Soemapikin srefi no ben kom foe soema sa dini Hem, ma foe Hem sa dini trawan, en foe gi Hem libi abra leki wan paiman gi foeroe soema.

  10. So, lobiwan, da antwoord na verdeelheid de foe abi Jezus Kristus teki wi heri libi abra

    1. Gado sa prisiri te wi sori eenheid nanga troe lobi

    2. En trawan sa sabi dati wi de Kristen, en soema sa drai dem libi


: wp-content -> uploads -> 2014
2014 -> Laurien Hansma Rijksuniversiteit Groningen Orangism in the Netherlands ca. 1780-1813
2014 -> Zingen met je kind Aan: de ouders van de kinderen van groep 1 / 2 / 3
2014 -> Verzamelde korte verhalen van Nederlandse en Belgische auteurs
2014 -> Laat het voor mijn part een smeerlap zijn, maar ik wil weten hoe het is
2014 -> Agenda voor het overleg van het Platform Mooi Zuidplas Datum: woensdag 10 september 2014 20. 00 uur Plaats: Oudheidkamer Nieuwerkerk a/d ijssel, ’s Gravenweg 6
2014 -> Agenda voor het overleg van het Platform Mooi Zuidplas Datum: woensdag 10 september 2014 20. 00 uur Plaats: Oudheidkamer Nieuwerkerk a/d ijssel, ’s Gravenweg 6
2014 -> Arts in opleiding tot arts voor Verstandelijk Gehandicapten (avg)
2014 -> Nieuw bulletin met nieuwtjes en berichtjes. Eindstand Nevobo midweek recreatieve competitie mei 2016
2014 -> Naam: Olivier Rijnsaard




De database wordt beschermd door het auteursrecht ©opleid.info 2019
stuur bericht

    Hoofdpagina