M. P. J. [Rien] van den Brand, Aubadest



Dovnload 0.6 Mb.
Pagina12/15
Datum22.07.2016
Grootte0.6 Mb.
1   ...   7   8   9   10   11   12   13   14   15
Item Heyn van der Hege heeft gedickt ende gegraven aen den dijke ynder Marssen 1 dach, noch J dach aen staket by der Veerpoirten, Willem van Boegen eenen dach gedyckt aen die sluys. Item Heyn van der Hege gearbeit VIIJ dach, Goedken Brieffs IIIIJ dach, Arnt Voss IIIIJ dach, Derick van der Hege IIIJ dach, elken dach ad V kr.. Dese hebben gemaect VIII cribben aen den Maesdyke ende die thuyn aen die Maesdyke ende den tuyn aen der sluyse ende den thuyn aen die cleyn haven, dair men die eerde aver schoet ende den thuyn tusschen den taernen ende den thuyn aen der Sebartse spuelendick gegeven IX kr., van den thuyn ryss te vueren dair die thuyn aff syn gemaict valet simul III gul J st IIII st.

Summa lateris VIII gul XVII st. III oirtken.



Fol. 94 vo.

Item gecoft III c paeten, elck 1 c ad XIIII st.. Dese paeten syn geset buyten die Brugpoirt by Claesken Baven (?) ende aen die cleyn haven ende der ys wat geset aen den Maesdyck by Jacop Kyvoets aen beyden syden dess dykes ende hyr hebben sy aver geset XX daigen, der paeter syn geset V voeder ende ter Velp gehaelt, elck voeder voir voirloen IIII kr.,

Item Hermen Uden heeft in den groten water op ter sluysen geweest III nacht ende heeft daer hout ende stroe yn gedragen, want die eerde affgeloepen was, dair van gegeven VI vlemss.

Willem van Boegen hebben wy geseynt op ter sluysen yn den groten water dair van gegeven eenen vlemss.

Item gegeven Arnt Koenen want hy gedyckt had mitter karren IIJ dach aen der sluysen XII st. valet simul IIII gul X st.

Item betailt Arnt Koenen IIII st., dat hy den Raet van Ravensteyn vuerden,betailt Willem Wiltken III vlemss, dat hy onss quyt scalt, want wy aen oen verdingt hadden den Raet tot Nymegen te vueren, dair eenen halven dach na wachten op ter Maezen ende dat onss raet weyndich wairt.

Noch Heyn Peperkoeck betailt V st. om die poirt te Loen te haelen, want eenen nacht uyt was, noch Heyn Peperkoeck gegeven V vlemss van balken op te sleypen van der Maezen ende hij sleipten der twee weder om want se onss nyet nuw en waren.

Derick Keyser gegeven van III balken op te sleypen III vleems, gegeven Willem Sasse toe vollesten van der hueren eens peerds VII vlemss, want hij sengeden (?) tusschen der Stadt van Nymegn ende Grave om dat schepen will, valet simul I gul IIIJ st.

Item Henniken Doepper 1 kr. van den eymer uyt den putte te wynnen, gegeven Daen den Cuper van eenen badem yn eenen eymer te maken 1 kr., gegeven Jennisken Ponter (Poirter ?) enen vlemsschen van eenen schepe weder te haelen, dat onss ontfuert was.

Henrick Cuper eenen vlemss gegeven van die salpeter ton te bynden, gecoft XI libra loets voir V butken dair men bussche kloet aff maeckten gecoft II vymmen ryss van Johan van Wansem om die vymmen ad X st ende die op ter ryss, elke vymme ad XI st.

