Incipit Auraicept na nEges i. eraicept



Dovnload 0.64 Mb.
Pagina6/10
Datum22.07.2016
Grootte0.64 Mb.
1   2   3   4   5   6   7   8   9   10

[2465] Feinius Farrsaidh ainm a toisig .i. mac Eogain meic Glunfind meic Lamfind [meic Agnamain Eg.] meic Toi meic Semair [meic Mair Eg.] meic Eiteachta meic Urtechta meic Abosth meic Aoir meic Leser meic Seth meic Sru meic Esru meic Baith meic Ribath meic Goimeir meic [2470] Iaf­feith meic Naoi meic Laimfiach.

Pau saoi sidhein isna tri primberla cidh riesiu tisad atuaidh.


O na hairnig iarum Fenius comlainius na n-ilperla agin tuor, forfodail a sgola et a deisgipla uad fo cri­chaib 7 fo cendadhachaibh bfer dtalman for gach [2475] leith do fogh­laim na n-iolperla,

7 nosnothrustar .i. adfoirithed uais, Fenius iet ider biathad et etugud in gcein patar agin foghlaim .i. vii mbliadhna na foghlama 7 tri bliadhna in taispenta cona[d] deich samlaidh.

Occus anais Fenius icin tor in n-airit sin 7 roaitreb and co dtorrachtadar [2480] [a Eg.] sgola cuige as gach aird.

Conid desin asbersim i ccurp lipair: (1,3) I gcionn deich mbliadan ier sgaoiled on tor for gach leth, is and doreibed in Gaedelg. (cf. 2554/6)

Isperat araile ugh­dair nat pui nech do cloinn Ionain meic // Iafeth meic Nai, die rocinetar Gregaig et die rochin Fenius, [2485] a[c] cumdach an tuir et patar siol Nai olchena.

Deithper oun, ar ni raiphe in mac sin ag Ieffeth mac Noi, 7rl.


Cest, caiti gein Feinius? Ni ansa. Fenius mac Baath meic Maghach meic Iaffeith meic Nai 7rl. Eg.]

Berla nEpraide tantum roboi isin doman re cumdach an tuir, [2490] 7 is si dano bies dano ier mbrath. Et isberat araile co mad edh nobeth la muinntir nime.

Pa haonberla boi isin doman intan rogabsat, da berla dec is tri fichit tan rosgarsat, ut est:

Goirtigern ainm an berla [2494]

Rophui ag mac De [den Eg.] deghergna,

Ocus ag sil Adaim uair

Rie cumdach an tuir Nemruaid.

Perla nEbraide dano cidh o rahainmniged? Ni ansa. Is he Eber ainm in toisigh rocoimetustair he iar sgaoiled [2500] na mberla, ar ba he an dara comairlid sechtmogat roboi ag deanam an tuir no aga cumdach, et is aca aonur doruaraid an berla dorad Die [do­rat Dia Eg.] do Adam, conid de sin dogarar in berla nEbraidi .i. berla nEberdoigi innsin: no Abraim .i. siol Aprahaim .i. berla nEbraide dono.

Ier dtieachtain tra dona deisgioblaibh co Fenius on foghlaim .i. ier dtaispenadh i gcuarta (.i. a n-imtheachta) 7 a ngresa (.i. a bfoglama),

is and conaitciotar cusin saoi (.i. go Fenius) berla na beth ag nech aile do thei­piu doibh as na hilperlaib, acht comad acca a n-aonar nobeith, conid airesin aricht [2510] doiph in berla tobaidi cona fortor­m[acht]aiph .i. berla Feine cona for­tor­m[ach­t]aiph 7 iarmberla et berla n-etarsgarta iter na fedhaiph airedhaibh amal doruirmisim isin Duil Fedha Mair .i. nomen lipri, 7 berla na bfiled asa n-aigillit cach diph a cheile 7 in gnathberla fogní do chach [2515] iter fira 7 mhna.

Gaidel mac Eitheoir meic Taoi meic Barachain do Gregaib Sgeithia indara sai roboi ag coime // tacht Feniusa, conid uad rohainmniged Gaedelc .i. elg .i. oirrderc insin .i. Gaedel ros-oirdercaigh.

