M. P. J. [Rien] van den Brand, Aubadest



Dovnload 0.6 Mb.
Pagina5/15
Datum22.07.2016
Grootte0.6 Mb.
1   2   3   4   5   6   7   8   9   ...   15

Item doen vueren dese LXV steens vurscr., elc dusent te vueren V stuver 1 ortken valent similer XVIII ryns gulden VI kr. I ortken

Item soe is den vurscr. Kalc gebesingt ende vermetselt tot desen vurscr. steen.

Item hier toe gebesingt aen sant gevoirt in der stadt al om dair men dat kalck voirt myt maickten XC karren sands ad I kr., die selff gevoirt, den vurscr. kalck al om in der stadt dair den vurs. Steen vermetselt is als LXI mud ende XVII mud kalx, elc mud gecost te vueren 1 vleems valet similer IIII ryns gulden XLIII kr. I ortken.

Item op ten Raythuys verbarnt IJ vym ryss, die vym VII stuver valet similer XXVIII kr.

Item Jan Stout gevoirt twynryss, den selven gegeven v vleems valet X kr.

Item gecofft tegen Heyn Vaeck IJ mud beslagen kalcx valet XXX kr.

Summa lateris C LVI ryns gulden VIJ kr.


Fol. 32 r.

Item Arnt Koenen den rait gevoirt tot Herpen, gegeven X kr.

Item verteert XI stuver ende enen bay gesant totten drossaet, gegeven II kr. valet XXXI kr. I ortken

Item om enen haecksteen gegeven IIII kr., noch Herman Screynemeker XI bussen in holt geleet, van elken gegeven II stuver, noch III bussen geverwet, dair aff gegeven II stuver. Noch Jan Ekers myt sy ander enen dach gegraven ad V kr., noch den kuper van kalck kuypen ende emer te bynden III braspenningen, noch den hoefsmyt van nagelen gegeven XIJ kr., noch Jan Ekers tot Nijmegen gesendt aen der stadt ende aldair gelegen II dage, den gegeven VI stuver, noch die selff tarnhem [Arnhem] geweest tot myns heren genade, dair enen dach gelegen, gegeven VI stuver, die selff tot Uden geweest, gegeven IIII kr., die self tot Kuyc geweest totten steenbecker gegeven II kr., noch III pont loets gecoft ad J stuver, noch opt Raythuys die gelaess te stoppen ende te vermaken VIII stuver, noch twee holter gesneden op die haaven dair van te snyden, gegeven XXVIII kr., die selff verbesingt aen der Veerpoiten totten busgaeteren ende oic anders noch gecofft een ton, dair mmmen water in haelden den metselers costen VI kr., noch een kalck kuyp II kr., noch een schoep [=spade/schop] verbesingt aent Hermans huyss, gecoft II kr., noch aldair gecofft en gebesingt enen emer V kr. valet similer IIII ryns gulden III kr.

Item geschinckt mynen joncker van Groesbeeck van beveel des Raids XII qurten wyns ad IIIJ kr., doe oen myns heren genade hier seynden om bestant tusschen den Kuyckschen ende onss, noch geschinckt Deric van der Horst ende den marschalck, doe myns heren genade oen hier seynden van den dachveerder, woe die vergangen were tusschen myne here ende den lande ende den L\Kuyckschen XV quarten wijns ad IIIJ kr. valet similer IIII ryns gulden IX kr.

Item die Burgermeysteren geweest tarnhem [Arnhem] opter dachvairt selff vyerder myt IIII peerden aldair geweest, uyt ende in IIII dage verteert V ryns gulden XLV kr.

Item van elken peert te hueren gegeven IIII vleems valet similer II ryns gulden XXVII kr. III ortken.

Item Jan van Hynden ende Jan syn knaep getymmert aen der Veerpoirten, elc X dage ad VIII kr., noch die selff aen die brugge buyten die Hampoirt, elc VIII dage, noch die selff die Spueldoir ende vormtaefell, elc II dage, noch van Jan van Hynden totter roester gebesingt een holt, costen II braspenning, noch Heyn Speckman gegraven aen den Veerpoirten II dage, Heyn van Kuyc V dage, Godken IIII dage, Maes Wryters II dage ad V kr. valet similer VII ryns gulden XXXVII kr.