Item gecoft scoeff ende stroe dair men die Hage mit stopten ende den oeven mit heeft gedeckt enden den steen, want op ten oeven egheene bleken steen en was, want die alde boirgermeisteren die aff genomen hadden voir 1 rynss gul ende XXXVIIJ kr., ende den tychgelair van decken op ten Haechhuys III vlemss, gegeven den scepenen te oirkonde II vlemss doe die Boirgemeisteren dingeden mit Derick Knaepens om eenen scheepe der stadt toebehoerende ende Derick sacht dat hy dat schip den boirgermeisteren wail betaelen wolde. Valet IIII gul XIX st ende I oirtken.

Item betailt om Kuypen die in den thaern staen dair dat ombeslaegen kalck in steet II st. I oirtken. Item betailt Gerit die Cuper van kuypen te bynden III oirtken. Item den gastmeisteren aff gelendt had ad 1 gul. Item Aleyt Brieffs knaep ryss gehaelt ende gevuert by Willem Kemerlicx huys ende aen der haeven III vlemss.

Item gegeven III vlemsschen voir zelen die verbesig syn aen den bolwerck, noch betailt den alden boirgermeisteren, die sy vergeten hadden VII st. van Keyen ende noch II braspenning, die se Ude van Heck gegeven hebben van eenen dach te stoppen opt Raythuys. Valet I gul XVII st.

Summa lateris XII gul, X st. III oirtken.



Fol. 95 ro

Dits dat badeloen



Item doe die bade hyr was van her Aleph van Cleve, doe lach hy hyr eenen dach ende wachte nae een antwordt, den gegeven II vlemss.

Reynken van Mill heeft geweest eenen nacht tot Cranenborch dair van gegeven III st.

Den bade van Antwerpen tot Pinxten gegeven V st, noch van Baemiss V st.



Jan Goebbels heeft eenen brieff gadragen totten Amptman tusschen Maeze en Wale dair van gegeven V kr.

Gegeven den bade die die baetscap bracht dat myns heeren genaden die keze ende botter verworven had II vlemss

Johan Roeloffs eens gesant tot Nymegen om wess te vernemen, den gegeven II vlemss

Roelken syn soen geseynt tot Nymegen om die sceep will, den gegeven II st.

Noch Willem Janssoen oick tit Nymegen gesynt om der scheep will, dair gelege twee daigh ende eene nacht na een antwordt, daer aff gegeven IIII vlemssc.

Gegeven Sander doe hy tot myn heren genaden tot Straelen had geweest ende te Gelre, den gegeven VII st.

Noch denselven gegeven want hy dair was IIII off V daigen en wachtende nae een antwoirt V vlemss.



Den bade van Nymegen gegeven, doe hy die baetwscap bracht datmen den dach te Wichen halden solde, dair aff gegeven V vlemss

Gegeven Heynken Wellens doe hy tot Kuyck was ende seyde den van Nymegen hair gelade op II vlemss.

Gegeven den bade 1 st. die tot Loen was om die ponte hier te brengen.

Item den bade gegeven 1 st, die tot Loen was ende seyde mekeren dat hy Hermen Quaetjocx (?) guet nyet besetten en solde valet II gul IIII st IJ oirtken.
Item gegeven Jan Rosknecht 1 st dat hy eens tot Ravensteyn had gewest tot Joncker Herman van Baetenborch die selve noch eens geweest to Ravensteyn ende van Ravensteyn tot Uden, om den Rait by Joncker Hermen te comen III st.

Noch heeft Jan eens geweest tot Deventer en van Deventer tot Zutphen den Coepman van den salpeter, gevolcht, den gegeven X st.

Noch Jan eens gewest tot Nymegen om Gerits Kaelen soen, den gegeven II st.

Noch Jan een reyss geweest tot Nymegen omder schepen will ende snachts uytgewest, gegeven III st.

Noch eens tot Nymegen geweest om der selver schepen wil, gegeven III st., want hy eenen nacht uyt wa.

Noch eens gewest tot Nymegen, dat der stadt bade van Nymegen dess anderen daiges mit een wederquam, gegeven III st.

