Incipit Auraicept na nEges i. eraicept



Dovnload 0.64 Mb.
Pagina3/10
Datum22.07.2016
Grootte0.64 Mb.
1   2   3   4   5   6   7   8   9   10

[571] (3,1) Insci .i. scientia (.i. ecna) a bunadh Laitne. Scothegna a airbert.

Innische a inne .i. innisiu iar caei iar conair: conar .i. ceangar. (= 3138/3140)

(3,1) tra .i. dorrae cucunn no durae uaini, .i. inn asneis
no tra .i. a tri .i. na tri hinnsci .i. ferinsci [575] 7 baninsci 7 deiminsci.

(3,2) ferinnsci immoro forinsci no firinnsci no fo[f]herinsce no firenninnsci no ferdha innsci no ferr inda innsci na mmna [bis indsci in fir L] no ferinsci nama bis.

(3,2) baninnsci dno .i. baninnsci .i. ba fir no buan innsci no bonenninnsci no bona scientia // [580] .i. dagfis no fo innsci in fir bis innsci na mna.
(3,2) demindsci dno .i. deim insci, no deme insci, no deiminsci fuirri,

no in dem is onni as dem[o] .i. dighbaim ita,


no dibeo insci .i. insce dimbeoaighthi .i. ni hinnsce sluinnes du biu.
(585/603: after 620 )

(3,2) mascol 7 femen 7 neodur lasin Laitneoir


.i. mas fear 7 cul comet,

no [605] comfhiscol .i. moo a fis 7 a col quam col na mna,

no is onni is masculinus .i. masculini
(3,2) femen dno .i. femder .i. feme // Graece, uirgo Latine: ander gach slan.

Femdeir didiu .i. ogh-ingen,

no femen quasi femer .i. a femore .i. femur .i. sliasat, air is and is ben-si intan fognaithir dia sliasait,
[610] no femen .i. flesc no maitnechas unde femina de flescda no maithchnechas dicitur,

no is onni as feminina, femina .i. banda no banecoscda no bangnethach no bangnimach.


(3,2) neudur .i. ni fetur cia cenel, uair nach si no se, no neutur onni as neutrum neimhneachtardha .i. nec hoc nec illud .i. [615] nec masculinum nec femininum.

Cest, onni a[s] sciscor com[a]ircim.

(3,3/3,4) Caite deochair eturru?


Ni ansa. Nasdefrigidar a tri urlund innsci .i. a III remslonnudh .i. slointi rempu .i. riasna hinscibh (3,4) .i. ise isi ised. Acht ata urlaind sin a tindscedul a nd-edargnu remsluind dona foclaib ina [620] ndiaidh. 7 insce femen 7 mascul 7 neutur tuicthear trethu. (= 3120/3124) Etardheilighther dno eter na tri cenelaibh.

[585] (3,4) Cuin is erlunn?

Is erlonn em intan dosbere fri a n-aill, ut est ‘is e in fear’, 7rl. Is etargaire dno eter fhemen 7 mascul insin, no is etargaire intan deifriche fri neach n-aili, co n-anmaim a athar senrud.

Innsci intan asberar ‘is e nama’, gen eraill maille fris, ut Priscianus dixit: [590] Oratio est or[di]natio congrua[m] dictionum perfectam [que] sententiam demonstrans .i. ata in innsci ordugud comimaircide na n-epert faillsiges in ceil[l] foirbthi. (= 3140/3144)

Erlonn inund eter da erlonn nach it inund .i. ‘fri se’ no ‘fri sed’, air ni erlond is sed, is remshuidiugud.



[595] Ferinnsci aicnid: ‘is e in fer’, ferinnsci saerda: ‘is e an neam’. Baninnsci aicnid: ‘is i in bean’, baninnsci saerda: ‘is i in chloch’. Deminnsci aicnid: ‘is ed an neam’, deminnsci saerda: ‘is ed in ceand’.

Aicneadh caem and 7 aicned etigh. Aicned caemh cetumus: ‘is i a sron no a [600] suil na mna’. Aicned n-eitigh immorro: ‘is i a fhiacail no a bhel na mna’, 7 is cail gotha fodera sin, .i. ni ni acht neamgnathugudh amal atat na focail berlai na athgennmar .i. nit binde lenn uair nis-gnathaigem.