Item aen der Veerpoirten gecofft tegen Jan Maessoen IIJ virdel balkoen, noch twe balken, die dair noch staen, noch enen balck gebesingt in die Hampoirt, noch enen groten balck dair men die brugge aff sney in die Hampoirt, noch Boltken en ander holt aen dat bolwerck gebesingt ende voirt steygerholter on twe gesneden ende in die busgaeter geleet ende II holter, die noch staenaen den nyen pylre bij den Herman, noch planck daer die vormtaefel aff gemaict is ende voirt alomme gebesingt, gecost tsamen XIIII ryns gulden XXVI kr. III ortken.

Item noch gecofft een holt dair die die loen aff gemaict is buyten der Hampoirte ende twe balkoen onder der bruggen valet similer XXIIIJ kr.

Summa lateris XL Ryns gulden XI kr.
Fol. 32 v.

Item twe holter gecofft tegen Scheelberch, costen II ryns gulden, die selff mit twe wagenen gehailt, elck XI kr., noch geschinckt den gesellen di et holpen laden IIII kr., van desen holt te snijden ende van den balck totten plancken XXXVI kr., noch een komplanck gecofft voir V stuver, dair men die doir aff maickten, noch twe plancken van den selven ad V stuver, dair men die spongen aff maickten van der doeren, ende voirt dat aen der bruggen ontbrack, noch houre drye, twe dage ghedyckt den dyck ende die haven doe men daer metsten [metselde] ad V kr., noch hoirre twe gegeven elken IIII stuver van den hermen [?] te vegen, noch hoirre vyer gegraven dat grondwerck onder dair men de pylre wan, ende voirt beneven der mueren elc enen dach ad V kr., noch Heyn van Kuyck, Arnt Vos, Arnt Coppen, ellick gedyckt enen dach ad V kr., noch om plancken dair men die boghe op sloech VII stuver valet similer VI ryns gulden VI kr III ortken.

Item Heyn Peperkoyck gesleypt twe uytdreger van den haven totter Veerpoirt, gegeven V kr.

Item die selff die buss gevoirt uyt der gasthuys aen die Veerpoirt, gegeven III kr.

Item Arnt Koenen van den Veerpoirten twe balken gesleypt aen die Hampoirt, gegeven V kr.

Item den smyt Jan Dericxsoen een spill gesweeert LXXXII lib. dair off gegeven IIJ ryns gulden, noch een veter aen den put ny gemaickt, woech XLII lib., costen XXIIII braspenning, dair aen wederom gegeven, die alde veter gecort IIII braspenning, noch aen die Brugpoirt aen den thorn die kram, ende voirt aen die Veerpoirt gehenge ende bande, beloept aen ponden III ryns gulden, noch dobbel scherpelinge totter bolwerck ende ander scherpelinge ende voirt totter bruggen ende totter doeren ende totter steygeringe ende voirt alomme alrehant nagel bynnen desen jair valet similer XIII ryns gulden XXI kr. I ortken


Item den sloitmeker gemaict dat slot aen den thorn buyten die Brugpoirt, noch een slot vermaickt aen die Hampoirt, noch een knuyster aen die Brugpoirt ende een sloet op ter hoegen thorn ende een slot myt twe sloetelen aen die Zebrechsche poirt, ende voirt alomme slotelen dair van gegeven tsamen LXX kr. valet similer 1 ryns gulden XIX kr I ortken.

Item noch meyster Gerit gegeven van sess metaelen bussen te bynden XXVI kr.

Item soe wes hij dair meede aen verdient heefft dat heefft hij der stadt geschinckt overmits den tabbert die hoen die stadt gegeven heefft.

Summa lateris XXI ryns gulden XXVJ kr.


Fol. 33 r.

Leydaeck in desen jair.