Noch een reyse geweest tot Willem Sassen ende snachts uytgewest III st.. Noch een reyss gewest tot Nymegen om dess daiges wil tot Nymegen te halden ende snachts uytgewest III st.,

Noch eens gewest tot Nymegen om Lambert Fferens ende Jan Doepper will ende II nacht uytgewest, gegeven IIII st..

Noch tot Beke geweest om Styn Lemmen will ende snachts uytgewest, gegeven III st.

Noch tot Herpen gewest om Coenraet Scherre will gegeven 1 st. valet simul II gul 1 st.

Summa lateris IIII gul V st IJ oirtken.


Fol. 95 vo

Dits dat leydack in desen jair

Item Willem Monnicx 1 roey leydack ende J vierdel

Derick Baden III roeyen

Henrick van Nederbroick III roeyen ende 1 vierdel leydaecx

Die bagynen V roeyen ende XXXVI voeten leydacx

Her Symon II roeyen leydacx aen den huys dair Mette Spaens yn woenet

Jacop van Aken I roeyende 1 vierdel pandakes ad VI st.
Summa dair aff VIII gul XII st. J oirtken.
Fol. 96 ro

Dits den onrait die die stadt jaerlcx gilt

Item in den yrsten op Paesschen den Scholtz, Boirgermeisteren, scepen enden den clerck elck 1 par hansen, elck pair hansen ad II vlems ende yn elck pair IIII quarten wyns, ellick quart ad II vlemss ende den bade 1 pair hansen ende II quarten wyns ende den weker 1 quart,valent XLVII quarten valet simul IIII gul XIIJ st.

Dess gelicx op Kerssmis den Scholtz, boirgermeisteren, scepenen ende clerck, bade ende weker valet IIII gul XIIJ st.

Den Scholtet gegeven oir synen tabbert III gul

Den clerck op Paesschen voir synen tabbert II gul

Roelof die bade voir syne tabbert II gul

Den busschen schieter voir synen tabbert II gul

JanRossknecht voir synen tabbert II gul

Jan van Lynden voir synen tabbert II gul

Jan Maessoen jairlicx op Kersmis II gouwen rynss gul valet II gul IIII st.

Item Hermen die Moeller op Paesschen ende Kersmis elck 1 gouwen gul valet II rynss gul valet II gul IIII st.

Jan van Gael op Paesschen VI malder, elck malder voir XVI st valet V gul 1 st.

Item Marcelis die VriezeVI malder ende een scepel, elck malder voir XXIII st. valet VII gul X st III oirtken

Den Capittel IIJ libra altz gelts ende sunte Barbaeren altair X l. altz gelts facit 1 gul XIIIIJ st. ende

Noch dattz verloept anen den gelde II st.

Den Heer van den lande voir synen banwyn XL libra payments valet VII gul XVII st.

Den alden schutten, doe sy schoeten, gegeven IIII gul



Den selven gegeven 1 vaet Delffs byer doe sy in hair harnes gingen ad 1 gul 1 st.

Item gegeven Sunte Barbaeren schutten doe sy schoeten III gul

Den selven oick geschenct 1 vaet byers gecoft tegen Peter Schoellen ad 1 gul 1 st.

Den Klocken steller gegeven V rynss gul

Den poirter in de Hampoirt II libra payment valet VIIJ st.

Den poirter in der Brugpoirten 1 libra payment valet III st. III oirtken

Den coester oick 1 libra payment valet III st. III oirtken

Item over der rekeninge te maken, verteert metten clerck IJ rynss gul

Den clerck gegeven voir ynckt ende pappier in desen jair J gulden

Item Loems Dericx die boirgermeister 1 malder ad XXIII st. valet I gul IIII st.

Den Canoniken gegeven van der schoelen II malder, dat malder ad XVI st. valet 1 gul XIII st.

Den selven gegeven IIJ libra payment valet IX st. IJ oirtken

Sweder van Zande Scholtz betailt XVI malder, dat malder ad XXII st. valet XVIII gul X st

In desen helen jair verbrant op ter ponten ende op ten Raithuys 1 C ende III libra kersen, der heeft gegouwen XXII libra, elck libra III kr., ende voirt die ander elck libra ad 1 st valent simul V gul X st III oirtken.