Gaoidel Glas mac Agnoin meic Gluinfind meic Laimfind [int en Eg.] brathair [2520] athar do Fenius, 7 ba saoi sidein dono cidh edh e.
Is edh sidhe dono dorothluigestar in berla so go Gaoidel mac Ethiuir, 7 conadh Gaoidelc o Gaidel mac Ethiuir. 7 Gaidelc o Gaoidel mac Aingin no go madh o Gaoidel Glas mac Niuil meic Feniusa Farrsaidh ro­­hainm­niged Gaidel. Is he sin [2525] a fhir.

Berla Feine tra arricht so sound et iarmberla 7 berla n-etarsgarta iter [na Eg.] fedhaib airedhaib ind ogaim 7 berla na bfiled in cethramad 7 in gnathperla fogni do chach in cuicced.

Fenius Farsaidh tra mac Eogain et Ier mac Nema et Gaoidel mac Ethiuir na tri [2530] saidhi doreibsit in berla-son ocon lug tsainredach dienad ainm Euateno siicuitas ariacht prius.

Caitet anmanda in da cenel sechtmogat o rafoghluinti na hilberla? Ni ansa. Ut sunt hic:

Beithin, Sgeithin, Sgouit, Germain, Gaill, Point, Paimpil, Moiet, Morann, Luigdin oic, Ircair, Sgill, Siccir, [2535] Ci­­clait, Coirsic, Creit, Sar­dain, Sigil, Reit, Reicir, Roait, Romain, Mas, Masgusa, Mair, Mai­cidoin, Morcain, Nair, Náirmais, Narmaint, Nombith, Brais, Britain, Boit mais, Ma­­­­goig, Armaint, Amuis, Gairg, Galus, Actain, Acain, Tesail, Airt, Allain, Alpain, Ircair og, Etail, Espain, Guit, Goith, Grinne, [2540] Sair, Affrainc, Freisin, Long­baird, Laidich, Laicdemoin, Eisil, Tra­gianda, Traig, Dardain, Dalmait, Daic, Ethiop, Egiptda, Indecdai, Braghmaint.

Perla sain tra cech cinel dip so.

Fer tra cech perla dhiph sin, iss ed rofoghlad and.

Pa he lion na sgoile et na tri saidhe, rofaided o Fenius [2545] cech fer diph fria berla.

(cit. 1,4 = 1037/1038) Ni cech comchiniuil dono dochuaid and dochum a criche don foghlaim acht is commberlaig,

(cit. 1,4 = 1037/1038) amal rogabh Cai Cainbrethach, dalta Feniusa Farsaidh, indara deisgipul sechtmogat na sgoile,

(cit. 1,6 = 1040/1041) pa do Eaphradaiph a bunad et pa go hEcipta rofaided,

fobith pa hand patar a [2550] tuisdigi 7 pa hand ron-alt 7 tuargpad asa aididh,


conid aire // [sin Eg.] asper i gcurp lipair:

(cit. 1,4 = 1037/1038) Is cech comberla dochuaid dochum a criche 7 ni cech comchineoil.

Secht mbliadna robatar na deisgipuil forsin gcuairt sin, 7 teora bliadna doiph ag taispenadh a ngresa a bos iar dtiacht, comdar a deich samlaidh, conid desin asbertsim tsis i curp lipair:

(cit. 1,3 = 1036/1037) i [2555] cind deich mbliadan iar sgailed doiph on tour

for gach leth doreibed an berla-sa doib. (cf. 2480/2)

Poi tra cuiccer ar fichit pa huaislem don sgoil [dono Eg.] et it e tra an anmanda-sidhe fordotait fedha 7 taebomna [2560] ind ogaim, ut est:

Bobel, Loth, Forand, Saliath, Nabgadon;

Hiruath, Dabhid, Tailimon, Cainaen, Calebh;

Moreth, Gadmer, nGomer, Stru, Ruben,

Acap, Ose, Uriath; Etroichius, Iumelcus; Esu Iaichim;

Ordinos, Iudonius, Afrim.

Is iet sin anmanda in cuiccir ar fichit pa huaisli poi [2565] a sgoil Feniusa.