Item Sweer van der Zande X roede 1 verdel

Item Jan Holl V roede X voet

Item Gairt van Lent II roede IJ virdel

Item Rutger van Doirnen III roede

Item Jan Maessoen II roede IIIJ verdel

Item Willen die Haeze IIII roede III verdel

Item Arnt van Tefelen III verdel van eenre roede

Similer XXIX roeden X voit leydaeckx valet similer XXI ryns gulden XXJ kr.


Item Coman Henric aff geleent den selven betailt VI c steens ende III mud kalx, dat mud XVIII kr. beslagen kalx te vueren, gegeven VIII kr. valet similer 1 ryns gulden XLI kr.
Summa lateris XXIII rynsgulden X kr III ortken.
Fol. 33 v.

Dit is den Onrait die die stadt jairlix gilt.

Item in den irsten op Paesschen den scoltz, den scepenen, den burgermeysteren ende de klerc elck gegeven 1 pair hanzen ad IIII kr, en in elck pair IIII quarten wijns ad IIIJ kr. ende den bay 1 pair hanzen ende II quarten ende den weker 1 uart valet similer IIII ryns gulden X kr.

Item des gelickx den selven gegeven op Kersmis ende elck qrt wijns IIII kr. valet similer IIII ryns gulden XXXIIIJ kr.

Item den scoltz op Paesschen voir sijnen tabbert III ryns gulden

Item den klerc op Paesschen voir sijnen tabbert II ryns gulden

Item den bay op Paesschen voir sijnen tabbert II ‘

Item den boechmeker voir sijnen tabbert II ‘

Item Jan van Hynden voir sijnen tabbert II “

Item Gerit Sloitmeker voir sijnen tabbert II ryns gulden

Item Jan Maessn op Kersmis jairlix II ‘

Item Jan van Gael VI malder roggen jairlix, elc malder ad XXXI kr. valet similer III “

Item den gasthys jairlix 1 malder roggen valet XXXII kr.

Item den capittel IIJ libra alds gelds ende sunte Barbaeren altair X s a geltz valet similer I ryns gulden XXXIX kr. I ortken

Item den heer voir synen banwyn XL lib payment valet VIII ryns gulden

Item den alden scutten, doe sy schoeten IIII rh. ‘

Item den selven geschinckt doe sy int haernis gingen een vait Delfs bier I ryns gulden IIJ kr.

Item Sunte Barbaeren schutten, doe sy schoeten III ryns gulden

Item den selven gescinckt doe sy int harnis gingen een vait Delfs bier valet similer I ryns gulden, IIJ kr.

Item Gysbert die Wrey I C lib. payment valet similer XX ryns gulden XX kr.

Item verbarnt op ter poirten in desen jair XCV lib. keersen ad IIJ kr. valet similer IIII ryns gulden XXXIIII kr. III ortken

Item Jacop Ven gegeven VI malder 1 scepel roggen uyter tygelryen ad XXXIII kr. valet similer III ryns gulden XLVIII kr.

Item den poirter aen die Hampoirt II lib payment valet XX kr.

Item den poirter aen die Brugpoirt I lib payment valet X kr.

Item den Coster I libra payment valet X kr.

Item omme die rekeninge te maeken mitten klerck verteert IJ ryns gulden

Item den klerc gegeven voir inckt ende pappier in desen jair J ryns gulden

Item gegeven Lonys Dericxs van den schoelen 1 malder roggen valet XXXIII kr.

Item gegeven den Canoniken van der schoelen jairlix II malder rogge jairlix ad XXXIII kr. valet similer I ryns gulden XVII kr., I ortken

Item noch den selven gegeven van der schoelen IIJ libra payment valet XXV kr.

Summa lateris LXV ryns gulden XLVIII kr. III ortken.
Summa summarum van allen uytgeven in desen jair beloipt te samen CCC XCII [392] ryns gulden XXXVI kromstert.
Item dat opboeren ende dat uytgeven dat een tegen den anderen affgeslagen, soe blyven wy Burgermeysteren vurscr. sculdich der stadt II Ryns gulden XXVIII kr. III ortken.
Fol. 34 r.