(3,5-3,14 inserted from 526-570; (3,5/3,6 = 526/528 = 621/624))

(3,5) Cest: cuin immairicc eter in insci 7 in dúil día n-indisin?


(3,6) Ni ansae: intan fedar a hinsce chóir fuirri íar n-aicniud.

(3,7) Ni immaircide immurgu eterru intan fedar insce for a n-aill .i. ferinsce for baninsci no baninsce for ferinsci no deminsce for nechtar n-aí.

(3,8) Fedair ém ferinsce for baninsci intan asmberar in banmac-sa,



ut dixit poeta:

Dia mbadh missi in banmacan

Nocechrainn cach faelmacan;

Fer nad fintar gu gcluinnter, [535]

Slancheill chein duib, a muindter.
(3,9) Fedair dano baninsce for ferinsci intan asmberar is sí in gabar.
Is i in gabur uair is each

Is e in gabur cid meighleach, [540]

Is i in chorr cid reil nos-rel,

Is e in mintan cid banen.

(3,10) Fedair dano deminsce for ferinsci no baninsci intan asmberar is ed a cenn sech is cenn fir ón no mná.

ut dicitur: [545]

Ceand mna romannair mo mod,

Dos-far[r]aidh don, ni deilm ndil

Is ed ceand is grannium sain

Do neoch fil for muin fo nim.

(3,11) Fedair dano baninsce for deminsci intan asmberar is sí in chloch.



ut dicitur:

Is he in lia, lith rolas, (etc., 535-563 skipped)



(3,12 = 565/566 ‘acht - tuisemar’ = 624)

(3,12) Mad íar n-urd chóir na ndúla, immurgu, niba ainm ferinsce no baninsce acht du neoch douisim 7 ótuisemar, 7 ba deme a n-aicned uile olchena.

Atat da [625] thuismiudh and, tuismiudh aicenta 7 tuismiudh saerda.

Tusmiudh aicenta geine .i. mac sceo ingean o mnai,

tusmiud saerda .i. fer o thalmain, amal asbeir Uraicept: ‘mor easba in talman meni tusmedh clanda’.

(628/638 = 3203/3220 ) Cetheora fodhla saerdhatadh .i. deifir rainde 7 tugait bindiusa 7 [630] illugud labartha 7 cuimri raid.

Deifir rainni, ut est ‘is e in banmac-sa’ .i. din raind oigi fil and isin ingen is // ainm.

Tucait bindiusa, ut est ‘is i in ghabair’, 7 d’eoch ban is ainm .i. goar .i. ‘solus’ isin Fenic[h]us (no isin Breatnais) co tuc in file ‘be’ fris ar tucait mbinniusa.

Hilugud [635] labartha, ut est ‘is ed a cend’, 7 is liate in da urlabra.

Cuimri raid, ut est ‘rusc immi’ 7 ‘criathar arba’, uair ropad emilt ‘rusc im imim’ 7 ‘criathar im arbor’ do rad. Air it e da modh labartha fil and .i. modh n-aicenta 7 modh saerdatadh.

(3,13) Doepenar dano deminsce a ferinsci no a baninsci. (3,14) Doepenar dano ferinsce no baninsce a deminsci amal atá isnaib réimennaib 7 it é sin na deme thepide 7 na lánamna demi 7 a ngeni-side.


(4,1) Secht n-etargaire trá dochuisin .i. a ngrád condeilg [640] lasin Laitneoir is etargaire a n-ainm lasin filid.


(4,2,1) Etargaire n-inchoisc i persainn; (4,2,2) etargaire n-inchoisc phersaindi; (4,2,3) etargaire persainde i ngním; (4,2,4) etargaire persainde i césad;

(4,2,5) etargaire derscaigthe i nderscugud .i. possit 7 comparait 7 superlait lasin Laitneoir .i. fothugudh 7 [645] forran 7 formoladh lasin filid: maith 7 fearr 7 fearrson lasin nGaedeal;

(4,2,6) etargaire méite i mmétugud;
(4,2,7) etargaire lugaigthe i lugugud.
(4,3) Etargaire n-inchoisc i persainn cétumus: uind-se .i. in fer uind-si .i. in ben ondar .i. i[n] nem (4,4) Etargaire n-inchoisc phersaindi: mé [650] fadén tu fadén fadén sinni fadesin sibsi fadesin siat-som fadesin.