Na coig fedha airedha ind ogaim dano, is on coigiur pa huaislé diph rohainmnigter iet ‘a o u e i’. (secundum aili tri in trop.) (= Rec. B 255/257)

Atberat araile it secht fedha [airegda Eg.] filit and, is on moirseiser pa huaisli 7 ba haredha diph rohainmniged. It e na da fidh [2570] dofoirindet frisna cuig tuas `* * [ea oi]’. (= Rec. B 517/521 / 257/260)

Itberat araile dano is i ind aipgitir aricht isinn Aisia, 7 ic Tochar Inbir Moir aranic Aimergin Gluingeal mac Miled an bethi-luis-nin an ogaim.

Cie litir, cie nin, cie son ina forbaigther focul? .i. dinin disail no forsail.

Ar is son ger fogapar o nach fuach tre’n tinnsganar? [2575] .i. airnin no ngetal gilcach .i. ngetal.

Cest, caiti iet airme tur Nemruaid? A hocht: da comairlid LXX, da deisgipul LXX, da cenel LXX na daine, da berla LXX ina sgoil, da thuaith LXX lasa mbatar na berlada et na cenela, da tsaor LXX frie gnim, da aigdi ar LXX, iter aol is bí is bitamain 7 talmain 7 tathluib ina // coimhecar. Da cheim LXX ina lethet amal atber hic: Airem cinntech an tuir so:


Airim an tuir togaidi (etc.2585/2608 skipped)


Adberait aroile immorro is naoi n-adhpair nama [2610] batar isin tour .i. cre 7 uisgi, ola 7 fuil, ros et aol, seuchim, lin, bitamain de quipus dicitur:
Cre, uisgi, ola is fouil,

Ros is aol is lincuir lan,

Tuis, mirr, biodamain co mbuaid, [2615]

Naoi n-adhpair in tuir Nemruaidh. // (cf. 2448/51)



(2616/44: before 1,1 Ahlqvist)


(Rec. C: 2616/2644, before 2,1 Ahlqvist)

Caiti log 7 aimser et persa 7 tugait (sgribind) ind Uraicepto? Ni ansa. Haonlog eim is coir dona ceithrib leapraip sin, amal isber in file: ‘i n-os toisechu is edh is deighencu, i n-os dethencu is ed is toisichu’. I n-us toisichu [2620] a gcurp lipair, is edh is deghencu ariecht .i. leapar Cinnfaolidh meic Oilella.

Log 7 aimsir 7 persa et tuccait sgriphind a lipair-si. Loc do ceudus Doire Luruain, 7 aimsir di aimsir Domnaill meic Aodha meic Ainmerech, persa do [2625] Cendfaolaidh mac Ailella, a tuccait sgribind a inchind [dermait Eg.] do bein a cind Cindfaolad i gcath Muighe Rath.

Ceithri buadha didiu in chatha sin .i. maidm for Congall ina gaoe rie nDomnall ina firinde; et Suiphne Geilt do dol for gealtacht ar médh do laidhiph doroine; 7 [2630] in fer d’feraiph Alpan do phreith ind fir d’feraiph Erenn ina chois leis gan airiugud .i. Duip Die ainm ind [fh]ir thall dono; et a inchind dermaid do bhreith a cind Cinnfaoladh ar a mhed do filidecht 7 do bhreathemnus 7 do leighend doleasaig.



[2635] Caiti log 7 aimser et persa 7 tugait sgribind ind Airraicepto? Ni ansa. Log do Emin Macha, 7 a n-aimsir Conchubair meic Nessa arichta, Feirchertne file dorinne do breith aosa faind for seis. Cendfaolad mac Ailella doathnuaighiuster i nDoire Lurain maille [2640] re hurmor na sgreaphtra.
Atberat aroile cona bad aenliphar, acht liphair imda, 7 ni hinand log-aimsera doiph. Is e log-aimser an cetliphair iarsin chetfaidsi. Log dó Daire Lurain, 7 aimser Domnaill meic Aoda, persa dó Cendfaolad mac Oilella, a tugait sgribhind 7rl. (= 2623/7) Eg.
] do bein a cind Cindfaolad i gcath Muighe Rath.

