Elia ben Begi Jakobus 5: 16. Bekenti oen sondoe wan na trawan, en begi gi trawan, so dati oen sa kom boen baka. Da tranga begi foe wan regtvaardiki soema kan doe foeroe foe troe. 17



Dovnload 9.24 Kb.
Datum21.08.2016
Grootte9.24 Kb.







1Elia ben Begi

Jakobus 5:16. Bekenti oen sondoe wan na trawan, en begi gi trawan, so dati oen sa kom boen baka. Da tranga begi foe wan regtvaardiki soema kan doe foeroe foe troe. 17. Elia ben de wan soema nanga da srefi firi leki wi abi, en a ben begi tranga dati alen no sa fadon; en alen no ben fadon na tapoe grontapoe drie jari nanga siksi moen langa. 18. En a ben begi baka, en hemel ben gi alen, en grontapoe ben meki hem froktoe.


  1. Elia ben kom na fesi foe Achab

    1. Wi no abi noti foe hem acterground

    2. A ben taigi Achab dati alen no sa fadon te leki a taki so

    3. En alen no ben fadon

    4. Elia ben abi foe lon go kibri - fosi na da kriki Kerit, en dan dorosei foe da kondre, krosibei na Sidon, da kondre foe Izebel - te leki Gado ben seni hem go baka na ini Israel

    5. Elia ben abi wan stree nanga dem falsi profeti foe Baal. Gado ben piki Elia nanga faja, en a ben kiri dem falsi profeti. I Koningen 18:30. En Elia ben taki gi da heri folkoe taki: Kom krosibei na mi. En da heri pipel ben kom krosibei na hem. En a ben meki da altari foe MASRA disi ben broko kaba kom boen baka. 31. En Elia ben teki twalfoe ston, da srefi nomroe leki dem famiri foe dem manpikin foe Jakob, disi ben jere da woortoe foe MASRA taki: Israël sa de joe nem; 32. En nanga dem ston a ben bouw wan altari na nem foe MASRA; en a ben diki wan gotro lontoe da altari disi kan hori wan aiti liter watra so. 33. En a ben seti da oedoe na hem presi, en a ben koti da kaw na ini pisi, en a ben poti hem na tapoe da oedoe, en a ben taki: Foeroe fo djogo nanga watra, en kanti dem trowe na tapoe da bron-ofrandi en na tapoe da oedoe. 34. En a ben taki: Doe dati di foe toe leisi. En dem ben doe hem di foe toe leisi. En a ben taki: Doe dati di foe drie leisi. En dem ben doe dati di foe drie leisi. 35. En da watra ben lon lontoe da altari, en a ben foeroe da gotro toe. 36. En a ben pasa so dati di da tem foe da bakadina ofrandi ben doro, Elia da profeti ben kom krosibei, en a ben taki: MASRA Gado foe Abraham, Isaak, nanga Israël, meki dem soema sabi tide dati Joe de Gado na ini Israël, en dati mi de Joe dinari, en dati mi ben doe ala dem sani disi na Joe woortoe. 37. Jere mi, O MASRA, jere mi, so dati da heri pipel disi sa sabi dati Joe de MASRA Gado, en dati Joe ben drai dem hati kom baka agen. 38. Dan da faja foe MASRA ben fadon, en a ben bron da bron-ofrandi, nanga da oedoe, nanga dem ston, nanga da doti, en a ben leki da watra disi ben de na ini da gotro. 39. En di da heri pipel ben si disi, dem ben fadon na dem fesi, en dem ben taki: MASRA, Hem na Gado; MASRA, Hem na Gado. 40. En Elia ben taki gi dem taki: Hori dem profeti foe Baäl; no gi pasi na wan foe dem foe lowe. En dem ben graboe dem, en Elia ben tjari dem go na da kriki Kison, en a ben kiri dem drape.

    6. A ben begi baka: 41. En Elia ben taki gi Achab taki: Opo, njan en dringi, bikasi da bari foe foeroe alen sa kom. 42. So Achab ben opo go njan en dringi. En Elia ben go na da pinti foe da bergi Karmel, en a ben boigi hemsrefi na tapoe da gron, en a ben poti hem fesi na mindri foe hem kindi. 43. En a ben taki gi hem dinari taki: Kren go now, en loekoe na da zee. En a ben kren go loekoe, en a ben taki: Mi no si noti. En sebi leisi a ben taki: Go baka. 44. En a ben pasa so dati na di foe sebi leisi, a ben taki: Loekoe, wan pikin wolkoe de komopo foe da zee; a gersi wan man anoe. En a ben taki: Go taki gi Achab taki: Meki joe asiwagi klari, en saka go, so dati da alen no sa tapoe joe. 45. En a ben pasa so dati na wan blo so, da hemel ben kom blaka nanga wolkoe nanga winti, en wan bigi alen ben fadon. En Achab ben rij go na Jizreël. 46. En da anoe foe MASRA ben de na tapoe Elia, en a ben tai hem krosi lontoe hem, en a ben lon na fesi foe Achab te leki da portoe foe Jizreël.

  2. Elia no ben taki so-maar; a ben abi wan pramisi foe da Bijbel, disi Gado ben pramisi doro Mozes efoe dem doe afgodrei na ini da kondre, en dem ben doe so foe troe

    1. Leviticus 26:18. En efoe baka ala dem sani disi oen no sa arki Mi, dan Mi sa strafoe oen sebi leisi so foeroe foe oen sondoe ede. 19. En Mi sa broko da prodo foe oen makti; en Mi sa meki oen hemel tron leki isri, en oen gron leki kopro; 20. En oen sa gebruiki oen tranga foe soso; bikasi oen gron no sa gi njanjan, en dem bon no sa meki dem froktoe.

    2. Deut. 28:23. En joe hemel disi de na loktoe sa de kopro, en da gron disi de na joe ondro sa de isri. 24. MASRA sa meki da alen foe joe kondre tron poeiri nanga stof; a sa fadon komopo foe hemel na joe tapoe te leki joe pori kaba.

  3. Elia ben bribi Gado, en a no ben frede foe doe san Gado ben sori hem foe doe

    1. Agensi da kownoe

    2. Foe go baka di da kownoe soekoe foe kiri hem

    3. Agensi dem falsi profeti

  4. Elia ben hori hemsrefi aparti gi Gado

  5. Elia ben begi dorodoro te leki a ben kisi wan antwoord

  6. Lobiwan, Elia ben de wan soema leki wi - ma da begi foe wan regtvaardiki soema kan doe foeroe foe troe

    1. Meki wi bribi Gado

    2. Meki wi gi Gado jesi alwasi san miti wi

    3. Meki wi soekoe da Bijbel foe si dem pramisi foe Gado

    4. Meki wi begi dorodoro te leki wi kisi wan antwoord





De database wordt beschermd door het auteursrecht ©opleid.info 2017
stuur bericht

    Hoofdpagina