(651/659 after 704)

(4,1) [660] Secht n-etargoire


.i. i[s] soighthi dia mbe inna eolus, no is saighthi dia mbe i n-aineolus

(4,1) etargoire .i. isinn etechtu ata .i. isin sechtmad ernail in sechta ita in condelg uile, ut est: Pars pro tota et tota pro parte .i. in rand dar eis na toiti 7 in toiti dar eis na rainni.



etargoire .i. [665] etardheilighthi i treidhib 7 etargairi .i. gair guth .i. etarghnugh[ud] in ghotha andsin,
no etargleodh .i. iar ngleodh a fheassa etarru.

(4,1) In chondealg lasin Laitneoir is etargoiri lasin filid.


(4,1) filidh .i. fialsaighi no fialshuighi, no fi ani aerais 7 li ani [670] molais, no fili onni is philosophus .i. fellsamh ar dliged in filed guru fellsumh.

Cidh ar nach treidhi lasin Laitneoir in condelg, amal as treidhi lasin nGaedel inn edarghoiri .i. meid 7 inni 7 inchosc?

Dedhe immorro lasin Laitneoir .i. meid 7 inni namma .i. bonus et malus, is i in indi

Magnus [675] et minus, is i in meid.

Is ed a inni lasin nGaedel .i. maith 7 olc immalle.

Is i a meid .i. mor 7 beg, 7 is mor laissiumh a mbeg i coneilg in neich is lughu.

Inchosc immorro agon fhild, ni condelg eside etir lasin Laitneoir, acht pronomen et uerbum. [680]

Cid fodera dosumh a radh (4,1) a ngradh conde[i]lg lasin Laitneoir is edargoiri a ainm laisin filid? 7 ni fuil acht tri graidh condeilg lasin Laitneoir, 7 atat secht n-etargoire icon filid?

Ni dia chutrumugud eim dosum dno,

acht ita etargoire lasin filid is condelg lasin Laitneoir .i. [685] etargoire derscaigthi i nderscugud. Ni cach etargoire is condeilg 7 is cach condealg is etargoire.

Cidh ar madh condelg las[s]ium posit?


Ni ansa. Ar is i as fotha, 7 ata // derscughudh di, ut dicitur airim fri unair, ut est: Unus non est numerus sed fundamentum numeri .i. nochon fhil int aen [690] co mbad airim acht ata conidh fotha airim, 7 amal ita alt icon Gaedhel, 7 ni dech fadesin, cidh la deochu adrimther, 7 tria saerdataid insin .i. int alt aicenta immorro de posit.
Cid arnid ainm comparaiti doberat-somh forin condelg uili? Ni ansa. Poisit cetumus: ni derscaigh do ni.

[695] Superlait dno, ni derscaigther di.

Comparait immorro derscaighidh di neoch, derscaigther di,

conid airisin is ainm foriata in condelg.

Caite condelg ceilli cen son 7 condelg suin cen cheill 7 condelg suin 7 ceilli molle? Condelg ceilli cen son, ut est [700] bonus melior optimus.

Condelg suin cen ceill, ut est: bonus bonior bonimus: nobhiadh iar sun sain 7 ni fil iar ceill.

Condelg suin 7 ceilli malle, ut est: magnus maior maximus: is i insin in condelg techta.

Bid dno maith, 7 ni bi derrscugud de, ut est: deus.

(4,5) Etargaire persainde i ngním: dorignius dorignis dorigni dorigénsam dorigénsaid dorigénsat. (4,6) Etargaire persainde i césad: no-mcharthar-sa no-tcharthar-su carthair-som no-ncarthar-ni no-barcarthar-si [655] cartair-som.


(4,7) Etargaire derscaigthe i nderscugud

.i. maith 7 ferr 7 ferr-són .i. lasin nGaedel coitchend a n-ecmais in filed, fothugad immorro la sidhe.

