Te vuuvnolf toe ’n driênolf Joris denoo NÊH



Dovnload 38.25 Kb.
Datum17.10.2016
Grootte38.25 Kb.

Te vuuvnolf toe ’n driênolf Joris denoo

NÊH

(Driêntwienteh joâr sènes heerlijkheid in Heule, 2010)

’n oektand van ‘eule


’t skil moâr e seule

smoet moa je kiet’n

wiedre kunn’ biet’n


me zitt’n me ne koatre

van zoveel joar loatre


Te vuufnoolf toet’n driênoolf

’t is ooltiet tselfste liedje

voe Pietje e Mietje e Sofietje

’t è weere hank mètt’n drank

bie Sène in de skerp’n oek

twienteh joâr lank ol is ’t hank ol

twienteh joâr lank in da drankol

’t is ol ne vrièn dikk’e boek

voer ol dadiêr poât’n en oârn èt

en drip en dertuss’n oâk ne kop èt

luustert goêt wuk dak hoâ zehh’n

of bluuf je lievre tuus met e primus infuus

e peis je meschiên van te verleh’n!?

verhit het moâ vintje tis iêr daj moe sîn

iêr stoâ je pintje ol twienteh joâr lange

e hè hie heliek ol weezekant’n van da heliek

of zie’ j wok ièn van die roâre van iêr oltehoâre

stoâ j’ip d’em boek iêr ip de vuul’n oek

è j hie trifle mè wiefle n’ en acroo mè denoo

zie’j toet voe den ast en te pro voe de kwo

èèj hie hoân vecht’n in de skjève recht’n

èèj hezeurd met de koârt’n in d’n èrt

mett’e champettre en den ertefrettre

das ol hièn probleem das iêr ton voer u, nèh !

zit je bie sène en è j wok hièn gène

èj wok dezelfste ploâte lik ’n arte zoâte

das ol hièn probleem das iêr ton voer u, nèh !
’n oektand van ‘eule

’t skil moâr e seule


smoet moa je kiet’n

wiedre kunn’ biet’n

me zitt’n me ne koatre

van zoveel joar loatre


Te vuuvnoolf is ‘t te doêne

Te vuuvnoolf ziê me hroêne

Te vuuvnoolf is ’t weer oop’n

Te vuuvnoolf è me dust

Te vuuvnolf goa’ me stroop’n

Te vuuvnoolf zî me hrust, nèh !


’n oektand van ‘eule

’t skil moar e seule

smoet moa je kiet’n

wiedre kunn’ biet’n


me zitt’n me ne koatre


van zoveel joar loatre
Te zesnoolf n eure loâtre

Te zesnoolf nog hiène koâtre

Te zesnoolf de lucht mag an

Te zesnoolf was ’t histern hièsteh

Te zesnoolf wuk è j hie nu an

Te zesnoolf ’t komm’ were bièstig, nèh !


’n oektand van ‘eule

’t skil moar e seule

smoet moa je kiet’n

wiedre kunn’ biet’n

me zitt’n me ne koatre

van zoveel joar loatre

Te zeevnenolf gie onnoôzle kolf moe j gie nu weerol voart?

Te zeevnenoolf hebeurt den ièste moârd.

Te zeevnenoolf oet moâr u smoêl èj nog ne stoêl?

Te zeevnenoolf hie koolf hie hodverdomske seute

Te zeevnenoolf ‘k zegg’n ik dad’olliène voe de leute

Te zeevnenoolf hiv’ iêr noh ièn voe hièl die meute, nèh !



’n oektand van ‘eule


’t skil moar e seule

smoet moa je kiet’n

wiedre kunn’ biet’n

me zitt’n me ne koatre

van zoveel joar loatre
Ten achtnoolf begunn’ z’ol toê te komm’

Ten achtnoolf kiedekjiè wiên damme doâr èèn

Ten achtnoolf ne recht’en ne kromm’ en n’een dikk’n en n’een domm’

Ten achtnoolf ne heweun’ en ièn mè ne hroâte kadoo


Ten achtnoolf ièn die verdomme heliekt ip d’udekem d’acoz

Ten achtnoolf de freule en ’t skîlt weer e seule, nèh !


’n oektand van ‘eule

’t skil moar e seule

smoet moa je kiet’n

wiedre kunn’ biet’n


me zitt’n me ne koatre

van zoveel joar loatre

Ten neeh’nnoolf eet ier en doar ol iên zitt’n

Ten neeh’nnoolf kîk’e’kjiè noâ’n diên mè sin lank oâr

Ten neeh’nnoolf moe ‘j eihlik niê mjiè vitt’n

Ten neeh’nnoolf ziêt ne’m verzeek’re niê miè kloâr

Ten neeh’nnoolf ‘t is zeekre hièn ne stoêl mê vrie

Ten neeh’nnoolf moe’j hie meskiên miê kruk èè hie?, nèh !