Summa lateris: XCIII rynss gul X st.


Fol. 96 vo

Summa summarum van allen uytgeven in desen jair beloipt tsamen IIII c XXXIIII gul IX st 1 oirtken


Soe dan dat opboeren van desen ajir tegen dat uytgeven aff geslagen, soe blyft die Stadt den voirs. boirgermeisteren I c XCV gul IIJ st.
Dit syn der stadt scepel: VIII scepel III vaet ende J vaet
Dit syn die gewichten in der waigen: III stucken, elck 1 C libra; noch II stucken, elck I libra; noch IIII yseren stucken, elck omtrynt 1 libra; I stuck van XXIII libra; I stuck XX libra; 1 stuck VIII libra; 1 stuck IIII libra;

Gecoft 1 stuck metalen gewicht van V libra, een van IIII, een van III libra, een van II libra, een van I libra, een van J libra, een van 1 verdel libra, een van J vierdel libra.


Dit syn der stadt busschen: in den yrsten XV loetbusschen, V steenbusschen ende IIII kamerbusschen, elck mit II kameren, een grote kamerbussch mit II nye kameren ende 1 bussche opten raderen yn die Hampoirt ende dess gelicx in die Brugpoirt ende VI metaelen busschen ende II busschen op die kar.
Item vyff houwelen
Item noch soelen die Boirgermeisteren den tychgelair geven 1 malder roggen by consent dess Raity meer dan sy gerekent hebben.
Fol. 97 ro + vo

blanco


Fol. 98 ro + vo

blanco
Fol. 99 ro + vo

blanco
Fol. 100 ro

Anno LX (1460)
Derick Roelofs ) boirgermeisteren

Gaert van Aken )


Fol. 100 vo

Blanco
Fol. 101 ro

Opboeren Derick Roeloffs ende Gaerts van Aken, boirgermeisteren tot Grave, aengaende in den jair van tsestich (1460) op ten Jairsdach, uytgaende in den jair van Eenendetsestich (1461) op ten selven dach. Dat libra gerekent ad VIIJ Gelressche meuwe ende die Gelressche meuwe ad XVII gr(oten) ende den rynsschen gulden ad XIX st.
In den yrsten van allen assisen in den helen jair

Den broede assys den slach dair aff Gerit van der Voirt ad XIIII libra, die selve gehoicht VI werff, elck hoechsel ad XII st, soe comt der stadt XVI lib. VIII s.

Den Caren assys den slach dair aff Lysbeth Ekers ad XXXVIII lib., die selve X werff, elck hoechsel ad XXX s, soe comt der stadt XLVIII lib

Den byeren assys den slach dair aff Jacop Dopper ad dordehalff ondert lib., die selve geh. XVI werff, elck hoechsel ad III lib., soe comt der stadt II c ende LXXXII lib.

Den verwer assys den slach dair aff Rutte Hoellen ad L lib., die selve geh. IIII werffs, elck hoechsel ad XXX s, soe comt der stadt LIIII lib.

Den wever assys, den slach dair aff Peter van Gelre ad XLV lib., die selve gehoecht drye werffs, elck hoechsel III lib., soe comt der stadt LI lib.

Den Cremer assys den slach dair aff Hermen van Hoevel ad XLIIII lib., die selve gehocht dry werff, noch Henrick Moerkens II werffs, elck hoechsel ad XXX s, soe comt der stadt XLIX lib.

Den holten assys, den slach dair aff Jan Claess ad XIII lib, die selve geh. VI werffs, Jan Maessoen 1 gehoecht, elck hoechsel IX s, soe comt der stadt XV lib II s

Den schoemeker assys den slach dair aff Heyn Buericx ad XX lib., die selve geh. VI werffs, elck hoechsel IX s., soe comt der stadt XXI lib XVI s.

