M. P. J. [Rien] van den Brand, Aubadest



Dovnload 0.6 Mb.
Pagina9/15
Datum22.07.2016
Grootte0.6 Mb.
1   ...   5   6   7   8   9   10   11   12   ...   15

Item noch Reynken gesant tot Henric Snavel tot Ravensteyn om die van Herpen te helpen dyken op ten Ham, hem gegeven 1 stuver.

Noch Reynken gesant tot Arnhem tot myns heren gnaden, want onss die stadt van Nymegen gescreven had ter dachvaert aldair te comen dess manendaiges post Bartholomeus, hem gegeven IIII stuver.

Item Reynken gesant tot Nymegen mit eenre antworden aen der vurscr. stadt doe Herman vanWamel ende Jan van den Broick aldair gewaest hadden, want die van Nymegen doe bystant begeerden aen onser stadt, doe die Burgonse op Veluen lagen, hem gegeven II stuver.
Summa II Rynssche gul ende III kr.
Item Herman van Wamel ende Jan van den Broick waeren gereden tot Nymegen mit twee peerden want myns heren gnaden onss dair screeff doe die vanUden aldair waeren ende oick om der Kuyckscher zaken wil, uytgeweest enen nacht verteert XLVIII kr.

Item gegeven van den twee peerden te hueren VI stuver.

Item Herman van Wamel ende Jan van den Broick waeren gevaeren ter Nymegen op Derck Beerkens wagen, want onss die Stadt van Nymegen gescrven had om bystant te doen do die Burgoensse op Velue lagen, uytgeweest enen dach vertert XXV kr.

Item Derick Beerkens gegeven ten selven mael dair en weder om hyer te vueren XXV kr.

Item Derick Roloffs soen ende Jan van Beerss waeren gevaeren tot Marienweerde aldair te besien off sy enige brieve hedden onser stadt dienende aen den Graspedel, uytgeweest drye dage, verteert mitten wagen man XXVIII stuver.

Item ten selven mael van den wagen man gegeven XV stuver.


Summa IIII Rynss gul. XXVI kr.

Summa lateris VI Rynssche gul XXIX kr.


Fol. 60 ro.

Dit is dat uitgeven van den Maeze dyck.



Item In den iersten Heyn van Kuxck ghearbeyt op tem Maesdyck gedyct, getuynt ende gecribt VII dagen, elken dac ad V kr., noch dess gelicx Derick van der Hege oick VII dage.

Item Arnt Koenen enen dach gearbeit mit eenre karren op die sluyse te Velp, ad VI vlemss sdages.

Item Heynken Wellens heeft gedyct mit synre karren op ter Maezdyck ende aen den sluysen twee dagen, elcx dages V stuver.

Item Heyn van Kuyck, Derick van der Hege ende Jacop Kyevoet, elck enen dach die karren helpen laden, elck gegeven sdagens V kr.

Item Arnt Koenen gegeven voir twee willigen, twee vlemss ende die vertuijnt aen die Velpse sluse.

Item noch Derick van der Hege ghearbeyt op ten Blyenberch aen die geboeken muere anderhalven dach, dess dages V kr..

Noch Derick van der Hege getuynt op te Ham ende aen dat hoeft twe dagen, elcx dages V kr.

Item gegeven Ude van Heeck om drye paeten ende om ryss dair datt gat mede tuynden op te Hamdyck ende aen dat Hoefft, VI kr.

Item den scholtet gegeven by den Heemraeden, want sy der Stadt dyck quaet gekoirt hadden buten versuymens der burgermeister, want sy den dyck goet tyt hadden doen maken den ghenen, die den dyck gewoenlick waeren te maken, hem gegeven I rynssche gul ende 1 quart malenesien ad VIII kr.

