Thuhmahruai



Dovnload 25.31 Kb.
Datum14.08.2016
Grootte25.31 Kb.
VAIHLO LEH KHUAH KHIRHNA DAN
Dr Jane R Ralte

State Nodal Officer cum Project Officer

Smoke Free Mizoram

Mizoram State Tobacco Control Society


THUHMAHRUAI:

Vaihlo tih leh zuk leh hmuam han tih mai pawh hian sawifiah hran vak ngai lovin kan hrechiang hle in a rinawm a ni.Vaihlo hian engang chiahin nge kan taksa tan pawi a khawih theih dan te, he vaihlo avanga natna tihbai awm tak kan tih cancer thlenga a thlen nasat zia leh hemi avanga kan hmangaih tak tak te kan chan nasat tawh zia lam chu kan in hrilh nasa tawh a sawi thui vak ngai tawhlo turah han dah phawt mai ila. Tun tumah chuan vaihlo leh a khuah khirhna dan chungchang hi luhchilh ta zawk ila a tha awm e. Mizo te hi kan hnam zia hrim hrim ah kan tih zawng chu ti vak mai chi kan ni a, thil pawh kan zir chakin kan hriat duh zawng chu thiam pawh kan thiam chak hle reng a ni. Khawtlang lam Sap kan tih mai te inchei dan kan lak chak ang bawk hian an zia a puitlinna te hi han zir chak ilang chuan hetiang tak hian vaihlo leh a kaihhnawih chungchang te hi kan in hrilh zin a ngai lo tur hi a nia. Vaihlo zingah hian meizial hian pawi a khawih nasat bik em avang hian puipunna hmuna zuk te pawh khap a ngai ta hial reng a ni. Mi tam tak chuan ka dikna chanvo(Right) alawm tih avangin meizuk khapna dan te kan ngai pawimawh lo fo thin a a pawi hle, meizuk kha I right a nih ang bawkin meizu ngailo ten boruak thianghlim tak an hip kha an dikna chanvo a nih ve tho avangin puipunna hmuna mei I zuk khan midang tan harsatna I siam mai bakah dan I bawhchhia a ni tih kha I ngaihtuah a hun hle tawh a ni. He vaihlo khapna dan hian meizu mi te a palzut ringawt a ni lova, a zukna hmun an thlan thiam theihnan leh meizu ngailo te an lo fihlim a hriselna lamah hma kan sawn zel theihnan he dan hi siam a ni tih kan hriat a pawimawh em em a ni.


VAIHLO KHUAHKHIRHNA DAN:

Vaihlo hi kan hnam tan a lo hnawk tak em avang hian a dona kawnga tan kan lak ho hi a tul takzet tawh reng a ni. Zirchianna atanga an hmuh chhuah danin Second Hand Smoke hian meizulo te tan pawh pawi nasa tak thihna thlengin a thlen theih avang hian Mizoram mai nilovin India ram pumah pawh a tihrem dan kawng zawn a lo ni ta hial a ni a, Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution) COTPA Act kan tih mai dan thar chu kum 2003 khan ram pumah hman tan tura duan chhuah alo ni ta hial a ni. He dan hian vaihlo lam chi reng reng a zuk chi ani emaw ahmuam/eichi te pawh a huam vek a, India ram pumah chuan hman theuh tur ani tih kan hriat nawn leh a tha awm e.

He Act hi kan zawm tlan vek theihnan hlawm lian deuh deuhah then a ni a:


  1. COTPA, 2003 Act Section-4 chuan Puipunna hmun reng rengah meizuk a khap tlat a, he dan bawhchhe tu chu Section- 21 na hmanga Rs 200 thleng chawitir theih ani. Puipunna hmun neitu, head, proprietor, manager, supervisor emaw in-charge emaw chuan a hnuaia tarlan zawng zawng te hi zawmkim an nih theih nan hma a la tur ani:-




  1. Puipunna hmun, a thuneihna hnuaia awm zawng zawng a meizuk a khap tlat tur a ni. Puipunna hmun kan tih hian ahnuaia hmunte hi a huam a ni –

(1) Damdawiin

(2) Zirna In: Schools, Colleges etc

(3) Pisa (Offices)

(4)Mipuiin zin veivahna atana kan hman (e.g taxi, bus, maxi cab etc.)

(5)Bus Station, Railway Station, Airport

(6)Hall: Vanapa Hall, Saikuti Hall etc.

(7)Thingpui Dawr, Restaurants, Hotels etc.

(8)In khelhna hmun: ( eg. AR Ground, Ramhlun Sports Complex etc.)

(9)Intihhlimna Hmun ( eg. City Park, District Park etc.)

(10)Bazar hmun (Millineum Centre, Solomons Cave, CHANEM etc.)

Heng a chunga kan sawi lan tak te khian a hnuaia kan ziah ang board te hi an tar ngei tur a ni bawk a ni

(a) Signboard a hnuaia mi ang hi a tar tur a ani.

(i) Luhka (entrance) ah theuh.

(ii)Inchhung hmun langsar lai berah.



      1. In chhawng khat aia tam anih chuan, step chhuah chiah (landing) ah leh lift a awm anih chuan, lift luh dawn ah a awm tur ani.

      2. A signboard len zawng hi a te berah a 60cm x 30cm niin a background var a ni tur a.






(b) “Complaint Board” hi puipunna hmun ah meizu an lo awm palh a complaint na tur hming, nihna leh phone number nen tar vek tur ani.




He lai hmun a mei zu an awm anih chuan , ahnuaia mi hnenah hian complaint tur a ni.

