Incipit Auraicept na nEges i. eraicept



Dovnload 0.64 Mb.
Pagina1/10
Datum22.07.2016
Grootte0.64 Mb.
  1   2   3   4   5   6   7   8   9   10


Incipit Auraicept na nEges

.i. eraicept, ar er gach toiseach.


Cid dianad toisseach seo? Ni ansa. Don tebi rotebed isin Gaedilg, uair is ed toisseach arricht la Fenius iar tiachtain din scoil gusna berlaib ammuich. Gach son [5] forrdor­cha robae in gach bescno 7 in gach berlu, is ed doradadh isin Gaedilg, conad airi as foirleithiu quam gach berla.

‘Ar gach toisseach’ didiu, uair is ed ba toisseach laisna filedaib gach son fordorcha do riachtain i tossuch .i. beithi-luis ind ogaim ar bithin dorchadad.

Cest, cia tugaid [10] ara n-ebarar ‘berla tobaide’ (cf. 2/3) din Gaedilg? Ni ansa. Uair rotebedh as gach berla; 7 gach son fordorcha gach berla, fo[fh]rith ined doib isin Gaedelg ara forleithi seach gach mbescna.

Cest didiu, ina raibi Gaedelg resiu rotobaidhe? Robae emh, ar ni fagbaiter na da berla sechtmogat [15] archeana.

Cest, cia tir i rrugad Gaedeal? Ni ansa. I nEgipt.

Ocus cia airm sonn­rud? Ni ansa. I mmaigh Ucca i rraind iartharaigdescertaig Egipti.


Cia din scoil dus-cuaid gu suidhe? Ni ansa. Gaedel mac Etheoir mic Toe mic Bara­chaim do Grecaib Scitie [20] (no Scithie).

Cest, cia met don-uc di? Ni ansa. A huiledeto genmotha inni rothormachtatar filid tria fordorchadh iar torrachtain gu Fenius.

Cest, cia berla // duna di berlaibh sechtmogat rotaisealbad do Fenius i tos­such? Ni ansa. Berla Feni ..., ar is e ba tochu lais [25] dia scoil 7 is e rodn-alt asa oetid 7 is e ba soom din scoil
7 ara forleithi seach gach mbeascna 7 is e berla toisseach rugad on tur. Et robae Eabra 7 Greic 7 Laitin la Fenius riasu tissad on Sci­thia. 7 ni rainig a leas a ndeimniughudh icon tur, conidh aire sin toisseach rotaissealbad.

Cest, [30] nach raibi isna berlaib ilib ni bad uaisli du riachtain i tossuch quam (.i. inas) in Gaedelg? Ni ansa em. Ara cuib­di, ara edruma, ara mine 7 a forleithiu.

Cid ar nad lethiu quam (.i. inas) gach mbesc­na? Ni ansa. Uair is e cetna bescno rugad on tur, ba mede [35] co mbad leithiu quam gach mbescna, conid aen dia taisealbad i tos­sach.

Caide loc 7 aimsear 7 perso 7 tugait din Gaedelg? Ni ansa. Loc di in tor Neamrua[i]d, ar is aga arricht i tossuch. Aimsear di aimser chumtaigh in tuir la claind Adaimh. Persu di Sachab mac [40] Rochemhurcos 7 Gaedel mac Etheoir mic Thoe mic Bara­chaim do Grecaib Scithia. Caidhe tugaid? Ni ansa. Tor Nemrua[i]dh di cumtuch.


Asberait araile conid tugait Gaedel du dul isin tir i rrugad, conidh he toissech roscrib i taiblibh 7 i llegaibh isin lug sond[45]rud dianad ainm Calcanensis. Is and roscrib Gaedel in Gaedealg.

Cid ara n-abar ‘bescna domunda’ din Gaedhilg 7 nach di ata briathar lasna hegnadu eolcha? Ni ansa. Arinni aisnedes du ceastaib 7 du chaingnib domundaibh eter tuaith 7 eglais.