Summa IIII Rynssche gulden VIJ kr.
Van den Eesschaerssen dyck

Item die van Eesschaeren op te dyck zant gevuert, den selven gegeven VII kr. van weggen,

Item Gaert Koenen mit synre karren vyer dagen zant gevuert ende J dach keyen sdages XII kr. Dess schenct hij der stat enen dach voir ghemeyn werck, soe sal die stat betalen IIIJ dach.

Noch Heyn Peperkoeck vyer dage zant gevuert, oick sdages XII kr.

Noch Gelis Coppens IIIJ dach sant gevuert, oick sdages XII kr.

Noch Arnt Koenen twee dagen sant gevuert myt synre karre, oick sdages XII kr. ende die selve noch enen dach gevuert, die schenct hy der stat.

Item die weijter op ten dijck IIII dage sant geladen, sdagens V kr..

Noch JanEkers II dage oick sdages V kr.

Noch Jan van der Hoven sant geladen twee dagen ende sijn soen twe dagen,

Noch Jan Gobbels twee dagen, elcx dages V kr.,

Noch Derick van der Hege III dach, elcx dages V kr.

Item Heyn Conen en Jan syn brueder hebben die straten gstopt, elck enen dach voir Gerit Soetmeker, elck dages VIII kr., Noch die selve gestraet theynden den dyck twee roeyen gegeven elker roeyen XII kr.

Summa V Rynss gul XXII kr. en 1 oirtken.

Summa lateris IX Rynsschen gulden XXVIII kr en III oirtken.



Fol. 60 vo.

Item Gerit Stevenssn getymmert aen dat haerhuys aen den Steenoven enen dach ad VIII kr.

Item Jan van der Meyen getymmert aen der Brugpoirten teynden der valbruggen anderhalven dach dess dages VIII kr.

Item Reynken onser stadt baey heeft die eerde uytgeworpen onder der valbruggen aen der Hampoirten enen dach ad VJ kr.,

Noch Reynken heeft die kloeten int gasthuys aen den Beyart uytgegraven ende die voirt gebaert in Vyspoirts thorn enen dach ad VJ kr.

Noch Reynken gearbeit enen dach aen der mueren op ten Blyenberch ad VJ kr.

Item Herman Peperkoeck gearbeyt aen der mueren op ten Blyenberch IJ dach similiter VI kr.

Item Jan van Scadyck heeft gearbeit aen dat stakeck aen der Brugpoirten, dair die muere neder gevallen is, vyer dage, elcken dach ad VIII kr.

Item dess gelicx Jan Buelen oick vyer dagen, elcx dages VIII kr.



Item noch Jan van Scadyck heeft getymmert over twe laeyen aen die donrebusschen drye dagen, elcx sdages ad VIII kr.

Item dess gelicx Jan Buelen oick drie dagen elcx dages VIII kr.



Item Reynken die Bade heeft geoepert aen den Staket aen der haven IIJ dach elcx dages VJ kr.

Item van twee houter aen de staket van dertige te snijden gegeven enen stuver.

Item gegeven Jacop den Raeymeker om twee houter daer die twee meeste laeyen van gemaect syn totten busschen XXIIII stuver.

Item Jan van Lynden mit enen knecht getymmert twe doeren op te hogen thorn aen dat waeckhuys ende noch een doer tusschen die Hampoirt aen der nyder mueren, elck IJ dach valent drye dage elcx dages een yegelic VIII kr.

Item noch Jan van Lynden heeft gemaect een nijde doer van syns selffs hout aen Lambert Huysken aen die Hampoirt, hem gegeven X kr.

Item noch Jan van Lynden gemaect van synen hout een teest aen der Hampoirten ende voirt achter der valbruggen nye houter in gelacht ende by heer Henric Shamen die cryb gemaect mit synen knaep, elck enen dach, elck dess dages gegeven VIII kr. ende van der testen II kr.

Item Henric van Wees ende syn knaep enen dach, elck getymmert over die crybben in der Olijstraeten ende voirt dair dess noet wass sdagens elck gegeven VIII kr.

Item Jan Bomfaes van eenre doeren tusschen der Hamporten op te ramen dienende van syn selves planckenende clampen similiter XIII stuver.