(4,8) Etargaire méite i mmétugud: mór 7 móo 7 móo-son. (4,9) Etargaire lugaigthe i lugugud: bec 7 lugu 7 lugu-són. //



[705] Caite deochair eter se 7 uinse? (4,2,1) Uindse cetumus: sluind persainni [sain]raidchi insin, ut dicitur: ‘unse uait in fer-sa’ saindriud cona anmaim, ut dixit poeta:
Unse chugut in gillgugan (709/711 skipped)

Sluind ceniuil immorro, amal ata ‘is e in fear’, 7 ni fes cia sainriudh, acht is fer tantum.

Cidh fodera ind // irlond conidh innsci 7 conidh etargoire? .i. intan is innsci [710] is ac sluind innsci bis, acht isa oen; 7 atberat ‘is e in fer’, uair is erlond i suidhiu. Is ann is etargoire, intan asberar ‘unse.’
Sluind ceneoil, amal ata in etargairi inchoisc i persaind .i. isin persaind fein ita a hinchosc, co n-aichniter trit ic sluind cetpersainde 7 persainde [720] tanaisti 7 tres persainde atat na hetargaire uili.
(4,2,2) Cidh ar nar ba leor leis[s]ium a rad ‘me’ i n-etargaire inchoisc persainne? Ni ansa. Etargaire deifrighudh na persainde tria hinchosc di fadein .i. in chetpersu uathaid,

conar bo leor a radh ‘me’ co n-abair ‘me fadein’, air is [725] demniti 7 is deligidi fri cach persaind a radh ‘me fadein’, ut dicitur: imponendo egomet [ipse enim ego feci 7 non alius cum dicitur egomet L ], uair is me fein 7 ni neach eli intan asberar egomet. Quicquid iteratur ut firmus fiat .i. biaid corob demnite gach ni athairrigthir.

Fogabar dno in comparait [730] cen phosit, ut est: Dulcius est mare Ponti[c]um quam cetera maria .i. is somillsi muir Point andat na muiri archena,
7 condelc in etechta insin. Condelc in etechta dano in cetna ernail in Auraicepta .i. fors .i. ferr a fhis. Is etecta insin, ar ni maith int anfis. (376/8 = 732/4) Finit primus liber.
[735]

Incipit do lebur Ferchertne. Loc don libur-sa Emain Mhacha. I n-aimsir Conchobair mic Neassa. Persu do Ferchertne fili. Tucait a denma du breith aesa faind 7 boirb for seis.

(5) Sechta frisetoimister Góedelg .i. fid 7 deach 7 réim 7 forbaid, alt 7 insce 7 etargaire. //



[741] Seachta .i. septim a bunadh lasin Laitneoir. Seacht n-ae a hinni .i. seachta da aeib doimiter and.

A airbert .i. a airimh .i. VII primeillge na filideachta, no brosnacha bairdne, no VII n[d]eich na filidheachta i n-ecmais dialta, ar ni fil in [745] seachta annside: is aire rofacbadh.

Coitcheand 7 diles 7 ruidhles, conadar don focul is seachta.

Coitchend do cach airimh seachta. Diles do a seacht diuidib. Ruidhles do in cetairimh sechta frisa nd-ebradh .i. fri seacht laithib na seachtmaine. Innleas a tabairt for airimh n-aili acht for a [750] seacht.



Tomus .i. mensura a bunad lasin Laitneoir. Toimes a hinni. Toimhes a airbert .i. ‘to’ tenga 7 ‘meas’ airi fein .i. meas doghnither o theangaidh.

In gne no in cenel tomhus? Is cenel eimh.


Cest, caitet a gnee? Ni ansa. Tomus filideachta 7 tomus bairdni [755] 7 tomus prosta.

Cadé ruidhleas 7 dileas 7 coitchend 7 indles hi tomus? Ni ansa. Ruidhleas do filideacht .i. a breith ria seacht. Diles do bairdni .i. a tomus fri cluais 7 fri coir n-anala. Coitchend immorro de prois o dhialt immach. [760] Indles do sen immorro, air ni fil alt and. Seachta fo VII for sechta inso sis.



fidh .i. fundamentum a bunad Laitne, fo edh a hinni, fotha no fidh ae a airbert.