Item soe hebben wij gecofft bij beveel des Raids tegen enen man van namen IIJ M [2500] kloet nae inhalt der cedulen dair op gemaict, die wy betalen sullen off die burgermeysteren willen off sy moegen se selff betaelen, dair wy Burgermeysteren op verleet hebben XXIX kr., dair sy kloet nae gheven sullen nae beloep des coeps.


Item dit syn der stat maten als VIII scepel III vait J vait.
Item dit syn die gewychten in der wagen III stucken, elc hondert lib. [=pond] ende II stucken, elc L lib.,

Een stuck XXIIII lib, een stuck XX lib., een stuck VIII lib, een stuck IIII lib, een stuck III lib, een stuck II lib, een stuck I lib, een stuck J [½] lib., een stuck 1 verdel pont.


Item dit syn der stadtbussen.

Item in den irsten XV loitbussen ende V steenbussen ende IIII camerbussen, elc mit twe cameren ende een camerbussche, die onss heren genade der stadt gegeven heefft sonder camer ende een busch op raeder in die Hampoirt ende een bussch op raeder in die Brugpoirt, noch VI metalen bussen ende V loitbussn\en ende VI houwelen.


[21-12-1452]

Wij Wolter van Wamel ende Jan Naperinck burgermeysteren in der tyt tot Grave hebben uytgegeven ende verpacht bij beveel ende consent der scepenen ende de gemeynen geswoerenen, Mechtelt Jacop Spaens echte wijff wilner was, ende Nyclaes hoeren soen ende hoeren erven den thorn in der stadt mueren metten erve dair voir gelegen der stadt toebehoerende affter hoeren hoff ende erffnys gelegen erfflic ende alle jair voir een pont pay[ment] tsiaers, mit vorwerden dat sy den thorn vurscr. cappen tymmeren, en myt leyen decken sullen,

Ende dair enen gueden sulre in maken sullen ende den vurscr. thorn orbere besingen bruycken ende dair myt doen sullen gelyck offt hoirs selffs eygen guet weeren.

Ten weer sayck dat die stadt den vurscr. thorn behoerende weer hz {?} weder van oirloge, belech off ettige ander noitsayck, dat de vuurscr. thorn der stadt toe dienen moecht, soe sold die stadt den vurscr. thorn besengen {?} ende bruyken tot hoeren schoenste. Alsoe lagen ende tertijt toe, dat die bede, oirloge, belech off ander noitsaijken gedaen weijen en dan soe sold Mechtelt ende Claes vursc. ende hoir erven den vurscr. thorn altyt wederom aen nemen ende oirberen, gelyc vurscr. steet ende allet sonder argelist. In oirkonde der wairheit soe hebben wij Wouter van Wamel ende Jacob van Tegelen, Burgermeysteren ende scepen in der tyt tot Grave van beveel ende consent des gemeynen Raids vurscr, onse segelen aen desen apenen brieff gehangen. Gegeven int jair dusent vyerhondert tweendevyfftich op sunte Thomaes dach apli.


Fol. 34 v.

Blanco
Fol. 35 r.

Anno LIIII [1454]

Jan van Cranenvelt

Gerit die Kael, Burgermeisteren
Fol. 35 v.

Blanco
Fol. 36 r.



Opboeren Jans van Kranenvelt ende Gerit die Cael, burgermeysteren in der tyt tot Grave aengaende in den jair van vyerendevyfftigen op ten Jairsdach, uitgaende in den jair van LV op ten selven dach. Dat lib. [pond] gerekent voir VIJ Gelressche meuwen ende die Gelressche meuwe voir XVII gr[oten] ende den Ryns gulden gerekent voir XIX stuver.
Item in den irsten van allen assysen van den heelen jair. In desen jair verpacht:

Item den broede assizen den slach dair aff Jan Dopper voir XV libra, die selff geh[oecht] twe werff ad XII s, soe coemt der stadt XV lib XVI s

Item den Caren ass. , Jan Ekers L lib, geh[oecht] VII werff ad XXX s., soe coemt der stat LVII lib.