’n oektand van ‘eule

’t skil moar e seule

smoet moa je kiet’n

wiedre kunn’ biet’n

me zitt’n me ne koatre

van zoveel joar loatre


Ten tiennenolf how driengk’ noh iên hie truntepoatre

Ten tiennenoolf me zîn nu nog moâ vuuf eurn loâtre

Ten tiennenoolf moe j hie niê behunn’ oovre woâtre

Ten tiennenoolf kèè hoeste achtre friet’n

Ten tiennenoolf da biêr zit imme kiet’n

Ten tiennenoolf khoâ mè me pinte smiet’n, nèh !


’n oektand van ‘eule

’t skil moar e seule

smoet moa je kiet’n

wiedre kunn’ biet’n

me zitt’n me ne koatre

van zoveel joar loatre


Ten elvnoolf moe’k’ik nog niê tuus sîn

Ten elvnoolf ku’k’ik nog vanolles doên

Ten elvnoolf ei la ba das iêr de mîn !

Ten elvnoolf khoâ nog wa held verdoên


Ten elvnoolf moe’j hiedre nog ièn èèn?


Ten elvnoolf ’t is hodverdomme ool da m’èèn, nèh !
’n oektand van ‘eule

’t skil moar e seule

smoet moa je kiet’n

wiedre kunn’ biet’n

me zitt’n me ne koatre

van zoveel joar loatre


Ten twoolvnoolf zie ‘j hie olliène of met twièn ?

Ten twoolvnoolf santé me’ ratje è mî schatje


Ten twoolvnoolf kom je hiedr’ iêr av ‘en toê ?

Ten twoolvnoolf he zît toch noh niê moê ?

Ten twoolvnoolf dad’is verdomd hièn eure

Ten twoolvnoolf moe’j zeek’re noh niê deure, nèh !


’n oektand van ‘eule

’t skil moar e seule

smoet moa je kiet’n

wiedre kunn’ biet’n

me zitt’n me ne koatre

van zoveel joar loatre


Ten iènenoolf word’ol moeilik

Ten iènenoolf moe’j deurebiet’n


Ten iènenoolf ist hevoârlik

Ten iènenoolf hoâ’k mi smiet’n

Ten iènenoolf zîn ‘t ol moat’n

Ten iènenoolf of te loât’n, nèh !


‘n oektand van ‘eule

‘t skil moar e seule


smoet moa je kiet’n

wiedre kunn’ biet’n

me zitt’n me ne koatre

van zoveel joar loatre


Ten twiènnoolf toet ip ‘t biènnoolf

Ten twiènnoolf doeme deure

Ten twiènnoolf zoe’t ol skiènnoolf

Ten twiènnoolf è j’ol keure


Ten twiènnoolf hie hotvers koolf

Ten twiènnoolf he verstoâ mî moâr’ oolf, nèh !


‘n oektand van ‘eule

’t skil moar e seule

smoet moa je kiet’n

wiedre kunn’ biet’n

me zitt’n me ne koatre

van zoveel joar loatre
Ten driênoolf ton is ’t hedaan

Ten driênoolf èèm et verstoân

Ten driênoolf zè sie heliek

Ten driênoolf da vin’ me sjiek

Ten driênoolf moet doâ zèlv’e kjiè stoan

Ten driênoolf ol twienteh joâr lange

Ten driênoolf ge zie van ‘eule

Ten driênoolf oftwel van fluto

Ten driênoolf ton zî voe’r ‘eule

Ten driênoolf verhit je’ne noto

Ten driênoolf ’n oektand van ‘eule

Ten driênoolf pak’ moâr e seule, nèh !


’t Is ip sène en ‘eur driêntwienteh joâr

’t Is ip sène e kljièn heboâr

’t Is ip sène da’me klienk’n

’t Is ip sène da’me zienk’n, nèh !


en èj hie ’t zot in de kop pak noh wa sop

en èj noh wa skuld z’èèsie heduld

è zie’j mè je ‘n oâr zoek ’n en kwoffeur

è zie ‘j je liêf kwiet zoek ’n e charmeur

en èèj de snik frâsien ken’nen truuk

ze hiêt noh wa primus in joene buuk, nèh !


’n oektand van ‘eule

’t skil moar e seule

smoet moa je kiet’n

wiedre kunn’ biet’n

me zitt’n me ne koatre

van zoveel joar loatre

te vuuv’n voe de dulle wuuv’n

te zess’n voe de roste stress’n


te zeev’n voe de pezeweev’n

ten acht’n voe te versmacht’n


ten neeh’n voe de leeh’n

ten tien’ voe ’n dien

ten elv’n voe jezelv’n


ten twoolv’n voe de woolv’n

ten jien voe te skjien


ten twjien toet ip ’t bjien


ten drjien … ’t is te zjien, nèh !
santé !!!

nèh !!!
Deze tekst werd op zaterdag 20 maart 2010 ter gelegenheid van 23 jaar kaffaat de heerlijkheid in heule vertolkt door françoise deschoemaecker, francine dendievel, jowan wyffels, piet vanmarcke en de auteur joris denoo, geruggensteund door the superior dance band uit kortrijk.





De database wordt beschermd door het auteursrecht ©opleid.info 2017
stuur bericht

    Hoofdpagina