Ruidhles 7 diles 7 coitchend indiles do fedhaib: .i. ruidhles do fhedhaib aireghdhaibh, [765] diles do forfhedhaib, coitchend immorro do thaebomnaib acht ‘huath’. Indles do sen immorro, ar ni taebomna etir, ut est: ‘h’ non est litera sed nota aspirationis .i. nocho n[fh]uil ‘h’ co mbad litir acht ata conidh noit tinfidh. Tinfedh .i. // tiniudh feadh .i. nemnigudh feadha do radh friu sin uili.


Is [770] ed is ruidhles 7 is diles 7 is choitchend doib.

deach dno troich a bunadh (no ar frithindlidhach) Laitne.

Degfuach no defuach dano a hinni.

Dibh uaighthir immorro [a] airbert intan i[s] sreath.

Caite ruidhles 7 diles 7 coitchend indles isna deac[h]aibh?

Ruidhleas doib a n-anmand [775] fein do rad friu amal ata dialt.

Diles doib dialt do radh fri cach n-ai dibh, air is dialt duformaidh gach n-ae dib for araili.

Coitchend doib deich do radh fri cach dib.
Indleas do dhialt immorro deach duna seacht ndeachaib ele do radh fris, air ni fil alt and. [780]

Reim dano .i. re huamma ai a hinni intan is filideacht, re huam intan is bairdni .i. ni huaim tomais dligthig, reim dano .i. raid uaim intan is phrois.
Reim dano a airbert, diall no tuiseal a bunadh.

No reim onni as robamus .i. comhshuidhiughud a bunadh.

Ruidles do reim [785] do fid for fid i filideacht.

Diles do taebreim ceatharcubaid filideachta 7 bairdne.

Coitchend immorro do reim suin cen cheill 7 do reim suin 7 cheilli immalle.

Diles do prois.

Indles immorro do reim suin namma, uair ni filltir.

Cid dosum nar bo lor laisa radh ‘me’ namma [790] co nn-earbairt ‘me fadein’ ut supra?

Ceithri gnei immorro for prois o reim, .i. reim suin, amal ata ‘fer’: is as remnigther;
reim ceilli, amal ata ‘Patraic’: ni airicar a reim suin, air is aendealb // fora ainmnid 7 fora genitil;

reim suin 7 ceilli, amal ata [795] ‘Fland Flaind’.

Taebreim prosta, .i. ‘me fadein’, ar is taebreim cach ni nach lanreim.

Treda ara togarar reim, .i. reim as, ut est ‘fer’, air is as remnigther; reim ind, ut est ‘fir’, air is ind reimnigther; reim as 7 ind malle, ut est ‘in fer’, .i. a ainmniugud 7 a inchosc [800] ann malle.

Reim dano, ceim a airbert:

Bellat mathair Niu[i]l neimnigh



(etc., 802/804 skipped) [805]

.i. reim do fidh for fidh, ut est:

Sian sleibi sirlata serind

(etc., 807/809 skipped) [810]

Forbaid dno .i. aiccentus lasin Laitneoir, a bunad onni is firmarius .i. ilghnuiseach,

forbid (.i. forin focul) no for fut no for cumair.

Forbaid no forbeoidh no forbaid a inne.

Forbeoidh intan is ‘forsail’, .i. ‘sail’ fair, no ‘forsail’ .i. is for fuilliudh, iarsanni fothaighes in focul for fut.

Forbaidh dno [815] forbaidh intan is ‘dinin dishail’ .i. sech ‘nin’ ni ‘sail’ acht ‘duir’, no ‘dinin dishail’ .i. disein di-fuilliud .i. nemhfhuilliudh.

Forbaidh dno .i. fair bidh intan is ‘ernin’, .i. ernid ‘nin’, no fair ‘nin’.


Forbaidh dno .i. for [fh]idhbait a airbert.


Ruidhleas do ‘forsail’, diles do ‘ernin’ a beith for fut no for gair. [820]

Coitchend do ‘dinin disail’, no dona huile forbaidibh forbaid do radh friu.

Indles immorro do forbaid dib dul i llocc araili, .i. do da forbaid na nguthaige // 7 d’aenforbaid na taebomna, .i. forbaidh uathaid 7 forbaidh ilair, no ilair for uathad, no forbaid fuit for cumair, no indles gan a fuath do sgribeand.