Item den byer ass, Rut die Brouwer voir III c XXIX lib. geh[oecht] X werff ad III lib., soe coemt der stadt III c XLIX lib.

Item den verwer ass., Werner van der Beld LXXXVIII lib. gehoecht VI werff ad XXX s, soe coemt der stadt XCIIII lib.

Item den cremer ass, Peter van Gelre LI lib geltz, geh[oecht] IIII werff ad XXX lib., soe coemt der stadt LV lib.

Item den holten ass. Henric die Cael XXIX lib., geh[oecht] III werff ad IX s., soe coemt der stadt XXIX lib. XVIII s

Item den schomeker ass., Heyn Denys XXIIII lib, geh[oecht] VI werff ad IX s, soe coemt der stadt XXV lib. XVI s.

Item den vysscher ass. Peter van Gelre XXXI lib, geh[oecht] XII werff ad XVIII s, soe coemt der stadt XXXVIII lib. IIII s.

Item den vleyshouwer ass. Jan Dopper X lib, geh[oecht] VI werff ad XVIII s., soe coemt der stadt XIII lib XII s.

Item den wage ass. Jacop Reyleyer LIII lib. geh[oecht] V werff ad XXX s, soe coemt der stadt LVIII lib

Item den steenpacht ass. Roloff Vyssenack voir XVIII lib. geh[oecht] III werff ad XII s. soe coemt der stadt XIX lib. IIII s.

Item den kezen ende lynen laeken ass. Roloff Vyssenack III lib, geh[oecht] III werff ad XII s, soe coemt der stadt IIII lib. IIII s.

Item den farmentoyt ass. Jan Ekers LI lib, geh[oecht] XIII werff ad XII s., soe coemt der stadt LVI lib IIII s.


Summa lateris VIII c LXXXVII lib. II s. pay[ment].
Fol. 36 v.

Op Paesschen ende Martini

Item op Paesschen geboirt van Bormans hoff 1 lib XIIII s.

Item van enen hoff in de Stoven Arnt Hack XVIII s IIII d(enier)

Item Bertolt Yegers thorn V s

Item van den hoff aen den thorn II s

Item Willem Snavels huysinge op (Sint) Merten IIII lib V s

Item van den Schoemekers spuel buyten die Brugpoirt I lib.

Item van Henricx Thorn van den Hautert III s alts geltz valet X s

Item Rut Hollen huyss aen die Brugpoirt 1 lib

Item Jan Naperinx uyter thyghelryen 1 lib. XII s

Item Lemken die Moller van synen hof buyten die Hampoirt II s

Item van Jan Quaypaepen hoff X s

Item van den thorn affter Deric Wautemssz. II s IIII d

Item van Jacop Kyevoet van den gruenre stegen II lib

Item Peter van Wychen van enen Camp by sunte Judocus berch X s

Item Seger van Merwyck van Schaepkens hoff III s

Item van den straitken beneven Deric Wautems enen grote payment valet 1 s IIII d

Item Jacop die Gruyter van den Hampoirte I lib

Item Rut Huybkens van den hoff buyten die Hampoirt I lib

Item Peter Scheers mit synen gesellen van den utersten thorn van den Hampoirt 1 lib

Item Claes Spaen ende Mechtelt syn moeder van den thorn 1 lib

Item die bagynen van Heyn Ansems raemstat 1 lib. pay[ment]

Item geboirt van Rut Hollen van den welliken by der watermoelen V lib

Item geboirt van Jan Coeberch uyter synen huyss II capp[uin]

Item van Jan van Hynden van den huys bij der wyel bij den pottener III capp.
Summa lateris XXV lib V, XV s. payment V cappuyn

Summa summarum van den ponden beloept te samen IX c XII lib XVI1 s payment, valent similer C LXXVIII ryns gulden IX kr.


{Noot: Twee hier ingenaaide blaadjes nog niet getranscribeerd!}
Fol. 37 r.

Op sunte Peters dach ad Cathedram van den Ramen geboirt ende der vlemschen gerekent voir II kr. ende XIII vleems voir enen gulden.