Den vysscher assys den slach dair aff Heyn Paeds ad XX lib., die selve geh. VI werffs, elck hoechsel ad XVIII s, soe comt der stadt XXIII lib. XII s.

Den Wage assys den slach dair aff Jacop van Triest ad XXXVIII lib, die selve geh. III werffs, elck hoechsel XXX s, soe comt der stadt XLI lib

Den Vleishouwer assys den slach dair aff Philips Tap ad VIII lib., die selve gehoecht II werffs, Jan Doepper eens geh., elck hoechsel ad XVIII s., soe comt der stadt IX lib XVI s

Den Steenpacht assys den slach dair aff Roloff Byssenack (?) ad XVI lib, die selve geh. IX werffs, elck hoechsel ad XVIII s., soe comt der stadt XXI lib VIII s.

Den Keze ende lynen laken assysden slach dair aff Heyn Paeds ad VII lib, die selve geh. III werffs, elck hoechsel XII s, soe comt der stadt VIII lib IIII s.

Den fermentoyt assys, den slach dair aff Symon die Poirter ad L lib, die selve geh. XXI werffs, noch dry werffs, elck hoechsel XII s. soe comt der stadt LIX libXII s.

Summa lateris VII c libra ende XVIII s..


Fol. 101 vo

Op Paesschen ende Martini

In den yrsten op Paesschen geboirt van Bormans hoff I lib. XIIII s.

Item van Arnt Hacken hoff XVIII s IIII d.

Item van Bertolt Jegers thaern V s.

Item van den hoff aen den thaern II s

Item Heyn Wolffs huys op Martini IIII lib V s

Item van den Schoemeker spuel buyten der Brugpoirt II lib.

Item van Henricks van den Halterts thaern III s alts geltz valet IX s

Item Rut Hoellen huys aen der Brugpoirten 1 lib

Idem van den welliken by der watermoelen V lib

Item Jan Naeprincx uyter tychgelryen 1 lib. XII s

Item uyter Lemkerr Smoellers hoff II s

Item van Jan Quaeypaepen hoff X s

Item van den thaern after Derick Wautems II s IIII d

Item van Jacop Kyevoet uyter der gruenre stegen II lib

Item van Gaert van Elzen uyter eenen Camp by sunt Joefts berge X s

Item van Zeger van Merwick III s

Item van den straetken beneven Derick Wautems 1 grote payment valet 1 s II gr.

Item Jacop die Gruyter van der Hampoirten I lib

Item van Rut Huybkens ende Jan van Daernen 1 lib.

Item van Jacop die Gruyter van den thaern, dair die slypsteen in steet 1 lib.

Item die Baghinen van Heyn Ansems raemstat 1 lib.

Item van Gerit Spaen van den thaern 1 lib.

Item Zybert Maessoen vanden Veerpoirten 1 lib.
Item geboirt van Henrick Willems soin II cappuyn

Item van Willem Kemerlincx III cappuyn II hoenre


Summa lateris XXVI lib XIIII s V cappuyn II hoenre

Summa summarum van den ponden beloipt VII c ende XXVII lib ende XII s.valent simul aen gelde I c XLIII gul XIJ s.


Fol. 102 ro

Op Sunte Peters dach ad Cathedram van den raemen geboirt, den vlemsschen gulden gerekent ad ad XIII vlemsschen ende den vlemsschen voir II kr.


Item dit syn die Raemen aen der mueren, soe Johan van den Broick die verpacht heeft XII jair lanck.

Item Volpken IJ vlemsschen gul ende 1 oirt

Item Peter van Wel 1 gul

Item Hermen van Wamel 1 gul

Item Jacop Loeykens IJ gul 1 oirt

Item Jacop van den Hout III oirt

Summa van den ramen valet III rynss gul IIII st I oirtken
Item van den hoeft geboirt op Kersmis IIIJ rynssche gul

Item van Goessen van der Hege geboirt VI vaet roggen, die hij jairlicx gylt, dat malder ad XXVI vlemss st. valet die VI vaet valet XIIIJ s XIII gr.