Item Jan van Weert heeft een nye trap gemaect aen den hogen thorn, hem gegeven V stuver.

Noch om een balkoen totter trappen te sniden, gegeven enen vleemss


Summa lateris VI Rynss gul. XLVIII kr.

Fol. 61 ro.

Item Jam Mont heeft gestraet aen der Hameijen aen der Brugpoirten ende bij dat Gasthuys vyer dage, dess dages drye braspenninck

Item syn soen ten selven mael hem geholpen, oick vyer dages, dess dages IJ braspenninck

Item Reynken den Bade ten selven mael geoepert vyer dagen sdages VJ kr.

Item Heynken Welkens heft gebuert aen der hameyen ende der Brugporten ende bij dat gasthuys XXI karren sands ende drye karren keyen, elke kar 1 kr.

Item gegeven Gerit Sloetmeker van drye nyen vormen op ter tygelryen te bynden van elker vormen drye stuver.

Item noch gegeven den selven Gherit Sloetmeker van enen tessslot aen der Brugporten te vermaken twee stuver.

Item gegeven Gerit Herberts soen van enen nyen slot aen der nyder mueren tusschen der Hampoirten X kr.

Item Gerit den Cuper gegeven van drye nyden vormen similer XII kr.

Item noch die selve die eymmeren vermaect op ter meerrt aen den putte, tsaqmen III kr.

Item om XVIII oussen gegeven XXIIII stuver.

Item gescenct den gesellen van Namen, doe die Raet den Namensen steen had besien overmits bevel dess Rayts XVIII kr.

Item doe die Raet Henric Loenen ende Arnt die Kael oir Homborger byer aff setten die opt Raythuys gehailt tweeop te Homberger byers ende enen kr. aen schoenbroet facit III kr.

Item doe men Jan van Loen om die stadt Leyden opt Raythuys gehalt aen byer tot mette Jan Ansems seess quarten ad twe meuwen facit IIII kr.

Summa IIII Rynss gul ende XLVIJ kr.


Fol. 61 vo.

Item van Jan Heysen gehadt LXXVI voet leydacx tot twee doeren op ter hogen thorn ende tot eenre doeren tusschen der Hampoirten die hondert voet ad J Rynsschen gul facit XIX kr.

Item noch XXI voet eyken solre plancken op dat Raythuys den voet ad J kr.

Item twe houten aen der tychylrien dat stuck ad 1 stuver.

Item een balcxken ad VI stuver ende VI middel houtert theynden der valbruggen aen die Brugpoirt dat stuck ad IIII kr. ende twe bolcken dat stuck ad III kr. ende 1 hout van dertigen VIJ kr. gebesicht totten cribben bij her Henric den Haen ende in dye Olystraet ende J balkoen totten den busschen ad IIIJ kr. ende drye grote houteren van dertigh totter bruggen aen der Hampoirten, dat stuck ad III stuver, noch drye balkoen totter trappen aen den Hogen thoern, dat stuck ad III stuver.

Summa II Rynssch gul XXXVIIJ kr.


Item dit is alsulck hout als men gebesigt heeft aen den stacket aen der Haven ende totter gebroken mueren.

Item XXXVI houten van XXX voeten dat hondert ad IX Rynsscher gul facit drye Rynssche gul XV stuver, gecoft van Jaepken Reuwen.

Item noch van Jaepken Reuwen XXXIIII houteren, dat hondert VIII Rynssche guld facit II Rynssche gul XXXVIJ kr.

Item noch van Jaepken Reuwen gehadt drye treesen, tsamen V kr.

Item van Willem Monnick gehad drye balcxken, dair die muere mit geanckert is, dat stuck VI stuver.

Item van Jan Heysen gehadt III houten III houteren van dertigen dat stuck VIJ kr., noch van Jan Heysen gehadt twe balcxken dat stuck ad VI stuver.