Ceithri buadha didiu in chatha sin .i. maidm for Congall ina gaoe rie nDomnall ina firinde; et Suiphne Geilt do dol for gealtacht ar médh do laidhiph doroine; 7 [2630] in fer d’feraiph Alpan do phreith ind fir d’feraiph Erenn ina chois leis gan airiugud .i. Duip Die ainm ind [fh]ir thall dono; et a inchind dermaid do bhreith a cind Cinnfaoladh ara mhed do filidecht 7 do bhreathemnus 7 do leighend doleasaig>



[2645]

(2,1) Ataat di ernail forsin apgitir Laitindai (.i. coindealc annsin Eg.), .i. guttai 7 consona.

.i. doaithned da firdegail asin fis foirithnech for eibe ind ugtair luaidius in ai ier bfiordliged fothu an gotha uais toghaidhe lasa // gcomhfograigit suin.

Atat .i. sunt a frithindllidech [2650] Laitianto .i. a bunad forlethon: totus a bunad ruidlista .i. derpad andsin .i. frecra do toit na haipgitre dobeirsim sund.

Ar atait tri hernaile for bunad .i. bunad ier fogar nama, 7 bunad iar gceill nama, 7 bunad iar gceill 7 fogar: [2655] ie[r] bfogar amal ata modao a nomine quod est modus; iar gceill prius, .i. ab uno a bunad; iar gceill 7 fogar, ut est quartus a quatuor uel tercius a teirsio. Bunad ier gcosmailius foghair nama totus don focul is ‘atat’, ar is ainm totus 7 briathar atat.

Coic rand indsgi ind focail [2660] is ‘atat’. Ar atat ocht randa indsgi and, .i. nomen .i. ainm, pronomen .i. ni ar son anma .i. me, tu, uerbom, atuerbium, participium .i. ni cruthaigther a hainm 7 a breithir, coniungcio .i. ni cenglus na foclu re cheile, prepos[it]io .i. ni geinter a breither 7 ciell preithri aici 7 [2665] cena beith ‘na pre­thair, interiectio ni asa dtuigther toil na hinn­tindi 7 gan a peth ‘na focul .i. ‘ac, ua, u’.

It e a n-anmanda laisin Laitneoir; .i. ainm, pronomen, briathar 7 dobriathar, randgapthach 7 comacomal, remsuidigud et interecht lasin nGaidel chena.

Is deinim am is briathar [2670] in focul is ‘atat’ .i. ‘sunt’;

7 masa briathar, ca ball do breithir? Ar atat a tri a n-uathad 7 a tri a n-ilar and, sum .i. ataim, es .i. ata tu, est .i. ata se, a tri a n-uathad; sumus .i. atamait, estis .i. atathai, sunt .i. atait siat, a tri a n-ilar.

Ceudpersa uathaid sum, persa tanaise uathaid [2675] eis, tre persa uathaid est; ceudpersa ilair sumus, persa tanusa ilair estis, tre persa ilair sunt.
A indi dano .i. (2,1) atat da ai a n-ait .i. ai guta 7 ai consaini.

Ata ai a n-ait .i. ata dliged a n-ait ind ollaman; no atat .i. ata ai uait, ar in deisgipul frisin maigistir. [2680]

A inde beus, ataat a tuided, doaithnet, doaidbed, doiagod. A airpert, .i. atat a n-aigne .i. na guta 7 na consaine. //

Dotuidhet uait a lipriph [uaid a litrib Eg.] .i. tinntaidhid asinn aignedh sin i litriph.

Doaithnet asna litriph sin i bfoclaiph.
Dotiagat asna foclaib sin a sretha rosga 7 [2685] fasaigh 7 airchetail on filidecht .i. ros eolus 7 sgoth indsgi .i. indsge eolais. Doaitbet, .i. doaisbenad, d’eochtaiph .i. a ciall 7 a caireachtaire .i. fuatha na litrech: no go mad totus a bunad Laitne in focail is atat, ud docent ali.

(2,1) Da erndail .i da duer deil .i. eur uasal 7 deil degail .i. da [2690] degail uaisle indsin. Is cotearsna dono anisin arin bfail a mbith da degail uaisle bit VII randa and. Ni cotarsna dono, ar atat a secht indip iar sonaib cen co beith iar gceill. Da erndail .i. da dul ferrda no da ard dul .i. da dul arda no [da Eg.] eur dul .i. da uasal dul.