Cid ara n-eper comad borb fiadh [50] Dia inti legas in Gaedhelg? Ni di ata briathar and eter, // acht do uilideataid na feallsamnachta eter gramadaigh 7 dileachtaigh 7 rim, amal atbert in fili:
Foglaim, feallsamnacht, is fas

Legeand, gramadach, is gluas, [55]

Litirdheacht leir ocus rim

Is beg a mbrig for nimh thuas.


Cest, nach fellsamnacht in Gaedhealg? Ni ansa em, acht na ndenaid min-ughdair fri dereadh in domain ar thucait a nder­s­cnaigh­thi seach na n-ughdaru toisseacha, no is ed [60] as bescna domunda and 7 is fhellsamnacht dimhain: ind eire[te]acht 7 ind aibres dorigni neach i n-aigidh na firindi diadha 7 daenda, 7 is ed sin is borb fiad Dia and.

(1.1) Asberat trá augtair na nGoídel

Cid ara n-ebairt-[80]seom ‘asberat na hugh­tair’ robadar remi? Uair is e Cendfaelad // arainig in lebar-sa .i. brollach ind Auraicepta, ocus na ugdair na nGaedheal, roba he sein Fenius Farsaigh 7 Iar na n-ilberla mac Nema.

Ni ansa. Ar uaisli na haim­siri asrubairt .i. aimsiri frecnairci, uair gebidh in aimsir frecnairc [85] arna huilib aim­seraib, ut dicitur: Prescens tempus pro omnibus temporibus ponitur .i. sam­(l)aig­ther in aimsir frecnairc forna huilib aimseraib.

Cinnas on? 7 se ig a rádh int aenfhocul i mbit in da shillab nach cantar i n-aenaimsir ut dicitur: ‘lego’ .i. leghaim: quando dicis ‘le-’, futurum est ‘-go’, [quan­do dicis ‘-go’], preteritum est ‘le-’ .i. intan raide int shillaib toisich, todachaiche chugut int shillab dedenach, 7 seachmadhato seachat int shillab thoisenach.

Defir on, amal asbert in Laidneoir: Tempus non diuiditur sed opera nostra diuiditur .i. nochon i in aimsear fhogailter and [95] acht ar ngnimradh-ne.

Ni hi dno is frecra dona haugdaraib robadar i n-aenaimsir ris fen, tuc Ceannfaelad intan roraidh: (1,1) ‘asberait auctair na nGaedeal’.
Cidh ara tuc-somh ‘a’ ar tus sunda? .i. uair is i i[s] sruithiu i fedaibh 7 is uaisli i nguthaigib. [100]

(1,1) combad sí tucait airic in bérla Féne .i. berla Feniusa gním n-ingnad n-indligthech

.i. gnim n-ingnad .i. ingnath ara ainmenci, indlightheach ara uaibrigi .i. triall for neam ina corpaib collaidib gan comair­lechudh fri Dia.





Incipit Eraicept na n-Eiges

.i. eraicept, uair er gach taoiseach.

Aicicht dono .i. icht aici, ar is i n-aici bios in deisgiopul agin maigister, no dono aicept, .i. acceptus, airiti cugad ind neiche nach bfil ogat.

na n-eiges .i. na nai gan ches .i. na bfiled.

Cid [diana Eg.] toiseach so? Ni [2265] ansa. Don teipi doteiped asin Gaoidilg, oir iss ed toiseach arricht la Fenius ier dtiachtain gusan sgoil amuigh. Gach son do na hairnicht cairechtaire 7 gach son fordhorcha ropui in gach beusgna 7 in gach berla, fofrith ionad doibh isin Gaidilc, conid aire sin is forlethi quam gach [2270] mbesgna.

‘Er gach toiseach’ dano, uair is hed is toiseacha lasna filedha, cech son fordorcha duo riachtain i tossach .i. bethe-luis-nin an ogaim ar bithin a ndorchaideta.