Item dit syn die Ramen aen die mueren:

Item Aleyt Thyss IJ gulden

Item Herman van Wamel III gulden III ort

Item Wolter van Wamel ende Peter Bauwels IIJ vleems gulden

Item God(ert) van Aken II vleems gulden

Item Jacop van den Hout IIJ vleems gulden

Summa van den ramen beloipt te samen XII vleems gulden 1 ort valent similer VI ryns gulden XIIIIJ kr.
Item op Paesschen van den hoeffd geboirt IIII ryns gulden III oirt

Item Goessen van der Hege VI vait roggen tsiaerss dat malder XXXVIII kr. valet similer XXIX kr.

Item Jan Coeberch enen blauwen gulden uyter den hoff beneven syn huys valet XXXII kr.

Item Deric van der Meer uyter den thorn in der mueren enen blauwen gulden valet XXXII kr.

Item van acht vleysbenck, elc ad VI Gelressche meuwen valet similer I ryns gulden I rh. guld XIII kr. I ortken

Item geboirt van XIII beckeren van elken III Gelressche meuwen valet 1 ryns gulden I kr. I ortken


Item van den schoelmeyster geboirt I ryns gulden
Item den slach van den wyn ass. Jacop Dopper XXVIII voeder ad III ryns gulden, geh[hoecht] VI werff ad een voeder, soe coemt der stadt XCVI [96] ryns gulden

Summa lateris C XII ryns gulden VIIJ kr.


Fol. 37 v.

Dit syn die in desen jair poirters worden syn.

Item Wouter van Beeck

Item meyster Deric van der Merck tymmerman

Item Thonys Dericxsoen

Item Gerit Janssn

Item Arnt van Uden

Van elken geboirt II Reynaldus gulden valet similer VII ryns gulden XIX kr.
Item Thys van Rueremunde is burger worden ende die Cancelry al quyt gebeden.
Dit syn die broeken der stadt aengaende van vechtlyke sayke.

Item Willem Kemerlinc V M

Item Jacop van Hout IIII M

Item een knecht van Uden II M

Item Jan van Kessel I M

Item Jan Hoefsmyt I M

Item Claes Screynemeker I M

Item Jans soen van Loen II M

Item Arnt Coppen I M

Item Eerken die Keymster I M

Item Lysbetz Vuystkens sn I M

Similer XIX M steens valet XIX ryns gulden


Item gebacken twe oven steens, den enen helt LXIX M [69.000] ende den anderen oven helt LXIII m ende I c [63.100] steens. Soe beloipt der stadt steen tsamen I C XXXII M ende I C steens [132.100]. Van desen vurscr. steen die kirck aff geleent I M. steens te decksteen noch enen man van Eesscheren gegeven III c steens, om over syn lant te varen, noch I M steens die verbarnt was tot stucken, desen steen vurscr. aff getoegen, soe blyfft der stadt I c XXIX m VIII c [129.800] steen. Des is buyten vercofft XXXV m steen ad XXV stuver ende den anderen voirt vercofft ad 1 ryns gulden ende dair aff den steenbecker gegeven van elken dusent te vormen XXVI kr. ende II ryns gulden te vollusten horre weyen, noch om stroe soe Jan Reyleyer ende Arnt Koenen tsamen op beyden oven gecoft 1 ryns gulden XXVJ kr., noch gegeven van den yrsten oven te borren Arnt van Scheelberch XXIIIIJ ryns gulden ende van den anderen oven te borren, gegeven van dairnen XXIIIIJ ryns gulden. Soe beloipt te samen den vurscr. onrait I c XX ryns gulden XIIII kr. Soe is dat opboeren tegen dat uytgeven aff geslagen. Soe oevert der stadt XIX ryns gulden XXX kr.

Summa lateris XLV ryns gulden XLIX kr.


Fol. 38 r.

Summa summarum van allen opboeren in desen jair beloipt te samen CCC XXXVI ryns gulden XIII kr. III ortken.