Da ernduil .i. da .i. da [2695] fir-indeall nou da firnaill no da firdul no da erdeghail no erdail no da eurdual .i. lanfogur 7 defogur 7 consanacht .i. an ‘u’ et an ‘í’ it e da dual na ngutha no da orra dul no da orra dul no da orra degail no da orra dail.

Is iat sin tri ‘or’ 7 tri ‘er’ 7 tri ‘ir’ ind Uraiciopta.

Caidiet da dual 7 tri [2700] duail 7 [ceithre duail 7 Eg.] V duail 7 VI an Uraicepto? Ni ansa. Lanfogar 7 defogar da dual na nguta. Lethguta 7 muiti et tinfedh, tri duail na consaine.

Intan is cethair immorro, da dhual na nguta 7 da dual n[a] gconsaini.


7 intan is a cuig, da dual na nguta 7 tri [2705] duail na gconsaini.

7 intan is a se, .i. tri duail na consaini 7 tri duail na nguta, .i. lánfogar 7 defoghar 7 consonacht .i. in ‘i’ 7 in ‘u’; lethguta 7 muiti 7 tinfed, tri duail na gconsaini. Da dual na consaini, lethguta 7 muiti, ar is muiti hua. [2710]

(2,1) Forsin aipcitir .

i. ondi is aipcitorium .i. tindsgetal,

no epe actor no ebe ughdair, no ebe ioc duar no ic tur .i. rohicad ic an tor,

no aipcitir ondi .i. iss i aipcidhius a mbeusgna do chach, no aipcitir ondi is aperieis, ar is hi // sgailius a mbesgnado chach,

no aipgitir ondí is aipex a [2715] Greig [.i. cindedh no tosach aipcitre a Gaidilc, incipit a Laitin, apex a greic Eg.], apexe de deubam a hEpra, no aipgitir ab agitorio, ut dixit quasi ‘a, b, c, d’ 7 reliqua 7 ais e sin a main in duol coir, ar is lor do taithmech gacha focail a bhreith co punad Laitne. Aipgitir est copula con uel [2720] literaram per se .i. ata ind aipgitir ina coimtinol no comcengal litrioch cona comfielus archena, no dano aipgitir a Gaidilc, incipe a Laitin, apexa a Greig, apexade depham a hEeapra, 7rl.

(2,1) Laitin o Laitin mac Puin meic Picc meic Sadairn dictus est. Latinatass, Laitianda uada-side, [2725] no Laitin a latitudine dicta est, ar is leithe i [quam cech mbesgna cenmotha Gaidilc, ar is Om. Eg.] ier dtogail Troe ropoi Laitin, 7 is fada roime sin rofoghlait na berlada 7 ropui Latinitas o tsin ale, no Laitinnda luaided inde na focal.

(2,1) Edon .i. ed aon a eirnedh .i. [2730] ‘edh’ dliged 7 ‘eirnedh’ .i. fuasgladh no dliged bis aenar ag fuasgladh, no edh ain a aineolais, no edh ind so on .i. is edh son a bfuil remaind, no edhon .i. edh dliged 7 don [tidlocad no om. Eg.] tidnocul .i. tidnocul dligthech dobeir se don focul da cheile. [2735]

(2,1) Guta .i. guth fhotha .i. fotha gotha iad-sidhen,1 no guth faiti iersinni faoidit triotha,

no guth sed .i. sed in gotha, no guth fed iersinni fédaid guth ind aonar. Ut Prisianus dixit: Litera quaisi leigiteria eo quod iter leginti prebed .i. ita in litir amal inntech in leigind iersinni faoires [2740] séd an leighind,

no guth-eth[ai]t iersinni fedaid guth treotha a n-aonar, amal ata ‘a’ ard, 7 ‘í’ inis, 7 ‘o’ cluas, 7 ‘o’ forcend,

no guth ait .i. dogniat guth a n-ait,

ut Donatus dixit: Vocaileis dicuntur quae per se quidim proferuntur et per se sillabam faciunt .i. atat na guthaigi doturgbat [2745] treotha fein 7 dogniat sillaoba a n-aonar, ut Prisianus dixit: // Vocaleis dicuntaur que per se uoces eficiuntur .i. is ed is uocales and litri dogni guth tretho fein, uel sine quibus uox literailis profeirri non potest .i.litir na fetar guth do denam ‘na hecmais.