Item van Henrick Willemssoin 1 blaeuwen gulden uyter den hoff beneven synen huys valet s XII st.

Item van Lysken van der Meer van den thaern in der mueren 1 blaeuwen gul valet XII st.

Item geboirt van VI vleisbenken van elken VI Gelressche meuwe valet XVIII st.

Item geboirt van XII beckeren van elken III Gelressche meuwe valet XVIII st.

Item geboirt van Frederick Steenbecker van der Leenkuylen mitter wech IJ lib payment valet V st IIJ oirtken
Item geboirt van der schoelen 1 gul
Item den wyn assys, den slach dair af Willem Monnicx ad XXXIIII voeder, die selve gehoecht II werffs, elck hoechsel ad 1 voeder ende dat voeder ad III Rynss gul, Soe comt der stadt I c gul ende VI gul
Item Jan van Holte gegeven te vollasten totten graft te vogen by die Spuelen III gul van XVIII st. valet II gul XVI st.

Item van den kerckmeisters geboirt II rynss gul te vollasten den heiligen aly te haelen ad XIX st, den guld valet II gul.

Item geboirt van den geswoerenen te vollasten totten hoeft II c ende VIIJ vlemss facit VIII gul IIIJ st.
Summa lateris I c ende XXX gul XVIII st.
Fol. 102 vo

Dit syn die boirgen in desen jair syn geworden:

In den yrsten Peter van den Holte Gerits sn )

Jan van Redickhaven in der Wanderinge geheiten Teesken ) elck II Reynaldus gulden simul VIII reynaldus

Peter Koester Yeskens man ) gulden.

Item Evert van Buige )


Dit syn die broken der stadt aengaende den vechtliken zaiken, elck I M (1000) steens gerekent ad 1 gul.

Item Luyken Scrivers soenen III M steens )

Derick Knaepenssn II M steens )

Noch die selve oir synen swager I M steens ) simul IX M steens

Item Rutte Huybkens I M steens )

Item Ryckens Noeyken II M steens )


Summa dair aff valet IX gulden
Item Gaedert van de Barnten (?) ende syn wederperthye waeen aengespraken van vechtliken zaiken ende waeren nyet voir commen te gerichte.
Item gebacken in desen jair eenen oeven steens, soe heeft den oeven in gehadt LXVII M (67.000) steens, dairvan te vormen gegeven van elken I m VIIJ st., valet simul XXVI gul IX st.

Soe hebben noch in den selven oeven geweest III M bleecksteens, die op ten oeven blyven staen, behalven den voirs. steen.


Dair van te bernen gegeven Johan van den Holte XXX gul X st.

Soe heeft dess voirscr. steens bleeck geweest III M, elck 1 M ad XIII st. gerekent, soe comt den boirgermeisteren XVIII st. van den wrack van den steen die hoen korten soelen.

Item elken I M steens gerekent voir 1 gul ende den bleken steen gerekent ad XIII st., als voirscr., soe beloipt den steen aen gelde LXVI gul 1 st.

Soe comt der stadt IX gul IJ st.


Summa lateris XXIIII gul VIIJ st.

Summa summarum van allen opboeren in desen jair beloipt tsamen aen gelde II c ende XCVIII (298) gulden ende XVIII st.


Fol. 103 ro

Uytgeven der bourgermeisteren voirs., den Rynsschen guld ad XIX st.


Item doe die Raet versat waert, verteert tot Aleyt Thyss LXIX (69) quarten wyns, die quart gerekent ad IIIJ kr. valet IIII gul XIIIIJ st.

Item doe die Boirgermeisteren rekende, verteert tor Loenis huys aen wyn, byer, broet ende anderen onraet LVIII quarten, elck quart ad II vlemss valet simul IIII gul XI st.