Item noch van Jan Heysen gehadt X keperhout dat stuck d IJ kr. ende 1 middel hout IIII kr. ende 1 hout van dertigen ad VIJ kr.

Summa VIII Rynssche gul XXIX kr. III oirtken.


Summa lateris XI Rynssche gul XVIJ kr.
Fol. 62 ro.

Dit is alsulke yserenwerck die Burgermeisteren in desen iaer hebben gehadt van Jan den Persoen

Item hondert LXVII dobbel scerpelick, dat hondert ad XL kr.

Item twee hondert en XXVIII scerpelick, dat hondert ad XX kr.

Item twee hondert ende LXIIII lasnagel dat hondert ad X kr.

Item drye hondert ende XXV doirnagel dat hondert ad V kr.

Item dese vurscr. nagel syn verbesingt aen den staket aen der have aen den valbruggen aen der trappen aen den hogen thaern aen den doeren ende voirt dair dess noet was

Summa II Rynssche gul III kr. 1 oirtken


Item opt hogen thaern aen twee doeren, twee pair gehange valet IX kr.

Item XIX libra aen anckeren ende enen ancker VII libra dat libra ad 1 oirtken.

Item 1 C libra yseren roeyen die muere aen der haven mit geanckert valet XXIII stuver.

Item noch VII libra ysers aen der selver mueren vz. III butken ind IIJ libra tot drye ringen aen der hameyen aen der Brugpoirten ad IIJ butken.

Noch IIII libra tot enen ancker aen der selver mueren valent IIII butken

Item aen der doeren tusschen die Hampoirt aen der nyder mueren ende totter tesschen 1 gehenge aen der selver poirten drye gehengen similiter IX kr.

Item aen den putte eymer op ter merct gemaect II kr.

Item noch VJ libra aen enen gehenge valet VJ butken.

Summa II Rynssche gul XXXIIIIJ kr.
Item aen den meeste bussche gebesicht III c ende LXXIII (373 pond) libra tot twe ramen miter steningen, elck libra ad III kr. valent XXII Rynssche gul VII kr. 1 oirtken

Item noch totter selver busschen gehadt ende in der laeyen gebonden aen banden I c ende LXI libra ende XI libra aen scheren ende aen schynen ende aen twee veteren, elck libra ad VII oirtken kr. valent similiter V Rynssche gul XLVJ kr.

Item aen der andere busschen gebesicht aen banden LX libra ende noch tot eenre steningen XV libra, elck libra ad VII oirtken kr. valent II rynssch gul XXIX kr. 1 oirtken.

Summa XXX Rynssche gul XXXI kr. 1 oirtken.


Item verbrant opt Raythuys twee vymmen ryss, elke vym ad XXVIII kr..

Noch op ter Raythuys verbrant drie vymmen ryss van Willem Kemerlinck, elke vym XII stuver.

Item gegeven den Bade van Antwerpen op ter Pinxt midtt ende Baemss (=Bamis) van den geleyde brieff tot drinckgelt tot elker reysen V stuver valet X stuver.

Summa III Rynsschen gul XXVJ kr.


Summa lateris XXXIX Rynsschen gulden XLIIII kr.
Fol. 62 vo

Leydack in desen jair

Item Jacop Reyleyer IIIIJ roey myn J verdel

Item Peter Koekenscryver J roey ende en sesten deel

Item Jacop van Triest J roey

Item Wouter van Wamel 1 roey

Item Heyn Buericx IIJ roey ende een achtendeel

Jan Berbiers Gerits IIJ roey

Item Jan die Best J roey

Item Jan Hol die alde II roey ende III vierdel

Item Henric die Groet IIIIJ roey ende LXXX voet

Item Jan Hol Heynenssn IIJ roey ende XL voet

Item elke roey gerekent ad XV stuver.