(2,1) consoin onni is consonantes comfograightech [2750] .i. iarsinni fograiged la guthagaibh do greas. No consoin .i. cuma suoin no caoin suin no caom tsoin .i. soin caoma ar is caimiti a n-irlapra fogar na consaine maille fri guthagaiph inti. No consoin .i. coma tsuin .i. suin comaidhi .i. caomsuin .i. tainic [a Eg.] fogar a n-aonur. No .i. coma[2755]son .i. focul et siomol fri guthaigi dogniatsum focul.

Cid ara n-eipertsium ‘(2,1) guta 7 consaine(= 2646), uair guthaigi uathaid 7 consaini iolair? Ni ansa. Guta 7 consaine is maith and.

Cid ara n-epert ‘guta .i. guth fotha no guth fouiti’ (= 2735/6)? uair ni fotha in guth do fein, 7 ni faoidhend guth trid fein. [2760]

Cid ara nd-eupert ‘consain comfograigtech’ (=2749)? uair ni comfograigend in consain fria fein na frie guthaigi.
Cid ara nd-epert ‘guta .i. guth séd’ (= 2736)? uor ni sédh disi hi puddein.

Caiti ruidlius 7 dilius, coitcend 7 indlius in focail is guta? Ni ansa. Ruidles di guth fet, uair fedhaig guth [2765] a aonar. Diles di guth fuiti, uair nos-fuidhend fein. Coitcend di guth fotha, uair is fota cend dona foclaiph. Indles di guth fotha, uair ni fotha is i innti fein.

Cid ara nd-upart ‘aipgitir .i. eipi ic tuor’ (= 2711), ar ní agin tor rotindscointi na haipgitri, amal isbeir Fenius. Pa sai sidhe isna tri [2770] primberlaib cid riesiu tisad atuaid 7 ni saithe cen aipcitri.

Is a nAisia dono aricht aipgitir ind oghaim amal remebartmar. Cest, caiti in condelg n-eteichta? Ni ansa. In cetna hernail ind Airaicepto. Fors, .i. ferr anfis .i. etargaire comparaitio .i. fors hic tre fortciudh na [2775] Gaideilgi .i. conndelg n-edtechta .i. fors ferr fios .i. etechta indsin, ar ni maith ainbfios. (2772/6 = 3490/2, cf. 376/378) //

Cid doichned, 7 ced dichned an Airaicepta sond. A ceddoichned fern arin focul is fors, no forail arin bfocul is for. A ceddichned .i. eipi ugdair, oir teibi in focul fein [2780] dono.

(2,2) Attat dano di ernail forsin beithi-luis-nin ind oguim.

Roraidius atad romaind.

(2,2) Dana .i. da n-ai indsin .i. ai caingen .i. in caingen remaind 7 an ai i n-ar ndiagh.

(2,2) Da ernail .i. da ier ndail forsin mbeithi-luis-nion an ogaim [2785] .i. foirithned in beithi luis .i. bioth ai eolus .i. eolus na hai isin mbith, no bithi leisna suidib nobith slonnad leis on .i. fedha 7 taobomna .i. uocales et consonantes, uair doradus da erndail forsan aipgitir Laitianta.

(2,2) Da erndail dano forsan mbeithi-luis-nin an ogaim .i. in og uma .i. [2790] forsin mbitheolus leiterda ind ogaim .i. onní is Ogmu .i. nion ogaim 7 nion tond, ar is nin ainm da gach litir amal ispert in file:

Mell suide, dar mo niona Neidhi.