Hming ................................................

Nihna ..................................................

Telephone No ............................................



In case someone smokes here, please lodge a

complaint to:-

Name:…………………….............

Designation: …………………......

Telephone no:…………………....



  1. Tin heng a chunga kan sawi tak bakah hian meizuk na hmanraw hrang hrang e.g. Ashtray, Nawhalh leh Lighter te chhawpchhuah tur ani lova,

  2. Hotel room 30 emaw restaurant seat 30 aia tam nei chin te chuan an duh chuan meizuk na pindan hrang (Smoking Area/Space) an siam thei anga, amaherawhchu hei hi dan in a duh ang thlap a din tur ani ang.

Meizukna hmun, a hranga siam a nih chuan heng a hnuai a tarlan te hi zawm tur a ni:-

    • Pindan hrang a meizukna hmun hi siam tur a ni a.

    • Meizuk bak thil dang tihnan a hman loh tur a ni.

    • Luh/chhuahna bulah he pindan hi siam loh tur a ni a.

    • Phui tha takin boruak bawlhhlawh a chhuah theih lohna turin negative pressure a awm tur a ni.

    • He pindan chhungah hian meikhu chhuahna hran “exhaust” dah tur ani.

  1. Puipunna hmun neitu, head, proprietor, manager, supervisor emaw in-charge in puipunna hmun a meizuk anih a hma a la duh lo anih chuan danbawhchhetute chawi ai zawng zawng a chawi vek ang.



II. Section 5Cigarette and Other Tobacco Product Act (COTPA), 2003 chuan vaihlo fakmawina lam chi reng reng a khap tlat a ni. He dan bawhchhiah chu a vawi 1 naah kum 2 lungin tan leh cheng 1000 thleng chawitir theih an ni a, an sim lova man an nih leh chuan kum 5 thleng lungin tan leh cheng 5000 thleng chawitir theih an ni.
III. Section 6 (a)Cigarette and Other Tobacco Product Act (COTPA), 2003 chuan vaihlo leh a kaihhnawih reng reng Kum 18 hnuailam hnena hralh a khap tlat a ni.He dan bawhchhiate chu Section – 24 na hmangin Rs 200 thleng chawitir theih anni.

Vaihlo leh a kaihhnawih reng reng zuartu te chu a hnuaia tarlan ang board hi hmun langsar lai bera tar vek turin thu a pe ani. He board hi a te berah 60 cm x 30 cm a ni tur ani.





IV. Section-6(b) of COTPA, 2003 chuan vaihlo leh a kaihhnawih reng reng zirna in leh a bul hnai Yard 100 (300 ft) bial a zawrh a khap tlat a, a bawhchhe lui chu Section-24 na hmanga Rs 200 thleng chawitir theih ani. Zirna in te hi Puipunna hmun a nih angin Section 4 a kan sawi tak te khi an zawm vek tur a ni a, hemi bakah hian a hnuaia board ang hi hung pawn, hmun langsar laiah an tar ngei tur a ni

School compound atanga Yard 100 (Feet 300)

huam chhungah Vaihlo leh a kaihhnawih thil

reng reng zawrh khap tlat ani. A zuar lui chu

Cigarettes and Other Tobacco Product Act(COTPA) 2003, Section – 24 na hmangaRs. 200 /- thleng chawitir

theih an ni”




V. Section- 7 of COTPA, 2003 chuan vaihlo leh a kaihhnawih eg. Sahdah, zozial, tuibur etc. funna bawm tin ah vaihloin hriselna a khawihchhiat theih dan thu bakah a lem a hnuaia mi ang hi tarlang vek turin thu a pe ani.
1. Ei / hmuam chi funna / bawm a tarlan tur 2. Zuk chi funna / bawm a tarlan tur




He dan bawhchhia a vaukhanna thu leh a lem tarlang lo te chu Section – 20 na hmangin a vawi1 naah kum 1 lungin tan leh cheng 1000 thleng chawitir theih an ni a, an sim lova man an nih leh chuan kum 2 thleng lungin tan leh cheng 3000 thleng chawitir theih anni.




TLANGKAWMNA:

Vaihlo hian kan hnam hi min eichhe mek a, a pawi tawh hnuah tihdam tumin kan buai leh thin si a, hei ai hi chuan invenna lam hi kan uar a tan kan lak a pawimawh tawh hle a ni. Keimahni tan a thatlohzia kan hre tawh chunga kan la sim thei nganglo a nih pawhin a hmanna turah fimkhur theuh ila, mei kan zuk khan kan bul vela mi te leh kan chhungte, kan fate kan hmangaih tak te khan an lo tuar ve zel a ni tih hi ngaihtuah theuh ila, zuk phallohna hmunah chuan luhlul taka ti lui lovin a zuk theihna hmunah te in thiar fihlim tum hram ila hei hian kan ram pawh nasa takin a siam tha ngei ang tih a rinawm tlat a ni.Tin, hemi kawnga hma la tur te pawhin kan hma zawna kan tih tur theuh te ngaihthah mai lova theihtawpa hma la tur hian kan in sawm nawn leh a ni. A tawp berah chuan meizuk khapna dan hi vaihlo avanga natna chi hrang hrang kan tawrh mek lakah te, kan boruak a lo thianghlima mitin kan lo hrisel zawk nan leh a hlawhtlinna atan theihtawpa hma min lakpui turin Mizoram mipui te kan sawm a che u.










De database wordt beschermd door het auteursrecht ©opleid.info 2017
stuur bericht

    Hoofdpagina