Summa van den elidack XVIII rh. Gul XVIII stuver 1 oirtken


Item gegeven Wouter van Wamel ende Derick van den Cluten den alden Burgermeisteren van drye vymmen ryss, die opt Raythuys gebarnt, die sy vergeten hadden in harre rekenscap, elke vymme ad XXVIII kr. valent 1 rh. Gul XXXIII kr. I oirtken

Item op den selven gegeven dat sij oick nyet gerekent en hebben dat sy den Bade van Antwerpen gegeven hebben op Pinxten ende Baemss similiter X stuver.


Item soe bleven die alde Burgermeisteren Wouter van Wamel ende Derick van den Cluten tJair tachter I c LXXXIX Rynsschen gulden IIII kr. 1 oirtken, die wij betailt hebben.

Summa lateris II c X Rynssche gulden ende XII kr.


Fol. 63 ro

Dit is den Onrait die die Stadt jairlicx gilt:

Item in den iersten op Paesschen den Scholtet, den Scepenen, den Burgermeisteren ende den clerck, elc gegeven 1 pair hansen ad IIII br. Ende in elck pair IIII quart wyns ad twe Philippens penninc enden denBade 1 pair hansen ende II quart wyns ende den weker 1 quart valent similiter IIII rh. Gul XVIII st.

Item dess gelicx den selven gegeven op Kersmis ende elck qrt wyns ad IIII kr. valent similiter IIII rh. Gul III st.

Item den Scholtet gegeven op Paesschen voir synen tabbert III rh. Gul

Item den clerck op Paesschen voir sijnen tabbert II rh. Gul

Item Roleff die Bade voir sijnen tabbert II rh. Gul

Item der Stadt weker voir sijnen tabbert II rh. Gul

Item Gerit Sloetmeker voir sijnen tabbert II rh. Gul

Item der Stadt Baey Reynken voir sijnen tabbert II rh. Gul

Item Peter die Leidecker voir sijnen tabbert II rh. Gul

Item die Bogemeker voir sijnen tabbert II rh. Gul

Item Jan van den Lair voir sijnen covel X kr.

Item Haepzone onss Slyckgreeff oick enen covel X kr. similiter VIII st.

Item Jan Maessoen op Kersmis jaerlicx twee gouwen Rynssche gulden II rh. Gul II stuver

Item Jan van Gael seess malder r(og), jairlicx elck malder XXIIII stuver VII rh. Gul X stuver

Item Marcelis die Vriese sess malder r(og) ende 1 scepel, dat malder XXXIII st. X rh. Gul XVI st. 1 oirt

Item dat Gasthuys van den Graeff jairlicx 1 malder ad XXXII stuver valent 1 rh. Gul XIII st.

Item den Capittel IIJ libra alts gelts ende Sunte Barberen alatair X scillinck altz geltz 1 rh. Gul XIIIIJ st.

Item den heere van den land van synen banwyn XL lib. Payment valent VII rh. Gu XVII st.

Item den alden schutten, doe sy schoiten IIII rh. Gul

Item den selven geschenct doe sij in dat harness gingen 1 vaet Delffs byer valet 1 rh. Gul IIIJ st.

Item Sunte Barbaeren schutten doe sij schoeten III rh. Gul

Item den selven geschenct doe sy in dat harness gingen 1 vaet Delffts byer valet XXII stuver

Item verbarnt opt poirten in desen jair I c ende XII libra kersen, elck lib. Ad VII meuwen V rh. Gul VIII st. III oirt.

Item Gerit die Sloetmeker van der klocken stellen V rh. Gul

Item die poirter in die Hampoirt II lib. Payment valet XX kr.

Item die poirter in die Brugpoirt I lib. Payment valet X kr.

Item die Coster 1 lib. Payment X kr. valet sim. XV st.

Item over die rekeningen te maken mette clerck verteert valet IJ rh. Gul

Item den clerck gegeven voir int ende pappier in desen jair J rh. Gul

Item gegeven Lenys Dericxsn van der schoelen I mal r. valet XXXIII st: 1 rh. Gul XIIII st.