Ni fortgeallad * [i] la * * [a e] la heigius .i. filid. [2795] Ailiter fortgellaid eiccius tar idha 7 ailm ceinelo lugha andsin. Idhedh is he a fidh is moaum toraind dona V primfedhaiph. Ailm didiu cetlapra gach pi 7 iachtad gach mairp. Is sruithe ierum in dedi sin. No bethi-luis-nin ainm d’ aipgitir ind ogaim, ar is do is ainm aipgitri [2800] don ni doinsgain o ‘a’. Is airi itet beithe sech gach fidh, ar is and rosgripad ogum 7 is hi in roscripad indi ******* [bbbbbbb] .i. in beithe rosgripad do breith robaid do Lug mac Eithlend im dala a mna ‘na rugtha uad hi a sidhaip’ .i. VII mbethi a n-aonfleisg do beithi .i. ‘berthar [2805] do ben uait fo VII a sith no a bferandaip aile muna coimeta hi’. Bethi-luis-nion ainm aipgitri an ogaim, ar is o beithe doinsgain in ogum .i. in ogh uama, ar is de fuaigther go hog a n-irlapra. No ogum .i. og uaim a // bfoclaib cid anogh cugam a litribh. No occum .i. o [2810] Ogma mac Ealathan meic Dealphaith, ar is he rainig litri na Sgot cusna hanmandoiph filet forra aniugh, ut est in Britainia, id est, libro isto nomine uocatur uel in lingua 7 amal isber in leapar ogaim: Athair ogaim Ogma, mathair Ogaim lam no sgian [Ogma Eg.]. [2815]

(2,2) Fedha dano 7 fid, atat da gne for suidhe .i. fidh saorda 7 fid aiccenta.
Fidh saorda .i. fidh ind ogaim, fidh aiccenta .i. fidh na coilled. Fid saorda cetamus, atat da gne do bunadh occa. Fiod dano on breithir is fundis .i. fothoigim, uel a nomine fundamentum .i. fotha uel a funo, [2820] fograidim. Feda ierum iersinni is fotha foghair isin Gaidilc in guthaigi,

7 is coitcend d’fidh saorda 7 aigenta in bunad sin .i. fundamentum.

A indi immorro fidh fo fedh .i. maith a edh ag foghrugud.
Ingnad cid fodera na da bunad agin fid saorda 7 aonbunad icon bfid aiccenta. [2825] Ag phfidh saorda .i. funo 7 fundamentum?

Funo a dualgus fogair, fundamentum a dualgus fotha, 7 is coitcend doibh araon fotha.

A airpert immorro .i. eipert aire .i. (focul) is aitheanta indas fein fair .i. coill no doire forin bfidh intan is fid aigenta, litir immorro no guthaigi no [2830] consain fair intan is fidh saorda,

no go mad fotha a airpert iter saorda 7 aigenta. Coitchend dano a tapairt frie sloindedh saorda 7 aiccenta. (= 402/403)

Indles dono a tapairt for losaiph fedha intan is fidh aigenta, ut est int aitend no in fraoch 7rl. No a tapairt for [2835] legtachad no for fonialus intan is fid saorda et is techta in secht sin do iarraidh in gach focul Gaoidelce.

Cid fodera comad iar ‘q’ no ‘g’ no ‘st’ do beith nialsa for ‘u’ sech gach consoin? Ni ansa. Ar is blod do ‘q’ quidim ‘u’, ni hingnad cia mad solma tista di forsin nguthaigi iermo.

Ata dano do [2840] med fogair ‘s’ cona rathoigther fogaur ‘u’ ierum, ut Ogricus dixit: ‘s’ in principio uel ut sillabam sonat. Comacsi dano // luicc beime ‘g’ don guthaigi iermo no cid do ‘u’ fein no ar a cairdius fri ‘q’. Fid aiccenta immorro fidh na coilled .i. fo edh a airdi, no fo edh .i. teine i suidhiu ina inne, no [2845] fo a edh .i. a fosgadh no (fo) a suth .i. a torad a indi .i. is e sund a inne .i. fedha fo edh a aei, uair atat coic aoi and, ai ailius 7 aei canus 7 ai shaighius, aoi miodius, aoi suighius.

Ai ailius dano in gcein pis fora menmain, ai chanus .i. oga gapail, ai saigius .i. [2850] og cuincced a loige, aoi miodius .i. ima med no ima loiget, ai tsuigius .i. ier n-ioc a loigi.

Et (2,2) taopomna .i. taoph uaim na haoi .i. taob uaim a n-airchetal: aoi .i. onní is aoi [aio YBL], raidim,

no taobomna .i. do thaobaiph na n-oumna mor bit [.i. na fidh [2855] n-airechda bit Eg.],

no taob uaimnecha, no taob omna .i. toba damna iarsinni tophar damhna [na focul Eg.] eisibh.