Cest, cie tugait ara n-abar ‘berla tobidi’ (cf. 2265) don Gaoidilc? Ni ansa. Uair as gach perla roteiped; 7 gach son fordorcha roboi [2275] in cech beusgna, fofrith ionad doibh isin nGaoidhilc ara forleithe sech gech mbeusgna.

Cest, dono, in raibi Gaidelc resiu rotopad? Ropuoi eimh. [Caidi a deimhniugud? om. Eg.] Ar ni fagbaigter in dá berla sechtmogat [ceana Eg.] gan in Gaoidilc.

Ceithri hanmanna dono [2280] for Goidilc docom nuibir a ranna no coma[d] ainm gach primberla dona tri prim­berlaib .i. Ebra 7 Greig 7 Laidin, 7 ainm dilis o Gaoidiul .i. Gaoidelg, ud dixsit:

[Ticalod a hEbrad aird,

Is malot a Greig glegairg, [2285]

Legulus a Laitin le,

Tinoltach fir a fine. //


In berla teipidi tric

Roleasoig Gaoidel glanglic,

Uatha do tsiol Gaoidil gairg

Duine aga mbia a firainm [2290]


Gaoidel aderaitsim fris

Lucht aineolais is ainpfis,

Ni neasa dho Gaoidel glic

Indas do gach ealg oirdeirc.


Ma hail dam a radh fri cach [2295]

Co (rubh) [co] follus an fath,

It iat re garmain gan gai

Cethri hanmanda an berla[i] om. Eg.]


Cest, cie tir a rugad Gaoidelc? Ni ansa. A nEigeipt. [2300]

Et cie hairm sonnradach a ruccad? Ni ansa. I muig Uga a rand iarthardeisgertaigh na hEigipti.

Ceist, cie don sgoil dochuaid co suidhe? Ni ansa. Gaidel mac Eithiuir meic Tai meic Barachain do Gregaiph Sgeithia.

Cest, cie méud don-uccad di? Ni ansa. A huiletaighie cen[2305]motha indi dotormachtadar filid trie fordorcha ier dtorrachtain co Fenius.

Cest, cie berla don da berlaib sechtmogat rotaisealpad do Fenius i ttosach? Ni ansa. Berla Feine .i. Gaidelc, ar is he Gaidel pa tocha leis die sgoil, et is he ron-alt asa oighe no asa oidig, et is he pa soam don [2310] sgoil,

7 ara forlethe sech cech mbeus­gna et is he berla toisech rucad on tuor. 7 ropoi eimh Ebra 7 Greig 7 Laitin la Feinius riesiu thisad on Sgeithia. Et ni rainig a leas a n-ai(t)­denamh icc in tor, conid aire sin is toisecha rotaisealpad.

Cest, nach raibi isna berlaiph ni bud uaisliu do riachtain [2315] quam in Gaoidelc? Ni ansa. Ara cuibhdi, ara hetruime, ara forleithe, ara mine.

Cest, cidh ar madh forlethe quam cech mbes­gna? Ni ansa. Ar is he cetna besgna rugad on tor, 7 pa mete co mad lethe quam cech mbesgna conid aon die taiselpad a tosach. // [2320]

Caite log et aimsear et persa et tucait sgribinn na Gaoideilge? Ni ansa. Tor Nem­ruaid cetus locus faci[e]ndi, ar is aici irricht a tosach. Ocus aimser di aimser cumdaig an tuir la cloinn Adaim. Persa di Sacap mac Ruicimorcus, uair is he rodus-fucc on tuor 7 [2325] Gaoidel mac Eithiuir meic Tai meic Barachain do Gregaip Sgeithia. A tugait sgribhinn tour Nemruaid do chumdach.

Esmberat araile conid tugait di Gaidel do duola isin tir a rugad he, fobith is he toisech rosgribh a dtaiphlibh 7 a lecaiph isin lucc tsenradach dienat ainm [2330] Cal­caneinsis. Is and rosgriph Gaoidel in Gaidilc, no dono is he Sacab mac Rui­cimorcus rosgribustar.