[825] Alt onni as altus .i. uasal a bunad lasin Laitneoir, alt dano onni alteir ina menmain a inne.

Alt co fesser immorro a airbert, .i. co feser cia halt aircetail bera fri sechta, .i. i[n] nath, inn anair, inn anamain, in laidh, in setrad, in sainemain.



[830] Alt in anma prosta, in re n-aimsire bis eter in da shillaib a inni, [alt L] co feser a airbert.

Caite ruidhles 7 diles 7 coitchend <7> indles alta? Ni ansa.


Ruidhles .i. do aiste do alt filideachta,

diles immorro do alt bairdne .i. do aiste,

coitchend, indles do fhoclaibh na proise, .i. coitchend do cach [835] focul i mbiat alta, indles immorro do dialt, ar ni bi alt and.



Indsce dano, .i. s[c]ientia a bunad Laitne
7 d’aenforbaid na taebomna, .i. forbaidh uathaid 7 forbaidh ilair no ilair for uathad, no forbaid fuit for cumair. No [825] indles gan a fuath do sgribeand.

Alt onni as altus (.i. uasal) a bunad lasin Laitneoir. Alt dano onni alteir ina menmain a inne. Alt co feser immorro ­a airbert, .i. co feser cia halt aircetail bera fri sechta .i. i[n] nath, inn anair, inn anamain, in laidh, in setrad, in sainemain. [830] Alt in anma prosta in re n aimsire bis eter in da shillaib a inni, [alt L] co feser a airbert.

Caite ruidhles 7 diles 7 coitchend, indles alta? Ni ansa. Ruidhles .i. do aiste do alt filideachta, diles immorro do alt bairdne .i. do aiste. Coitchend indles do fhoclaibh na proise .i. coitchend do cach [835] focul i mbiat alta, indles immorro do dialt, ar ni bi alt and.




Indsce dano, .i. s[c]ientia a bunad Laitne, in deschae a inne, scothecna a airbert. No insci, co feser in aisti urdalta, .i. co feser in ‘si’ no in ‘se’ in aisti bera fri sechta, amal roghabh ‘is e in nath’, ‘is i in laid’. Indsci in anma prosta, .i. ferindsci [840] 7 banindsci 7 deminsci.

Cate ruidles 7 diles 7 coitchend, indles na hinsce?

Ruidles don insci aicenta caemh, diles don insci aicenta ecaem, coitchend indles don insci saerda, .i. coitchend ara gnathugud, indles immorro ara aindilsi.

Etargaire dno onni is etargradimus, .i. foruaslaigeach, // [845] etargnaghudh gotha a inne, etardeliugud a airbert.

Cate ruidles 7 diles 7 coitchend 7 indles etargaire? Ruidles do etargaire derscighthigi i nderscughud, air is i frecras in condelc. Diles immorro do etargaire inchoisc i persaind, uair i[s] sloinniudh persainni saindredaigi. Coit­chend [850] indles immorro dona etargairib ar chena, .i. coitchend in uird comairme, indles immorro do neoch dib na frecair condelg.

Cest, in gne no in cenel in fidh? Is cenel emh. 7 masa chenel, cadet a gnee? Ni ansa. Fid saerda 7 fid [855] aicenta, .i. fid saerda fid inn ogaim, fid aicenta immorro fid na cailli. Et fid inn ogaim, in gne no in cenel? Is cenel ecin, ar techtaid gne, .i. fid aireagda 7 forfidh 7 taebomna. Is e insin in cenel cenelach gneach, .i. fid.

Cest, in gne no in cenel in deach? Is cenel emh, ar [860] techtaidh gne, .i. secht ndeich na filideachta. Is e sin in cenel gneach baghabhat ocht n ernaili c[e]achtar ngne na filideachta.

Cest, in gne no in cenel in rem? Is cenel, .i. techtaid da gne, .i. filideacht 7 bairdne .i. reim do fidh for fidh 7 [865] taebreim do fidh for fidh, ut est:

Coluim caid cumachtach, 7rl.