Cid ara nd-epairt ‘taob uaim n-ai’ (= 2852) .i. taop uaim n-airchetail, ar bi ant airchetal a n-ecmhais na dtaophoumna.

Cid ara nd-epairt ‘do taobaiph na n-omna’ (= 2854) mor (bit), ar ní [2860] da taophaib na bfiod bit acht rempa no ina ndiaigh isna foclaib pit na taopoumna. ‘Toba damhna’ immorro, is he ruidhlius in focail.

Frecra do breithir [tug intan roraid: (2,1) ‘atat da erndail forsinn aipgitir


.i. frecra do aigenta om. Eg.] tug intan roraid: (2,2) ‘atat da ernail forsin [2865] mbethi-luis-nin an ogaim’.

Cuin is aonda in beithi-luis-nion? Ni ansa. Uile

Cuin is deda? .i. fedha et taophomna.

Cuin is treda? .i. fedha 7 forfedha 7 taopomna.

Cuin is cetharda? Ni ansa. Tri haicme na taopomna .i. ‘b, h, m’, 7 [2870] na cuig fedha airedha ind ogaim.

Cuin is coicti? .i. fedha 7 forfedha 7 taopomna .i. tri haicmi na dtaopomna, no co mad hed bud coicti and .i. seichimh nGreigda frisinni roraidius ** .i. ‘e’ fota 7 ‘o’ fota.

Cuin [is Eg.] // seda? .i. tri foilcesta in ogaim * * * [q, ng, sr], [2875] no comad hed pud seda and seichimh coicte in Gaoidil frisna V rannaiph ut est * * [ui ae].

Cuin is seachta? .i. teora fuillti ind Uraicepto .i. * * * [h forsail arnin]. No tri foilcesta in ogaim frisna se remaind .i. * * * [q, ng, sr].

‘H’ cetus: is ed fuillius [2880] ‘beth[e]’ conngaip greim ‘p’, amal isbeir in Laitneoir: ‘b’ cum aspiracione ante omnes uocaleis ponitur pro ‘p’ .i. remsamuigther ‘b’ co dtinfed ar ‘p’ conid fuilles ‘h’, ar is ‘p’ tinfed a nGaidilc. Dicunt aili co na bi ‘h’ araon re ‘b’ do lucc ‘p’, acht is ‘b’ a aonar bis ar ‘p’, ut dixit Priscianus: [2885] Ambo pro ampo, buxus pro puxus: ‘b’ inntib sin ar ‘p’ 7 ni ‘b’ co tinfed amail adberat araile.

‘Forsail’, is e in fuilled aile .i. dobeir cumang fedha forin son do fot .i. ‘srón’.


‘Airnin’, is e in tres fuilled oile. Bfail i recair a les da taobomna, gaibid airnin [2890] greim indara n-ai, ut est ‘cenn’ no ‘glounn’, ar ni bi emnad in ogaim. Is aire gaibius airnin greim indara taebomna.

Teora fuilcesta in ogaim, * * * [q, ng, sr] .i. In bfail a mbiad ‘coll’ ria ‘u’, is ‘q’ sgripthar and, amal ata [2895] * * * [q ui ng]. ‘Coll’ cetus ar ‘coll’ ndiuit ata.

Cech baile i mbiadh ‘nion’ re ‘ngort’, is ‘ngeto’l sgribthar and, ut est * * * * * [q e ng i d] occus * * * [ui ng e]. Gort cetus ar gort ndiuit ata.

Cech // bfaili i mbia ‘sail’ rie ‘tinne’, is ‘sdraiph’ is sgripta and, amal [2900] ata * * * [st a n]. ‘Sail’ cetus ar ‘sail’ ndiuit ata; ar is iat sin treidhi is coir do imcisin isinn ogam. Is aire is coir teora foillcesta na formcesta [is coir Eg.] and.

(2,3) di ernail dano forsna consonaib lasin Laitneoir .i. da firdegail



1   2   3   4   5   6   7   8   9   10


De database wordt beschermd door het auteursrecht ©opleid.info 2017
stuur bericht

    Hoofdpagina