7 adberait araile comad aonleapar int Uraicept uile, 7 comad he so a log-aimser.

Cidh ara n-aparthar ‘besgna doumanda’ don Gaedilg 7 [2335] nach di ata briathar lasna hecnadaibh eolchu? Ni ansa. Iersinní aisnedes do cestaibh 7 do caingnibh domundu iter thuaith et eclais.

Cid ara n-abar co mad borb fie[d] Dia inti leighius Gaedilc? Ni di ata briathar sund, acht do uiledetaidh na feallsamnachta iter gramataig 7 dilliochtaig [2340] 7 rim, ut dixit poeta:


Foglaim, feallsamnacht[a], is fas

Leigeand, gramatach, is gluas,

Literdacht leir ocus rim

Is bec a mbrigh for nim tsuas.


[2345] Cest, nach fellsamnacht an Gaidelc? Ni hedh eter acht a ndernaid mion-ugh­dair fri deredh an domain ar tuccait derscaighti sech na hugdaraiph toisecha. No is ed is beusgna domunda and 7 is feallsamnacht dimain .i. ind erritacht et an aimiris dogni nech a n-agaid na firinne [2350] diadha 7 daonna, 7 iss ed sin is borb fia[d] Dia [anti leighius Gaedilc no om. Eg.] andaidi.

Cidh ara ndebert aipcitir .i. eibi ioc duar .i. ic focul, ar ni hi iocus na foclu // acht is iad na focail nus-icainn-si. Is he [focul Eg.] itbert sund .i. rand, ut est:

cie duar donesa nath
(1.1) Asberat trá augtair na nGoídel dano. Cidh ara ndepertsim ‘asberad na hug­dair’ robatar roimhe, uair is he Cendfaolad arainic in leapar-sa .i. Brolach i[n]d Uraic[e]pt[a], 7 ugdair [na nGaidel Eg.] dano, rob iadsiden Fenius Farsaidh 7 Iar mac Nema.

Ni ansa. Ar uaisle na haimsire isrupart .i. aimser frecnairc, uair geipid an aimsir frecnairc for na huilib aimseraiph, [ut dicitur: presens tempus pro omni tempore ponitur, samaigther in aimsir fhrecnairc for na huilib aimsirib Eg.]

Cinnus on? 7 he da radha int aonfocul a mbit na da sillaba nach gcantar a n-aon­aim­sir, ut dicitur: ‘lego’ .i. legaim: quando dicis ‘le-’, futurum est ‘-go’, preteiretum est ‘le-’, quando dicis ‘-go’ .i. intan raidhi in sillab toiseach, todochaidi cugut in sillab deighinach, et sechmatu sechat [2370] in sillab toiseach.

[Deitbir on Eg.], amal isbert in Laitneoir: Tempus non diuiditur sed opera nostra diuiduntur .i. nocha n-í ind aimser fogailter and acht metugud aimsire bis iter na sillaba, no ar ngnimrad-ne feisin. No dano is frecra dona hugdaraiph robatar a n-aonaimsir ris fein, tuc [2375] Cendfaolad in tan ispert: (1,1) ‘asperat ughdair na nGaidel

Cid ara dtugsom ‘a’ sound ar tus sech na guthaigi aili? Ni ansa. Ar is i as sruithi a bfedhaib 7 is uaisle a nguthaighaiph 7 is i cet­lapra cech pi .i. ‘a’, 7 iach­tadh cech mairph .i. ‘ach’.

Asperdis na cetughdair, asperat na hugh­dair [2380] deighencha:

(1.1) combad sí tucait airic in bérla Féne

gním n-ingnad .i. nemgnathach ara ainminci n-in­dligthech .i. ara uaiphrigi












  1   2   3   4   5   6   7   8   9   10


De database wordt beschermd door het auteursrecht ©opleid.info 2017
stuur bericht

    Hoofdpagina