Item Marselis die Vriess heet ghepacht die Lemcuylen metten wech neghen jar lanck, alle jaer daer voer te betalen IJ lib. paeymentz. Beheltlic onsen borgeren daer leem te mogen halen. Hier aff is die taeldach nu sente Marten naest comende ende soe voert alle jaer.
Fol. 38 v

Blanco
Fol. 39 r.

Uytgeven den burgermeysteren vurscr., den ryns gulden gerekent ad XIX stuver.

Item doe men die Rait versat tot Jans van den Broick, verteert XCI quarten wyns ad IIII kr. valet similer VII ryns gulden X kr.

Item doe die burgermeysteren rekenden tot Jans van den Broick verteert XXXVII quarten ende tot Derix van den Cluyten XXXV quarten ad IIII kr. valet similer V ryns gulden XXXIIII kr III ortken.

Item doe die rekenschap besyen wairt tot Jans van den Broick verdroncken XLVII quarten wyns ad IIII kr. valet similer III ryns gulden XXXVI kr.

Item myns heren genade geschynckt een gelaich by beveel des Raids tot Jans van den Broick XCVII wyns ad IIII kr. valet similer VII ryns gulden XXXIII kr. I ortken

Item op te Vastelavont die stadt gegolden een gelaich geschinckt den burgeren by beveel des Raids LX quarten wijns ad IIII kr. valet similer IIII ryns gulden XXXVIIJ kr.

Item doe die Rait op gheen huyss was by myns henren genade tegen Henric Baten te dage doe verteert die gantze rait XLV quarten ad IIII kr. valet similer III ryns gulden XXVIII kr.

Item den Kemerlinc in den haige geschinckt by beveel des Raids XXVI quarten wyns ad IIII kr. valet similer II ryns gulden II kr I ortken.

Item Arnt Konen gevoirt een deyl Raytslude op ter Graspeel, den gegeven VIII kr.

Item doe die Rait weder quam verteert XVI quarten wijns ad IIII kr. valet similer I ryns gulden XIII kr. I ortken.

Item den Koekenst…ver [?] geschinckt by beveel des Raids XIII quarten wijns ad IIII kr. valetsimiler I ryns gulden I kr., I ortken.

Item Arnt Koenen, Goesen van der Hege ende Jan die Wael gevoirt onss Raitsheren op ter Graspeel mijt III wagen ter laitster dachfart tegen die van Uden, verteert tot Lamberts XVI kr.

Item ten selven mael in de weder coemst myns heren gen. Raidegeschynckt tot Jans van den Broick horre VIII gelaige, elc V kr. valet XL kr.

Item twe Raidsheren tot Arnhem geweest tot myns heren genade om Cornelis wyl III dage mijt II perden, vberteert uyt ende in, II ryns gulden VI kr ende ellic pert sdagh III stuver valet similer III ryns gulden IIIJ kr.

Item noch III Raitsheren geweest tot Arnhem tot myns heren genade VI daige myt III perden, dair verteert VI ryns gulden XVI kr. ende ellic pert sdag te hueren III stuver valet similer IX ryns gulden VIII kr.

Item noch III raitsheren geweest tot Arnhem myt III perden, verteert uyt ende in II ryns gulden XL kr. ende elc pert III stuver sdag valet similer IIII ryns gulden XJ kr.

Item Arnt Gairts geschinckt by beveel des Rayds VIIIquarten wyns valet XXXII kr.

Summa lateris LV ryns gulden IX kr., III ortken.


Fol. 39 v.

Item III Raitsheren tot Arnhem geweest tot myns heren genade, aldair geweest III nacht, IIII dage, verteert uyt en in III rh.gulden, XVI kr., die selff gehadt III perden, elc pert sdagh III stuver valet similer 6 ryns gulden XJ kr.

Item noch twe Raitsheren geweest tArnhem tot myns heren genade II dage, verteert uyt en in XXIX st., die selff gehadt II perden, III stuver valet similer II ryns gulden VIII kr.



1   2   3   4   5   6   7   8   9   ...   15


De database wordt beschermd door het auteursrecht ©opleid.info 2017
stuur bericht

    Hoofdpagina