Item gegeven van der schoelen den Canoniken II mald r. ad XXVI st II rh. Gul XIIII st.

Noch den selvigen van der schoelen IIJ lib. Paym. Valent XV br. IX st 1 oirt IIII gr

Item Soe had die stadt betailt Sweder van den Zande van wegen jairs joeyen (?) acht malder r. die en sal die stadt byet meer betalen, want Jacop Doepper gelieft heeft aff te doen nae inhalt eens brieffs die die stadt dair aff heeft.

Summa lateris LXXXV Rynsschen gul XXV st 1 oirtken.


Fol. 63 vo.

Summa summarum van den Uytgeven in allen desen jair beloipt tesamen IIII c XV rynssche gulden ende XLI kr.


Item dat opboeren tegen dat uytgeven dat een tegen den anderen aff geslagen, soe blyfft onss die stadt sculdich hondert XV rynssche gul ende XXIIII kr.

Item soen hebben die burgermeisteren vergeten in oeren opboeren van Willem Ridders neve II M steens valent II rh. Gul, die men aff komen sal aen hairre somme.


Item dit syn der stadt maten VIII scepel, III vaet, J vaet
Item die syn die gewichten in der wagen drie stucken elck hondert libra ende twee stucken elck vyftich libra ende vyer yseren stucken, elck omtrynt vyftich libra. Een stuck XXIIII libra. Een stuck XX libra. Een stuck VIII libra. Een stuck IIII libra. Een stuck III libra. Een stuck II libra, Een stuck I libra. Een stuck J (½) libra ende een stuck 1 vyerdel libra.
Item dit syn der stadt bussen: Item in den yrsten XV loetbussschen ende V steenbusschen ende vyer camerbusschen, elc mit twee cameren ende een grote camerbuss mit twee nyen cameren, een buss op raeyer in die Hampoirt ende een buss op raeyer in de Brugpoirt, noch seess metalen busschen ende twee busschen op die kar ende seess houwelen.
Item soe hebben wy verpacht die ramen XII jair lanck.

Item Volpken IJ vleemsschen gulden ende 1 oirt, die selve drie werff geh(oegt)

Item Peter Bauwels 1 gulden, drie werff geh.

Item Herman van Wamel 1 gulden, drie werff geh.

Item Jacop Boeykens IJ gulden ende 1 oirt XII werff geh.

Item Jacop van den Hout I gul

Item elck hoechsel ad 1 oirt vlemss gul ende nyet meer dan onss te betalen.
Fol. 64. ro t/m Fol. 65 vo

Blanco
Fol. 66 ro.



Anno LVII (1457)
Jan van Beers ) burgermeisteren

Wouter van Wa(m)mel )


Fol. 66 vo

Blanco
Fol. 67 ro

Opboeren van Johans van Beerze ende Wouter van Wamel burgermeisteren in der tyt tot Grave, aengaende in den jair van soevenendevyftich opten Jairsdach, uytgaende in den jair van achtendevyftich opten selven dach. Dat libra gerekent voir VIIJ Gelressche meuwen ende die Gelressche meuwe voir XVII gr. ende den Rynsschen gulden gerekent voir XIX stuver.
Item in den yrsten van allen acsysen in desen jair verpacht.
Item den brode assys, den slach dair aff Jan Doepper ad XIX lib, die selve gehoecht dry werf ad XII st., soe comt der stadt XX lib. IIII s.

Item den Caren assys Jan Ekers den slach XXXV lib., sie selve gehoecht IX werf, ellick hoechsel ad XXX s., soe comt der stadt XLIIII lib.

Item den Byeren assys den slach aff Jan Kocken ad II c LXX lib, die selve gehoecht XII werff, elck hoechsel ad III lib., soe comt der stat II c ende XCIIII lib.

Item den Verwer assys den slach Jacop Reyleyer ad LIII lib., die selve gehoecht drie werff, elck hoechsel ad XXX s., soe comt der stadt LVI lib.