Item om eenen hamel gegeven Derick Gruyter XIIIJ st

Doe men die rekeninge besach, verteert tot Arnt Knapensoin XXXVI quarten, die quart ad IIIJ kr. valet II gul IX st I oirtken.



Item op ten Rathuys gedronken II reysen, dat men dat byer koeren solde ende noch II reysen op ten Rathuys geweest om heymliken rait tesamen verteert valet XIII st.

Item geschenct den deken van Zuytphen tot Jans van den Broick, want hy den Rait sacht die gelegentheit van den heiligen oly te verwerven VI quarten wyns, elke quart ad IIII kr., valet IX st.

Item noch geschenckt Willem Sasse tot Peter Schoellen, simul VIII st.

Want hij van den stadt wegen tot Luydick sold hebben gereden om den heiligen alij.

Item die Boirgermeisteren Derick Roeloff ende Jacop Doepper tot Oss geweest, doe sy den heiligen alij mede brochten, verteert dair ende weder, want sy her Jonathas, her Symon dair oick ontboede hadden, tsamen verteert 1 gul ende VI st.

Item die Scholtz & Boirgermeisteren Derick Roeloffs, Jacop Doepper ende Jan van Kranenvelt, Jan van Beerze, Rutger Hoellen tot XIII persoenen toe tot Oss geweest van den perlaten (=prelaten) van Luydick dair verscheiden, verteert dair ende weder valet II rynss gul XVII st.

Item her Symon gegeven van eenen Instrumenten valet XIIII st., daer hy ende her Gysbert om te Bossch waeren geweest.

Item Jacop van Triest gegeven van voirloen tot Oss VIIJ st.

Item dess gasthuys knaep geschenct want hij oick deels luden tot Oss gevuert had IJ st.

Summa lateris XIX gul X st I oirtken.


Fol. 103 vo

Item Derick Roeloffs die Boirgermeisteren mitten Raitzvrienden tot XII personen toe tot Bueren tot myns heren genaden geweest ende twee daige ende eenen nacht uytgeweest, verteert simul V gul III st.

Item op den selver reysen to voirloen gegeven II gul XVI st.



Item die Boirgermeisteren Derick Roeloffs, Jacop Doepper, Herman Bommel tot haire VI personen toe geweest tot Arnhem tot myns heeren genaden ende uytgeweest II nacht ende drye dage, verteert V gul XVII st.

Item ter selver reysen gegeven Jacop vanTriest van voirloen mitten vergelt ende mitter teringen van den peerden simul II gul VIII st.


Item doe bleeff Loenis Dericssoin ende Wolter van Wamel die alde boirgermeisteren t jair tachter nae uytwysinge haire rekeninge dat wy betailt hebben valet I c ende XCV gul III st.

Soe sy dan aen oen selve helden LIJ M (5.150) steens, dess een deel noch in den oeven stont ende nyet uytgesat en was, hebben sy II M steens myn gevonden dan die becker had gesacht soe en was dess steens nyet meer dan vyftichste halff dusent die hoen aen der voirgen. sommen aff geslaten is. Item dess voirg. Steens is III M steens bleek steens gewest, dair den voirgen. boirgermeisteren aff comt III oirt gul ende noch I M steens, die die boirgermeisteren gerekent hadden ende Jan Berbier by consent dess ghemeynen Raitz verlaten wairt, dess soelen sy korten VII st., soe dan die II M die die boirgermeisteren nyet en vonden op ten oeven ende dat I M dat Jan Berbier verlaten, want ende den wrack van den bleken steen affgeslagen ende die VII st. weder omme opgeslaigen, soe beloipt die somme die wy alden boirgermeisteren betaalt hebben simul I c XLVII gul, 1 oirtken st.


1   ...   7   8   9   10   11   12   13   14   15


De database wordt beschermd door het auteursrecht ©opleid.info 2017
stuur bericht

    Hoofdpagina