Taebreim immorro, ut est:

A [Fh]laind at luam in gaiscidh grinn

Co Maistin maill. [870]

At glan, at gaeth, is garg do rind,

At laech, a [Fh]laind. //

Ceithri gne for prois o reim, .i. reim suin cen cheill, 7 reim suin 7 ceilli, 7 taebreim prosta, 7 reim suin namma. Reim suin cen cheill cetumus, .i. ‘fer fir’; reim suin 7 cheilli, [875] .i. ‘Fland Flaind’; reim suin tantum, Patraic Patraic; 7 taebreim prosta, .i. ‘fadein’.

Tri gne ara togarar reim, .i. reim ind 7 reim ass 7 reim ind 7 ass malle. Reim ass, ut est ‘fer’; reim ind, ut est ‘fir’ isin reimniugud; reim ind 7 ass, .i. ‘in fear’, .i. [ind L] teit 7 ass teit a lanreim ind i ndualus fogur [880] huathaid 7 ina dualgus foghar ilair. Reim ind 7 ass maille, .i. ind a dualgus foghur uathaid 7 ilair immalle inna dualus ceilli. No reim ind, .i. ‘Patraic’, ar ni fil ind iar ceill. Reim ind 7 ass malle, .i. ‘Fland Flaind’, ar ita ind iar ceill 7 ita ass iar suin. [885] Is e sin in cenel cenelach, gneach cenelach, rochumadh sund forsna secht remendaib, 7rl.
Cest, in gne no in cenel ind forbaidh? Is cenel, ar techtaidh tri gnee. Is e sin in cenel fora tarrasa tri gnee na Gaedelge.
Cest, in gne no in cenel int alt? Is cenel ecin, ar itat tri gnee [890] fai, .i. alt saerda 7 alt aicenta 7 alt co feser. Int alt co feser techtaid coic ngne 7 coic cenela.
Cest, in gne no in cenel indsci? Is derb conid cenel 7 techtaid na tri indsce. Is saincenel deochraides in doman.

Cest, in cenel no in gne in etargoiri? Is cenel eim, uair dianairmidi a gnei. Iss [895] e in cenel etardefriges na huili, 7rl.

Cest, caide esse in sechtu frisa tomsigther in Goe[de]lg? // Ni ansa.
Esse feda cetamus, .i. in blog aoir tebide gebhes in fid i n elluch focail, unde poeta dixit:

Esse feda is fretede [900]

Ferr duib a aicne occaib

In blog aeoir thepide

Techtas i n elluch focail.

Caite esse deich? Ni ansa. In lin no inn uaite son n-­oencongbalach airimther o dialt co bricht cona n athghabail [905] diblinaib.


Caide esse remme? Ni ansa. In bruudh fillti fogurda forbriste foil otha in ainmiudh n uathaid co foxlaid n ilair.

Caite esse fuirbhthe? Ni ansa. In tormach no in digbail n aimsire airighes aicned i comhshiniudh fri fogur.

Cate esse alta? Ni ansa. ln toe tengadh fil don filid [910] a[c] ceimnioghud don litir for araill mad alt saerda, no don sillaib for araili mad alt aicenta.

Cate esse insce? Ni ansa. In foludh firen foirbthe fegthair isna tri cene­laibh.


Cate esse etargairi? Ni ansa. Int athfegadh mete no laiget no inde no incho[i]sc no edardeifrighi no [915] etardelighthi no edarderscaigthe rodealbh Dia eter duilib.

Cate tomhus fri sechta? Ni ansa. In fid tuisseach bis isin rand 7 in taebomna tuissecha do thabairt ar aird, 7 co festar na feda bes isin taebchubaidh in raind, [920] 7 gu robe in fidh cetna bes isind imrecru na tarmthortcheand, 7 gu rub inund a lin do thaebomnaib bes impu,

7 co festar cia deach dona ocht ndeachaib daroigh i n aisti,

7 co festar in taebreim no in reim do fid for fidh,

7 co festar // cia forbaidh bes for son ceneoil ind imfrecrai,

7 co festar [925] cia halt dona seacht n altaibh ind aircetail .i. na filideachta.




1   2   3   4   5   6   7   8   9   10


De database wordt beschermd door het auteursrecht ©opleid.info 2017
stuur bericht

    Hoofdpagina