Item den Weveren assys den slach Jorden Lamberts ad XL lib., die selve geh[oecht] III werff, elck hoechsel ad III lib., , noch Peter vanGelre eens geh(oecht), soe comt der stadt XLVIII lib.

Item den Cremer assys Henrick Moerkens ad XLII lib., die selve geh[oecht] II werf ad XXX s., noch Jan van Wamel geh(oecht) XVI werff, soe comt der stadt LX lib.

Item den Houteren assys den slach Jan Doepper ad XVII lib, die selve geh[oecht] III werff ad IX s, soe comt der stat XVII lib. XVIII st.

Item den Schoemeker assys den slach Gherit van Beerten ad XX lib, die selve geh[oecht] III werff ad IX s, noch Heyn Buericx IIII werff geh(oecht), soe comt der stadt XXII lib. II s.

Item den Vysscher assys den slach Jan Claessoen ad XXII lib., die selve geh[oecht] IX werff ad XVIII s., soe comt der stadt XXVII lib. ende VIII s.

Item den Vleishouwer assys den slach Jan van Hollant ad XIII lib., die selve gehoecht drye werff ad XVIII s., noch Jan Rossknecht II werff, soe comt der stadt XVI lib.

Item die Wage assys den slach Derick van Hollant ad XXXIII s,, die selve gehoecht III werf ad XXX s., soe comt der stat XXXVI lib.

Item den Steenpacht den slach Roloff Vyssenock ad XXXI lib, die selve gehoecht XII werff ad XII scillinc, noch Heyn Sproncx VI werff, soe comt der stat XXXVIII lib IIII s.

Item den Kese ende den lynen laken assys den slach Roloff Vyssenack ad III lib., die selve geh[oecht] IX werff ad XII s, noch Henrick Moerken eens geh(oecht), soe comt der stat VIII lib.

Item den Fermentoit assys den slach Jan Ekers ad XXXV lb, die selve geh[oecht] XVIII werff ad XII st., Jan van der Voirt VI werff, noch Jan Ekers II werff, soe comt der stat dair van XLV lib. VIII st.

Summa lateris VII C XXXIII lib. Payment IIII s.
Fol. 67 v.

Op Paesschen ende Martini

Item op Paesschen geboirt van Bormans hoff 1 lib XIIII s.

Item van Arnt Hacken in der Stoven XVIII s IIII d(enier)

Item van Bertolt Jegers thoern V s

Item van den hoff aen den thoern II s

Item Willem Snavels huysinge op Martini IIII lib V s

Item van den Schoemekers spuel buyten die Brugpoirt II lib.

Item van Henricx thaern van den Hautert III s alts geltz valet IX s

Item Rut Hoellen huys aen die Brugpoirt 1 lib

Item Jan Naeprincx uyter tygelryen 1 lib. XII s

Item Lemken die Moeller van synen hoff buyten die Hampoirt II s

Item van Jan Quaeypaepen hoff X s

Item van den thaern achter Deric Wauterssoen II s IIII d

Item van Jacop Kyevoet van der gruenre stegen II lib

Item Peter van Wychen van enen Camp by sunte Judoest berge X s

Item Seger van Merwick van Schaepkens hoff III s

Item van den straetken beneven Deric Wauters 1 grote payment valet 1 s II gr.

Item Jacop Gruyter van der Hampoirten I lib

Item Rut Huybkens van den hoff buten die Hampoirt I lib

Item Peter Schoers mit sijnen gesellen van utersten thaern van den Hampoirt 1 lib

Item die Baghynen van Heyn Ansems Raimstat 1 lib. pay[ment]

Item geboirt van Rut Hoellen van den welliken by der watermoelen V lib

Item van Claes Spaen ende Mechtelt syn moeder van den taern 1 lib



1   ...   5   6   7   8   9   10   11   12   ...   15


De database wordt beschermd door het auteursrecht ©opleid.info 2017
stuur bericht

    Hoofdpagina